[K11出品] 曼聯K角度-節奏明快, 但破門乏力的主場.奧脫福

比賽日我地會po 直播 link 比大家睇波, 記得留意我地既page!
https://www.facebook.com/RoyceMU
仲會有賽後分析/評分,精華,個人精華等,仲唔快d like?


又回到歐聯戰線, 又係捱夜睇波既時候, 今晚我K11 啪左2杯咖啡先頂到去冬季時間既3:45等開波, 其實場波唔算悶, 節奏算明快, 但入肉攻門唔算多, 時間越過去, 攻門越少, 越眼訓……..醒呀, 完場後曼聯球員既表現, 好像有點不相信未能勝出賽事, 帶點失望, 但睇完直播既各位球迷, 未能勝出不是意外, 只是有點失望, 為何控制賽事, 為何節奏踢得明快, 為何於奧脫福主場出擊, 卻未能勝出賽事, 一齊黎睇下今場各球員既表現與球隊戰術上的分析。


今場比賽開波前, 禾夫斯堡已於較早時間以2:0作客擊敗中央陸軍, 令後者肯定出局, 所以如果今場曼聯能在主場勝出賽事, 便可以肯定出線但未分首次名, 相反PSV呢場如果只要不敗, 下場回到主場面對已出局, 鬥心成疑既陸軍, 好大機會能勝出便可出線, 就算和波, 只要曼聯輸波而回, 同分便計算對賽的情況下, PSV也可晉級, 所以今場波, PSV唔介意同你磨完場…………對曼聯黎講, 今場賽事其實變得被動下需要主動, 主動去取勝而不是和都收貨既賽事。


龍門繼續由迪基亞把關, 今場基本上毫無難度可言, PSV要於32分鐘先有第一次射門, 對手雖然有8次射門5次中框但基本上完全考驗唔到迪基亞, 今場迪基亞既簡評……完。


後防方面, 先講2閘, 盧祖復任正選左閘, 達米安都重點正選, 似乎雲高爾對PSV ( 未敢輕敵 )及楊格 ( 未敢信任 )有一定戒心, 但今場波其實2閘都有不少助攻, 達米安雖然助攻力不強, 但勝在穩定, 基本上無任何甩漏, 更有一,兩次底線傳中都有不錯水準, 賽事去到最段5分鐘, 雲高爾嘗試放手一拼, 將馬達換入達米安, 楊格退回右後衛位置, 不過作用不大, 也受壓不多, 而後防中路方面, 史摩寧繼續擔正 ( 開始有點擔心佢會唔會太操勞了 )及白蘭特, 此條後防線今場未給予PSV太多空間去偷雞, 最難得一次相信係PSV一次既ONE TWO打穿盧祖既左後防位置, 可惜最後都被白蘭特封位, 未能給予迪基亞考驗。

中場方面, 雲帥基本上仍然以雙防中應戰, 舒拉達連加小豬, 雲帥對小豬相當體貼, 賽前既操練讓其休息, 爭取時間回復, 結果今場波都不負所托, 繼續於中場掃蕩, 而舒拉達連就好似中場既定海神針, 小豬就如由舒拉掛連放出黎既一隻風箏左掃右掃, 掃完就拉番去中場中路一樣, 令對手好多波去到曼聯三閘線左右便被破壞, 呢個情況, 細心既球迷可以留意下當費蘭尼換入後初段, 以位換位的代替小豬中場掃蕩時便一目了然, 果個時段都係PSV對於曼聯後防最有威脅既時候, 因為好多波都可以打通曼聯中場令後防受壓, 所以小豬既重要性慢慢於曼聯浮現, 當然, 舒拉達連其穩定既中路防守都非常重要, 希望佢今季要遠離傷病,
前一格既位置, 今場其實可以說是4-4-2, 也可以說是4-2-3-1, 反正一左一右便是左迪比, 右連加特, 先講左邊既迪比, 今場繼上場聯賽後復任正選, 倒戈出戰PSV, 其實表現唔係太差, 14分鐘便有一腳遠射, 而今場波其實迪比有2-3次遠射, 全部都能命中球門, 都有力度, 可惜角度不夠, 而且我K11特別留意佢有波在腳後既情況, 明顯繼續有改善, 少左獨食, 偶爾都仲有一,兩次吧, 不過始終威脅唔算太大, 結果更於58分鐘由楊格入替, 而楊格入替後, 基本上只係位換位, 雖然都能製造傳中, 但未有太大威脅, 賽事尾段轉於右後防, 而右邊既連加特, 看看數據, 4次既射門, 87%既傳球成功率與及2次既關鍵傳球, 仍然係今場波曼聯中前場最有威脅既球員, 可惜未能轉化成入球, 特別於72分鐘一次門前射高, 浪費一次黃金機會, 似乎仍然有待呢個果實變成熟, 賽事尾段, 馬達出場後, 連加特轉為左翼, 不過雙雙都沒有任何突破既演出。


