[K11出品] 曼聯K角度 – 拉舒福特的勝利舞台

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

今季表現出色既紅魔球員包括馬素爾, 史摩寧及2016年後既朗尼, 悉數因傷缺陣, 而本身傷兵潮不絕既曼聯結果要靠青年軍球員填補一線隊既空缺, 結果造就新星上位, 佢就係18歲既英格蘭球員拉舒福特, 繼歐霸次回合梅開二度帶領球隊晉級後, 今仗再次展示其新星的潛質, 將作客既兵工廠成為佢勝利舞台的踏腳石, 2入球1助攻帶領曼聯主場擊敗爭標中既阿仙奴, 而今場波曼聯都踢得非常精彩, 等我K11帶大家一齊去睇真一點, 免得被人再問”咁都好J”? 係, 就係贏左阿仙奴, 仲係用殘陣加青年軍贏左, 咁J得未呢?


如果只看出場陣容, 相信看似要等待曼聯被大炒既消息, 龍門為復出既迪基亞, 後衛由右至左分別為華利拿, 卡域克, 白蘭特, 盧祖, 中場為舒拉達連及靴里拉, 進攻4子分別為連加特, 馬達, 迪比及單箭頭既拉舒福特, 單看後防, 年青既年青, 替工既替工, 復出既剛復出, 面對山齊士, 奧燒, 禾確特, 死得啦, 再看進攻球員, 馬達已經係最年長及最有名氣既一員, 夠唔夠料射破施治把守既大門架? 開波啦!


迪基亞今場要做既撲救唔算特別多, 但卻是非常關鍵, 6分鐘已經要出迎封位擋出蒙維爾入攝後既射門, 由於只是開波初段, 如果呢球一失, 曼聯既士氣將大折, 所以此撲救實屬關鍵。而上半場尾段既失球實非迪基亞之問題, 而下半場, 阿仙奴追成2比3既一球其實早早應失, 但迪基亞卻救出韋碧克既攻門, 不過奧燒補射欲救無從了, 其餘時間其實需要迪基亞出手既情況不算多。

右閘既華利拿, 讀者們, 有否看我上篇雖然曼聯大勝但卻提出華利拿的問題嗎? 今仗差不多出齊, 6分鐘便因盲眼位走甩入攝既蒙維爾, 2分鐘後因標波而被山齊士扭過, 開波初段便以領黃牌, 不過今仗阿仙奴既球員狀態的確不太足夠, 其後華利拿便再沒受到很大的威脅, 反而仍有時間助攻, 28分鐘曼聯入的第一球便是華利拿傳中後混亂下射入, 此子的確要多加留意位置感及其標波與否的決定問題…………..


左閘是盧祖, 因傷兵潮而被迫急於復出正選既佢, 今仗表現不俗, 而且助攻時間也很怡當, 可惜於55分鐘再次因傷退下火線, 由另一位18歲新秀文沙入替, 此子看來也是有一定潛力既年青球員, 不過有一球因控球太久被迫甩, 幸好未引致失球, 由於周中又有快車賽事, 主場迎戰屈福特, 看來盧祖未必能趕及, 只是看到底是祖拉利還是文沙出任左閘位置, 當然目前傷兵潮下, 最期待是史摩寧復出而白蘭特可以移到左閘吧……………



中堅方面由卡域克拍白蘭特, 講真看到此中堅組合真係心都嚇一嚇架, 而且21分鐘卡域克便因一次魯莽攔截領黃, 但及後既時間, 阿仙奴攻擊球員既然接近完全威脅不了此對中堅, 看來阿仙奴用禾確特而棄用基奧特做正選既決定有點錯誤了, 不過失2比3的一球, 便是曼聯再次既中門大開, 卡域克解圍不了被韋碧克有機會射門才令奧燒有補射既出現, 雖然以替工來說也算不錯既表現, 但由於此原因, 曼聯整條防線也縮得較後, 始終卡域克與白蘭特既合作帶有一定既危險性。希望史摩寧快快復出吧……………….

防中方面, 繼續由舒拉達連配靴里拉, 先說說舒拉達連, 今仗既表現比較失色, 失第一球便是他被韋碧克壓贏後頂入, 而期間其實都不下一次有走漏球員或縮得太後既情況, 當然後一格的組合可能令舒拉達連分心了, 幸好球隊最終贏波, 也可以說是雲加沒有針對性去攻擊曼聯既弱點吧。


另一中場靴里拉, 今仗表現不錯, 位置也算適中, 沒有因舒拉達連的分心而同樣影響表現, 而64分鐘接應拉舒福特既傳送後撞射雖然帶有運氣成份, 但也得靴里拉於正確時刻出現在正確位置及射出基本既射門 ( 起碼唔係藍天先 ), 皮球才有機會撞中哥斯尼再彈入網, 此球可以令曼聯一度安心下來既CUSHION波, 而且也為靴里拉自己拿回不少信心, 94分鐘由華亞入替。


