[K11出品] 曼聯K角度 – 改變戰局的男人.馬達

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

改變戰局的男人.馬達, 大家會唔會以為跟上場聯賽, 馬達於賽事尾段一記靚絕罰球帶領曼聯勝出賽事? 事實卻是於開賽26分鐘2黃1紅被趕出場, 其後球隊曾有一段時間有改善, 但無以為繼, 結果再因炸彈人白蘭特失位下被朗當近門控定再射入就此完場! 曼聯的前四夢是否又再一次被滅絕? 馬達今場如何改變戰局? 等我K11同大家一齊睇睇啦!


出場陣容, 龍門迪基亞, 後衛由右至左分別為達米安, 復出既史摩寧, 白蘭特, 盧祖, 中場為卡域克及靴里拉, 進攻4子分別為連加特, 馬達, 馬素爾及單箭頭既拉舒福特! 今仗以卡域克拍靴里拉, 但後防有史摩寧復出, 加上對手是西布朗, 本身相信是問題不大的……………..


迪基亞所受壓力不算十分大, 但西布朗有著一套進攻模式卻多次能製造射門, 不過西布朗既攻門威脅不大, 多次都只是無力既射門或角度太正中, 今仗史摩寧復出後, 連對手有機會既單刀也不見了, 可惜於66分鐘, 朗當控定後再射門, 由於實在是太近, 迪基亞也無力撲救, 結果終於失守……………..


右後防既達米安, 今仗是復出後第一場正選, 表現其實相當穩定, 始終有著意大利防守既繼承, 施斯隆多次想突破都被達米安連波都拎埋, 可惜今仗能讓他配合助攻既機會及時間不多, 更於82分鐘由科素文沙入替。入替後既科素文沙, 時間不算多, 但其中一球, 回防既攔截卻令我K11印象深刻, 維持其快狠準既功架, 似乎此子可於後防4個位置及防中也同樣適合, 要繼續觀察一下。


左閘既盧祖, 表現不過不失, 有嘗試助攻, 但礙於未太能配合時間, 有時上到前場, 皮球已在腳下, 反而不知所措, 盧祖既助攻是較為喜歡, 由後場助攻上到黎, 傳球既隊友交落位置, 然後盧祖到位再出波, 呢點我
K11及大家都繼續留意一下吧。


中堅方面, 復出既史摩寧今仗已經包了很多球波, 加上由佢統領後防線, 今仗其實是絕少出現走甩對手進攻球員而被單刀既情況, 可惜失既一球, 皮球傳中既力度與角球都不是史摩寧能封鎖得到的位置………其後………..就是他的老拍擋白蘭特既表演時間, 其實上仗白蘭特既表現已經慌失失奇兵一樣, 今仗有著史摩寧, 弱點已經不太顯著, 但是此對中堅今仗被西布朗針對性既進攻便是一名球員頭鎚SET予後上球員射門, 正好是針對白蘭特制空力弱既環節, 其實今場波此問題出現超過3次, 但曼聯似乎無乜計仔, 不過所失一球, 卻不是此類攻勢, 而是簡簡單單, 一個傳中, 當時其實白蘭特理應可以及時作出封殺射門路線, 但卻因判斷錯誤, 錯走近柱一步後再回身已經為時而晚, 被朗當一腳射爆了。


雲高爾, 真的繼續看不到嗎? 不如考慮下史摩寧拍科素文沙吧? 就當俾白蘭特一個機會休息一下, 同時當作讓我們一眾眼火爆既曼迷都休息一下吧!


防中位置方面, 今仗收起舒拉達連, 輪換出卡域克, 我K11覺得問題不大, 始終最近既場次非常密, 也需要作出一些輪換的, 可是因馬達既領紅, 改變了這條中場線既工作, 結果卡域克今場反而變得可有可無, 經常出現既時候是皮球傳到佢腳下, 因節奏問題, 佢多數是回傳後場, 雖然曾經有嘗試向前傳出穿越球, 不過卻失敗而回, 而且防守死球一向都不是卡域克的強項, 22分鐘便已有一球被麥哥利壓贏頂向龍門, 幸好斜出而已。其實雲高爾及後換人既時候, 反而應要換走卡域克而非靴里拉!


今仗既靴里拉其實繼續其勤力既作風, 於馬達被趕出場後, 靴里拉曾一度以進攻中場至中場中既位置出現, 可是始終少踢一人, 對手後防密集, 靴里拉既作用也減低了, 結果於60分鐘由舒拉達連入替。 雲高爾派出舒拉達連入替靴里拉, 其實只是60分鐘既時候, 未知是否以1分政策, 有波放上前, 自己攪擔啦既心態! 而舒拉達連正正做到這些工作, 可惜66分鐘失波後要壓上前去做進攻, 卻出現皮球拿著但不知怎樣傳既情況………….尾段分析再講詳細一點。


進攻球員方面, 先講進攻10號既球員 – 馬達, 一名改變戰局既男人…………其實開波初段狀態不錯, 曾經有一球以一扭過2人後再橫傳看到今仗馬達既鬥心未減, 可惜23分鐘因阻礙對手開罰球領下第一面黃牌, 相隔不到3分鐘, 一次與球証近距離下, 落腳兇狠既攔截, 雖然馬達已即時收腳但收制不及, 仍然是令費查倒地, 結果球証先生二話不說便向馬達出示第二張黃牌, 二黃一紅被趕離場了, 此一面紅牌引致球隊輸波而回, 而且也將因停賽一場直接影響足總盃對韋斯咸既賽事。
*已查證停賽將於足總盃對韋斯咸執行, 抱歉