前線方面, 朗尼與馬素爾復任雙箭頭, 與其說4-4-2中既雙箭頭, 不如說是4-2-3-1既9號半位置吧, 先請請馬素爾, 最前線既佢, 似乎由於傷患影響, 發揮只屬一般, 雖然有一次福至心靈既漏後令連加特有機會埋門, 更有2次黃金既射門機會不過都被PSV門將所救出, 只其傳球成功率只有69%, 相信要多一點時間才能恢復狀態, 朗尼方面, 今場波雖然未有進帳, 射門只有1次於24分鐘被PSV後衛擋出, 但傳球成功率高達88%是前場最高, 雖然今場波望落既表現繼續平平, 但我K11看到一點係, 朗尼慢慢有回以往於C朗, 雲佩斯身後既感覺, 相信只要馬素爾狀態可以早點恢復, 應該有助朗尼更快恢復其狀態, 回應下有部分讀者覺得我K11針對朗尼, 老實講句, 朗尼既表現與各位硬撐佢既讀者心中有無落差? 對於我而言, 有, 相當大既落差, 以往既朗尼有著一股霸氣, 唔打得都睇得, 更加不時有意想不到既遠射, 笠射, 或小志強式既直線盤球, 這些都係以往吸引我既地方, 今季, 有嗎? 抱歉, 我看不到, 可能各位會怪罪於雲高爾既戰術問題令朗尼不能發揮 ( 下一段會講講我K11看到今場的戰術問題 ), 但我不是雲高爾, 我不是朗尼, 我只是把自己對朗尼既期望與今季暫時既失望跟大家分享一下, 硬撐不是理性, 今場波所尋回少少既感覺, 希望朗尼繼續延續吧, 可塑性高既朗尼, 於74分鐘, 回到中場中路負責放波, 讓費蘭尼上前場負責頭鎚2傳, 而於57分鐘換入小豬既費蘭尼, 初段於中場中路做防守, 但相比小豬既掃蕩有明顯既分別, 上路中場的一段已提及, 及後轉換位置到前場, 明顯雲高爾就想利用其制空力, 但高波有係有, 但全部都於沒有威脅既位置, 令費蘭尼今場既作用大大減低。



今場賽事, 曼聯於奧脫福出戰, 最大既亮點已於球賽開始既第七分鐘出現, 球隊為左紀錄名將佐治貝斯於2005年11月25日逝世, 於開賽第七分鐘, 打開手機既閃燈, 一齊照耀球場, THE BEST OF THE BEST, 返回賽事, 雖然今場佔盡優勢, 控球比率達60%, 射門共13次, 有7次中框, 但可以留意一點既係, 真正有威脅既埋門不多, 上半場已經較好, 下半場所產生既威脅更少, 我K11之前曾經講過進攻上要控制節奏, 應快時快, 應慢時慢, 當對手PSV今場以和為前提既情況下, 縮後是正常戰術, 咁進攻一方如何撕破對手防線呢? 今場比賽, 有睇直播既球迷, 應該感覺到上半場雖然攻門不算太多, 但節奏明快, 主要由於曼聯主攻壓前, PSV以防反為主, 一旦有機會, 便嘗試進行快速反擊, 但當速度明顯未能以壓倒性既情況下撕破對手防線, 加上呢場缺少左馬達及靴里拉此類創造力強既球員, 一味既快速壓前, 只係搏下對手有無失誤, 於組織上並未有太多既進步, 加上過份壓前, 只會令前場密麻麻, 防守上其實更易補位, 何不嘗試搓後, 拖慢節奏, 引對手球員離開佈防陣, 再加以穿越球傳達前場球員作突破或攻門, 其實今場都不難發現舒拉達連於中場取得皮球後, 會嘗試放長波到前場, 雖然直接, 但由於未到位, 所產生既威脅不大, 可能此為卡域克缺陣既影響吧, 而馬達, 相信狀態應該真的不佳, 雲帥於馬達未有任何傷患情況下直接將其收起, 是近仗少見, 靴里拉又因傷未能上陣, 威爾遜雖然有後備, 但其踢法更加不適合打陣地戰, 而尾段將費蘭尼推上前線希望制空力取勝時, 根本就無章法, 雖然傷患問題嚴重, 但雲高爾的而且確要諗諗計, 目前歐聯最後一場要作客禾夫斯堡又係另一場被動下既主動, 主隊只要不敗便能出線, 相反曼聯和波的話, 只要PSV主場勝出, 曼聯也會未能於小組出線, 今季全部賽事已有6場未能取得入球了, 其中有4場便於主場奧脫福下發生, 回看一下現時英超榜首既李斯特城, 未有一場零入球, 排第三既曼城只有一場零入球, 其後既阿仙奴有4場零入球, 即使季初有哈利簡尼陷入球荒既熱剌及今季大跌Watt既車路士也只有3場零入球。



