[K11出品] 曼聯K角度 – 拉舒福特帶來的勝利衝擊

Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

剛剛3比0的敗仗,的確令不少球迷再次失望,衝擊歐聯入場卷可能就此失敗,餘下今季唯一鈉錦標便是今場足總盃,但首要是闖過剛剛被阿仙奴迫和的韋斯咸!論士氣,狀態,加上作客,曼聯的確不少不利形勢,可能很多球迷包括我K11也抱著出局也不會太失望,因為已有心理準備,結果由新星拉舒福特嘅世界波加上費蘭尼門前撞入下,曼聯作客勝出這場重賽,打入4強與拖肥糖愛華頓爭決賽權。拉舒福特真係咁神勇?等我K11同大家一齊睇下啦!


正選陣容為龍門迪基亞,後衛由右至左嘅科素文沙,史摩寧,白蘭特及洛荷,防中以卡域克顆拍費蘭尼, 進攻線由右至左分別為連加特,代替馬達嘅靴里拉,馬素爾及單箭頭拉舒福特。如我K11賽前所預,費
蘭尼復任正選,似乎希望減低卡路爾嘅制空力。


龍門嘅迪基亞,今仗繼續維持穩定演出,而且不乏表演機會,最為重要當然是88分鐘嘅2連救,否則曼聯都咪洗旨意90分鐘內可以贏波!而其實78分鐘已經有一球極快反應嘅撲救,當時韋斯咸角球開出,拉舒福特緊釘安東尼奧不過仍被對手接應角球撞射向龍門,幸好迪基亞反應奇快下救出,可惜1分鐘後仍然救不了湯堅斯不顧一切嘅攻門。



後防方面,右後衛為上仗因傷離場嘅科素文沙,今仗繼續表現其超卓年青球員嘅能力,雖然偶有失誤但基本上阻塞鎚仔大部分嘅攻勢!不過如果仍記得我K11上篇文章提及由於科素文沙緊貼嘅防守,假如對方運用此點便可以拉空右後防,今仗其實都曾出現,幸好史摩寧及時包位未致出現大問題。期待科素文沙於防中位置出現嘅一日。當華倫西亞換入後,轉往左閘位置同樣表現穩定,實屬非常難得。


左閘既洛荷今仗繼續其一向既表現,而且助攻時間也恰到好處,繼續其穩定發揮,不過雲高爾先生, 適當時候也要讓球員休息一下,防止再來傷兵潮吧!


中堅拍擋照並是史摩寧與白蘭特,史摩寧今仗也繼續其今季穩定演出,多次準繩嘅包波,化解曼聯後防不少危機!而其炸彈拍擋白蘭特今仗也未見引爆任何炸彈,也未被卡路爾壓下去,而且白蘭特交出既穿越球依舊不少,接卡域克班做防中球員吧。



防中方面,由卡域克顆拍復任正選嘅費蘭尼,今仗卡域克嘅表現對比上場熱剌明顯改善不了,穿越球依舊,而且其位置感也令卡域克不下一次於防守時出現在重要位置與時間,幫了曼聯後防不少!復任正選既費蘭尼,為了增加曼聯嘅制空力,才有此一著,出得當然用盡佢,曼聯今仗多次將高波放到費蘭尼嘅位置讓其爭頂,而且頂贏嘅次數也不少,但其實費蘭尼接應靴里拉一次直傳便有機會早早開紀錄可惜射得不正而已。而且於67分鐘,乘著馬素爾門前射門被後衛封擋後,無心插柳柳成栽嘅情況下,一撞入網成2:0,幾可叫做鎖定勝局,也為費蘭尼自己既信心及雲高爾對佢嘅信心取回不少吧!