右翼既連加特, 於馬達未被趕出場前, 已有一二次既突破出現, 及後30分鐘轉陣後, 變為左路既佢都嘗試作出幾次既突破雖然不成功, 但卻是曼聯今仗其中一個較有威脅既球員, 53分鐘由左路切入推橫遠射只是僅僅高出…………………迪比換入後, 連加特再次回到右路, 可惜作用不大。

左翼既馬素爾, 今仗狀態似乎開始有點回勇, 控球, 推進及盤扭等等再有番點兒功架了, 而且因馬達既離場, 馬素爾更要多點單人匹馬闖關, 順便提昇狀態吧, 不過其完美主義既入球卻令有一二次射門機會浪費了, 慢慢再儲下經驗吧, 但值得欣賞既係馬素爾不止一次由前場助守到後場, 相比之前不願助守既佢, 有大大既改善。


正箭頭既拉舒福特, 今仗表現繼續沉寂, 暫時未再見到近2仗光芒萬象的他, 反而轉往右路作突破卻多點搶鏡, 而最搶鏡當然是被球証先生撞開既畫面卻成為拉舒福特今仗最主要既亮點, 74分鐘由迪比入替。迪比入替後, 重點自己擅長既左路, 但今仗反而減少了盤扭及遠射, 可能始終西布朗多打一人及有領先優勢, 固佈防足夠人手補位, 迪比今仗表現一般而已。

今場輸波, 當然馬達責無旁貸, 但如果我們從戰術層面及臨場調動分析一下的話, 看看雲高爾的調動吧。馬達於上半場26分鐘被趕出場, 當時既局面, 可能根本反應不來, 加上也可以以靴里拉作為馬達位置既替補, 此調動於30分鐘其實已經出現, 馬素爾轉往正前, 連加特及拉舒福特分別左及右邊, 此舉明顯想以突破力最強既馬素爾於正前, 以一人之力破關, 再以2名快速既球員於左右2邊出現。上半場既調動, 還算可以接受, 不過下半場, 雲高爾卻沒有什麼調動。於即討區時, 我K11已預言迪比及舒拉達連會出場, 最後也分別出現, 不過舒拉達連卻是換走靴里拉而不是我K11心目中的卡域克, 迪比卻要等到74分鐘, 已經落後一球才出現………………….


先說換走靴里拉, 可能雲高爾是考慮因為卡域克已休息一場, 但靴里拉最近卻場場出征, 擔心體力問題, 但問題是, 當馬達已被俗, 如果連靴里拉此名串連球員也沒有, 單靠卡域克於中後場穿送既穿越球, 其實西布朗球員相當容易防守, 結果卡域克多次向前傳球被封, 也證實此點, 當然如果靴里拉體力真的不夠已換下, 也無可厚非, 不過我K11卻建議是同時換入費蘭尼, 以舒拉達連做防中中路, 費蘭尼既硬橋硬馬來搏一搏………………..

而迪比, 其實迪比踢法顯而已見, 喜歡獨自闖關, 今仗既情況明顯正是迪比盡情發揮而不怕被插既好時機, 而拉舒福特明顯今仗不是他的舞台, 應該當機立斷於落後前, 約60分鐘便要作此調動, 屆時迪比可盤扭既空間絕對比已落後一球, 西布朗可以佈防重重既情況下更好。

當然, 今仗既敗仗, 雲高爾也無可奈何, 曼迷也無可奈何, 相信落場既曼聯球員也無可奈可。萬萬都估不到, 犯下如此低劣錯誤既人, 正是上仗身為曼聯隊長及一箭定江山射入靚罰球既馬達。周中將要作客利物浦為歐霸16強首回合出戰, 今仗各出場球員所付出既體力卻增加了, 唯一有足夠體力既球員可能就是馬達, 到底雲高爾會否放一放馬達入雪櫃要佢反省一下呢? 似乎雲高爾沒有這個空間去做這個決定了吧………………………希望馬達於及後既比賽能重新成為改變戰局的男人!


鳴謝各位支持文宇直播及即討區既朋友, 下場再見面會是21號既曼市打比, 到時見。


我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?
標籤: 曼聯  雲高爾  西班牙  馬達  費查  卡域克  馬素爾  史摩寧  

留言


請按此登錄後留言。未成為會員? 立即註冊
  • Niwat 於 08/03/2016 評論 NO. 1

    分析得很精要 重點係 V92調動上有責任 但現場環境可能令佢作出更無奈既調動 我只係覺得 唔係唔鬧 但無必要每次輸就將責任比晒佢咯 anyway thanks K11

  • Akakak 於 08/03/2016 評論 NO. 2

    停賽係停足總杯

  • tinchi3721 於 08/03/2016 評論 NO. 3

    陰謀論 特登擺紅 用足總盃黎洗低 比馬達可以係歐霸上陣同夠體力去踢曼市打比

快捷鍵:←
快捷鍵:→