[K11 出品] 曼聯K角度 – 小勝?穩勝?還是險勝?

Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

周中嘅足總盃重賽勝仗,雲高爾又將曼聯從熱剌嘅敗仗中拉上來,今周面對榜尾嘅維拉,賽前相信會是大勝可期,但出場陣容卻收起今季長期正選及現時進攻重心嘅馬素爾及今季進步極大嘅連加特,換上雪彊了嘅迪比及剛傷愈復出嘅隊長朗尼,而馬達繼續移至右翼出現,結果仍是由拉舒福特嘅入球小勝而回,不過呢場波到底係穩勝還是險勝?不如等我K11同大家一齊去評一評啦!


出場陣容:龍門繼續由迪基亞把守,後防右至左分別為華倫西亞,史摩寧,白蘭特,洛荷,防中由舒拉達連及費蘭尼,進攻中場由右至左為馬達,朗尼,迪比,正箭頭繼續為拉舒福特出任!嚟緊周中將有快車面對水晶宮嘅賽事,作輪換其實係合理調動,而且只係面對榜尾嘅維拉,但今季曼聯嘅不穩定,的確令人有點擔心!


迪基亞今場賽事相對得閒,維拉嘅攻門全場共6次,卻只有1次中龍門,正正出現於83分鐘,維拉施加最後壓力而積施迪剛剛接應角球射門中柱後出現,幸好迪基亞將卡尼接應角球頭鎚嘅攻門緊緊接實,才真正化解這危機!



後防方面,右閘嘅華倫西亞,傷癒復出後一直未能穩定取回正選位置,經常要與新星科素文沙及意大利通天老倌嘅達美安爭一日之長短,幸好今場雲高爾選中佢,因為31分鐘正是由華倫西亞接應長傳控定後,傳中予拉舒福特射入致勝球!其餘時間方面,雖然維拉給予嘅壓力唔算大,但華倫西亞除助攻外,防守上也集中,並未有出現甚麼錯誤!不過估計周中嘅聯賽,可能又要退回科素文沙之後了。


左閘嘅洛荷,傷癒復出後一直穩坐正選位置,而且表現也較為穩定,波夫域積遜要重新挑戰其位置可能要再等下機會,但今場由於左翼為馬素爾改為迪比,基於迪比較個人化嘅特質,洛荷今場嘅助攻也較為收歛!


中堅方面,繼續老拍擋史摩寧配白蘭特,其實此對拍擋今季大部分時間正選合作,已有一定默契,雖然白蘭特一直被批評錯配位置,但今場波佢又為自己再爭一口氣,而且佢放長傳或穿越球嘅質素的確不弱,14分鐘長傳予迪比嘅傳送其實睇得好通,可惜只差一點點,先可以再會面!被赫頓回防解圍成角球!而中史摩寧今仗繼續平穩發揮,唯獨尾段維拉嘅小陽春所製造嘅驚險,史摩寧未能成功守住積施迪,幸好史摩寧仍然緊身追貼施加壓力加上運氣,積施迪嘅攻門只是中柱。


防中方面,今仗由舒拉達連及費蘭尼出任,舒拉達連繼續其定海神針嘅功能,於中場線多次攔截成功或對維拉嘅攻擊套路作出第一套防線嘅保護,絕對係一名無名英雄,各位讀者特別係一心想鑽研防中位置嘅朋友仔,要多多留意舒拉達連嘅簡單又有效率嘅踢法。而費蘭尼繼上仗正選上陣後,今仗於中場繼續做好防守,加上其制空力於進攻及防守都有一定幫助,當然,皮球運行中嘅情況下,費蘭尼嘅參與便相對較少了。

進攻球員方面,右路嘅馬達今仗位置雖為右翼,但似乎雲高爾給予馬達一定自由度,不時走到中路,更曾於左路出現,令馬達今仗嘅表現較為活躍,而且雲高爾似乎尋找到馬達踢右翼嘅相應條件,激活了馬達,或者應說成彌補了馬達踢右翼嘅不足,尾段分析將會詳述!不過馬達今仗最為吸睛嘅,應該係2球角球接應後嘅攻門,產生極大威脅,可惜對維拉都只係虛驚一場而已。88分鐘由科素文沙入替!此換人基本上只是給予馬達機會去享受奧脫福球迷嘅掌聲!