進攻四子方面,今仗雲高爾既排陣正路好多了,也用上我K11一直好想見到既靴里拉,今仗靴里拉取代馬達成為正選,位置是進攻中場10號嘅位置!明顯地,當靴里拉出任此位置時,球隊進攻速度是加快了不少,而且其勤力也可以做到連加特嘅勤力跑動,當然速度沒有連加得的高!而靴里拉派牌能力嘅質素也很高,雖然沒有馬達的致命,但位置上只要恰到好處的交到耿素爾與拉舒福特腳下便足夠,而靴里拉也做到其工作,可惜既係76分鐘因傷離場,希望其傷勢不大吧。76分鐘入場既舒拉達連,由於當時已經2球領先,雲高爾換其進場明顯為了守住勝局,這樣一來就變成了3防中,舒拉達連主要也只是做一些防務嘅工作而已。


右翼嘅連加特,好久不見了,我K11拍嘅係連加特於右翼身份出現。今仗嘅連加特唔知係咪經過幾場進攻10號既洗禮,感覺有點進步不少,講緊嘅係佢既意識,交波既能力等等!第二個入球便由連加特於右路底線出波予馬素爾引致此入球,當然除此之外,連加特今仗也有2-3次埋門嘅機會可惜未能把握,你不如都係踢番右翼啦,我K11想你嘅威脅攪大佢!


左翼既馬素爾,明顯已經成為曼聯現時攻擊重心,今仗有不少突破,但也有不少甩漏及唔夠爽朗,但即使係咁,馬素爾仍然係現時曼聯陣中最有威脅既球員!第二個入球便由佢控定傳中再射門省中人再彈到費蘭尼處撞入!靴里拉傷出後,馬素爾轉任正箭頭!



正箭頭嘅拉舒福特,今仗再次搶風頭,其實上半場已經有不少有威脅嘅突破及射門,可惜最終未能直接威脅韋斯咸嘅大門,但下半場53分鐘嘅一個假身,輕輕一擺令守衛失了一點重心,增加射門角度及時間後再燙射入死角,皮球中柱底後再入網,一記世界波就此為曼聯打開缺口,可以見到拉舒福特嘅信心慢慢地建立不小卻不太外露,於前線帶給敵方嘅威脅也與日俱增, 的確係一名可造之材!不過,隊長朗尼已經復出了,到底雲高爾會如何選擇單箭頭嘅正選呢?留俾雲高爾慢慢去造選擇了。90分鐘朗尼入替拉舒福特,嘗試取回英超級數嘅比賽節奏!



今仗正路非常嘅排陣與發揮,俾我K11講中咗今季曼聯已經多次於失望中回復過來,今季曼聯球員嘅表現未見到因大敗予熱剌後出現負面嘅影響,反而更有部分球員嘅表現比對陣熱剌時更好,例如卡域克及連加特及拉舒福特!當然最重要嘅係拉舒福特世界波嘅出現打開了缺口,再加上一點兒運氣既存在造就第二個入球嘅出現來鎖定勝局,而且迪基亞穩定嘅演出也是重要因素之一。正路嘅排陣與戰術,發揮得到應有水準,即使贏唔到,相信一眾曼迷都唔會怪雲高爾(已經無氣再怪佢喇!)只希望呢場勝仗,唔好再令雲高爾意氣風發,又再擺出一些唯獨戰術大師才可解讀嘅排陣與戰術應付本季餘下嘅賽事了,好嗎?!


就這樣,曼聯自2011年後進入足總盃4強,將面對愛華頓爭入決賽!今季聯賽嘅表現的確未如理想,但作為曼迷,也唔望曼聯連續數年四大旨空,繼續努力吧!而且,此勝仗後,信心回復過來吧,本周六便要面對於榜尾出現,基本篤定降班嘅維拉,希望可以再下一城,再次追逐前四吧!周六晚上即討區及文字直播再見!


Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Jeff Fong
    Jeff Fong 於 15/04/2016 評論 NO. 1

    拿隻杯吊住云92隻命,

  • Daniel Cheong
    Daniel Cheong 於 15/04/2016 評論 NO. 2

    呢場邊個贏就基本係冠軍啦,因為其它兩隊就算邊個贏實力都係底一班。

  • Louie  Lee
    Louie Lee 於 15/04/2016 評論 NO. 3

    拿隻杯再炒云92

  • Bon Sky
    Bon Sky 於 16/04/2016 評論 NO. 4

    做下好心拿林踢曼出局等雲生安息啦好冇,你仲想佢老人家比人插幾多年

  • Aikawa Roy Lee
    Aikawa Roy Lee 於 16/04/2016 評論 NO. 5

    想睇文沙vs盧卡古

快捷鍵:←
快捷鍵:→