比賽日我地會po 直播 link 比大家睇波, 記得留意我地既page!
https://www.facebook.com/RoyceMU
仲會有賽後分析/評分,精華,個人精華等,仲唔快d like?

如果喜歡我們的文章,請即分享到︰

標籤: 曼聯  歐聯  禾夫斯堡  PSV  連加特  K11  奧脫福  迪基亞  

留言

會員
我要評論
請按此登錄後留言。未成為會員? 立即註冊
  • shawwong
    shawwong 於 26/11/2015 評論 NO. 1

    又入唔到波........

  • Wong Chung Yau
    Wong Chung Yau 於 26/11/2015 評論 NO. 2

    冇睇到場波,不過睇篇文係創造力問題,不如試吓用P44

  • Leslie Wan
    Leslie Wan 於 26/11/2015 評論 NO. 3

    以前就會捱夜睇, 依家唔會囉........xdd

  • Cheung Ka Wai
    Cheung Ka Wai 於 26/11/2015 評論 NO. 4

    用隊長打10號位,創造力幾難冇問題...😟

  • Dee Dee Chan
    Dee Dee Chan 於 27/11/2015 評論 NO. 5

    出朗尼等於打少個,有乜計

  • Adrian Siu
    Adrian Siu 於 27/11/2015 評論 NO. 6

    作客禾堡 好難有運行

  • Jackson Szeto
    Jackson Szeto 於 27/11/2015 評論 NO. 7

    借既借,賣既賣,前鋒線冇乜邊個有把握力。出左線,最多入8強

  • Chun Yu
    Chun Yu 於 27/11/2015 評論 NO. 8

    有朗尼,打少個
    仲未計佢甩腳、拖慢攻勢、浪費機會。
    屌鳩佢,若果淨係搵個四圍走嘅,搵香港個麥基都得啦。
    絕對拉撚圾

  • Jeff Fong
    Jeff Fong 於 27/11/2015 評論 NO. 9

    總之咩都係肥朗5好La,

  • Patrick Yu
    Patrick Yu 於 27/11/2015 評論 NO. 10

    方丈同莫天才都係差唔多....

  • 沖沖
    沖沖 於 27/11/2015 評論 NO. 11

    食屆獌踢得差但有運行

  • Brian Tse
    Brian Tse 於 27/11/2015 評論 NO. 12

    下場重鎚禾夫斯堡

  • Sam Lo
    Sam Lo 於 27/11/2015 評論 NO. 13

    一定出局

  • Martin Wu
    Martin Wu 於 27/11/2015 評論 NO. 14

    Lord之審判日

  • L Lo Pang
    L Lo Pang 於 27/11/2015 評論 NO. 15

    我反而覺得馬素爾踢得好好,佢係呢場波展現左mu前鋒好耐都冇既野,就係背身護球,作為正前鋒佢絕對係隊中首選

  • Darcy Leung
    Darcy Leung 於 27/11/2015 評論 NO. 16

    佢出局;雲帥下季走人;哥帥上任

  • WiLson Wong
    WiLson Wong 於 27/11/2015 評論 NO. 17

    其實都係想陪利記姐,大家唔好抽佢水

  • Hok Yu
    Hok Yu 於 27/11/2015 評論 NO. 18

    好出局也是應該~~~

  • Jan  Lee
    Jan Lee 於 27/11/2015 評論 NO. 19

    魔性再現!

  • Lok Ka
    Lok Ka 於 27/11/2015 評論 NO. 20

    出局可以專注歐霸,好事

  • Kenny Wong
    Kenny Wong 於 27/11/2015 評論 NO. 21

    對李斯特城都唔知點算

  • Pun Chan
    Pun Chan 於 28/11/2015 評論 NO. 22

    期望迪比,馬素爾同連加特合作純熟後更上一層樓,朗尼D放膽進攻,射門今季全部唔見,係技術退步咗定係雲高爾戰術上叫佢踢穩陣波,要問佢兩個先知

快捷鍵:←
快捷鍵:→