進攻4子方面, 今仗連加特狀態一般, 不過基本上皮球去到他腳下時也能做到基本應做的事, 但明顯不夠SHARP, 不過也能貢獻出一個助攻既傳中球為拉舒福特梅開二度作炮台, 雲高爾係時候要想想於周中作出一些輪換讓其休息以免受傷既出現了…………...。馬達今仗既表現就相對失色, 主要只是一些駁腳的過程, 而且關鍵傳球也缺乏, 可能由於阿仙奴防中位置既高基連也對馬達看管嚴密, 以致曼聯既進攻一度停滯不前, 或許今仗馬達既失色可以讓其休息一下吧, 留待周中對屈福特再爆發吧, 暫未見馬達有疲態之感。

左翼既迪比今仗比前2仗沒有哪麼搶眼, 有很多人說回英超, 迪比便廢, 但從今仗既比賽看來, 之前既不濟似乎是適應節奏既問題, 今仗繼續信心爆棚而且沒有太多餘既動作令球隊節奏被破壞, 加上多次既突破雖然要用速度扭過比爾連也不是易事, 但最少也可減低比爾連助攻既能力, 而且迪比今仗罰球既射門, 效果也不俗, 更上演一下虎尾腳控球, 期望迪比繼續將今季以黎一直屈住既怒火爆發吧。

正箭頭既拉舒福特, 繼上仗臨危受命交足功課入2球帶領球隊晉級歐霸後, 今場才是其英超處子戰而且面對爭標中既阿仙奴, 卻一點怯場也沒有, 開波12分鐘便嘗試作個人突破但被侵犯差點已為球隊帶來12碼, 而於28分鐘入球的入攝時間與位置充分顯示其入球觸覺, 3分鐘後再接應連加特傳中既頭鎚又再顯示其射手觸覺, 下半場64分鐘, 能夠纏繞阿仙奴既一眾後衛後傳交無人看管後上既靴里拉射成3比1, 足以看到此子的作用, 不是阿古路般盤扭爆入的類型, 不是利雲度夫斯般硬橋硬馬的類型, 而是最大路的前鋒類型, 上場波我看到一點韋碧克的影子, 今場波, 我卻看到一點高爾的影子, 以其18歲的年紀, 希望可以按正常步伐成長及成為曼聯新一代既前鋒殺手吧! ( 朗尼?..........唔好問住啦 ) 80分鐘由贊奴沙入替, 不過由於要求其於正前鋒只作突擊之用, 明顯未係佢擅長既位置, 加上佢一向慢熱……………


今場勝仗, 可以為曼聯今季一直屈住既悶氣鬆一鬆, 令阿仙奴爭標路上打了一巴, 更要只是用一班青年軍及部分一線球員出賽, 當然, 戰局上, 控球絕對輸晒, 不過由於阿仙奴既壓前, 正正讓近況不俗既迪比有條明路, 加比爾既出場也為曼聯前鋒帶來一度缺口, 而且基奧特雖然狀態不佳但雲加沒有珍惜高空優勢卻是一個敗北既安排。


當然, 阿仙奴球員對拉舒福特的認知接近零, 即使要防也防不了……….雲高爾其實於呢方面的確有一手, 善用年青球員, 雖然不時與球員不和, 特別是有名氣的球星, 而且今場波明顯看到曼聯繼續用近仗既直接來進攻, 不多控球, 簡單直接了當, 而且迪比是喜愛射門既球員, 只要佢能踢得”生”一點, 曼聯既進攻也不會太過停滯, 反而真的要留意連加特的狀態, 是否應該要讓其休息一下, 否則真的不想十字軍又多一名。在此十分感謝大家一起參與即討區及支持文字直播, 今場既勝仗已令拉舒福特聲名大噪, 阿仙奴繼朗尼後, 又成為另一年青前鋒既踏腳石, 讓其於此勝利舞台上一顯身手。

題外話, 今場雲高爾既一跌其實搶左唔少鏡, 真係好正, 雲高爾, 得閒整多幾野黎!


我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Nathan Han
    Nathan Han 於 01/03/2016 評論 NO. 1

    讲得好!

  • tinchi3721
    tinchi3721 於 01/03/2016 評論 NO. 2

    殘陣幼齒先係最強 😂😂😂下季唔洗買人夠哂用

  • 伊卡洛斯
    伊卡洛斯 於 01/03/2016 評論 NO. 3

    我覺得迪比比起以前嘅英超比賽,今場真係好咗好多

  • 博文
    博文 於 01/03/2016 評論 NO. 4

    👍🏿👍🏿👍🏿迪比 好好多了

  • anyman1128
    anyman1128 於 02/03/2016 評論 NO. 5

    分析得唔錯,筆者keep 住寫多啲:)

快捷鍵:←
快捷鍵:→