左翼嘅迪比,重新得到機會,原因正是要讓馬素爾有一定程度嘅休息!迪比成熟了,也有珍惜此表演機會,不時作出突破,當然相比馬素爾,所造成嘅威脅明顯不足,但最為活躍出現於53至65分鐘嘅一段時間,迪比多次突球,傳球為曼聯曾經出現拉開比數嘅機會,可惜最終未能如願,不過迪比嘅表現相信仍未能說服曼迷,繼續努力吧,只要努力,有回報的!


由於拉舒福特嘅火熱狀態,朗尼都要避一避,雲高爾將進攻10號位置,交托予曼聯10號嘅隊長朗尼,這樣一來,嘅可以為朗尼帶來一個出場機會,亦可以繼續令拉舒福特維持其狀態!而朗尼似乎對此位置也不陌生,亦很歡喜,不過朗尼狀態有待操起,老實講句,看到正選陣容,我K11不禁驚一驚,雖然呢場波應不穩勝,但今季曼聯嘅不穩定表現,派出久傷嘅朗尼正選上陣,的確有點兒擔心,似乎我K11有點兒多疑了!其實曼聯今季可能一直正在等拉舒福特嘅出現,令朗尼可以名正言順退落進攻中場嘅位置!假如朗尼真係適應此位置,英格蘭嘅進攻組合便可以出齊朗尼,華迪及哈利簡尼了!咁艾里呢?鶴臣諗啦!
66分鐘由連加特入替朗尼,而連加特於進攻中場位置奔走,雖無貢獻,但勤力非常,不過我K11始終覺得右翼對連加特較為適合!


正箭頭嘅拉舒福特,繼周中射入世界波後,今仗繼續其出色表現,每次觸球也令維拉後防不能怠慢,而31分鐘接應華倫西亞嘅入球處理,看得出其射門觸角之敏銳,整個射門動作,力度調教都恰到好處,正是一名前鋒需要嘅因素,18歲,曼聯要好好珍惜此子,同時,訓練團隊要繼續將此子嘅潛力迫出嚟,最好操大隻一點吧!75分鐘由馬素爾入替,馬素爾入替後主要是控球,穩定戰局,期望多入一球CUSHION波,不過未算產生太大威脅,但賽事尾段,佢控球在腳,相對令曼聯球員及球迷放心吧!



到了戰術分析,先講講馬達吧,於即討區時,我K11都曾提及,似乎雲高爾對於馬達踢右翼,要配合嘅其中一個條件,正是要用一名助攻力強嘅右閘配合,此做法可以彌補馬達於右翼速度之不足,而且擅左腳嘅馬達於右翼控球後,極少落底線,而較喜歡切入中路,但多數嘅做法為切入後傳出高空球,如果配以一名助攻力強嘅右閘,當馬達切入中路時,右閘助攻,呢個時候,可能拉開對手防馬達嘅球員,同時馬達也可能作出一個關鍵傳球予助攻嘅右閘球員!愛華頓一仗中科素文沙嘅助攻便是一個好例子!所以今場右路為馬達及華倫西亞,便激活了2者。達美安似乎要加把勁了!



不過,領先一球後,曼聯球員雖然有嘗試再攻入一球,可惜所施加嘅壓力及威脅唔夠大,結果於82分鐘,積施迪入場後,反令曼聯後防有一陣子嘅危機,其實係致命危機,幸好迪基亞嘅好朋友(門柱)救了一命!雖然雲高爾已經作出換人調動,但似乎臨場給予球員動力嘅支持,可能不夠,其實場中嘅隊長也可以發揮此效用。掛念著費SIR昔日鬧爆球員唔俾力,唔到鎖定戰局唔心息嘅畫面呢!
姑勿論呢場波只是小勝,只看數據嘅球迷相信係穩勝,但睇直播嘅球迷於尾段出現危機下覺得係險勝,最重要嘅係3分已袋,繼續向前4球隊施加壓力吧!


周中又一場了,感謝各位支持即討區及文字直播,今季嘅曼聯,雖有不足,但事已至此,繼續支持,撐到最後吧!


Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→