[K11出品] 曼聯K角度 – 戰術大師的神奇魔法?

曼聯防線夠堅硬,你又估下足總杯4強 愛華頓 vs 曼聯,迪基亞(或曼聯 )可唔可以係法定時間(90分鐘連補時)力保不失?即有機會贏走迪基亞人仔!
快 d 入黎參加啦!
bit.ly/1SQNURL

今場賽事於周中舉行,周末曼聯便要應付足總盃4強賽事,幸好對手水晶宮同樣要應付足總盃4強賽事,但望見正選陣容,心想,雲高爾又玩咩呢?只有舒拉達連一名防守中場,朗尼與馬達同時放於進攻中場的位置,又試新陣嗎?回心一想,一直我等曼迷不正是在等雲高爾願意派出進攻陣容,只用一名防中嗎?望來我K11也被雲高爾洗了腦!結果今場排陣與戰術,踢回以往曼聯進攻的魔力,而且更激活了朗尼與2閘球員達美安及華倫西亞,真的有神奇魔法嗎?等我K11帶大家一齊睇下?


正選陣容包括龍門為迪基亞,防線由右至左分別為華倫西亞,史摩寧,白蘭特,達美安,防中為舒拉達連,進攻中場分別為馬達及朗尼,前線由右至左分別為連加特,拉舒福特及馬素爾。馬達與朗尼的雙人進攻中場,位置及分工如何呢?


龍門嘅迪基亞,今仗不斷尋找機會吸睛,可惜真的未有機會讓迪基亞一顯身手,水晶宮全場只有2次射門均未能命中,所以迪基亞嘅主要工作就是接應回傳,開龍門球等等,對於曼迷來說,其實是一件非常好嘅事。抖下啦,迪基亞!


後防方面,今次先講講中堅拍擋,史摩寧與白蘭特,2者慢慢建立一定嘅默契,而且白蘭特也開始建立起中堅嘅信心,今仗即使面對身高腳長及有腳法嘅艾迪巴約,也未見有太大嘅下風,似乎上次能成功凍結盧卡古嘅經驗令白蘭特嘅信心增加不少。而且白蘭特似乎開始明白自己嘅弱點,盡量收埋,速度不高,身型輸蝕正是其於中堅位置最明顯嘅弱點,而白蘭特現時防守嘅時候,會於對手前鋒未取得皮球前便追得更貼身一點,這樣可以減低速度不夠嘅問題,而高波跳頂時,白蘭特開始憧得不需要硬碰硬地爭點,真的聰明了不少。史摩寧方面則維持今季勇態,賽事尾段疑似拉傷但賽後證實並無大礙!


右閘嘅華倫西亞,今仗助攻頻頻,而且質素其高,19分鐘便與隊友撞牆打入對手禁區後傳中可惜被解圍,這只是今仗一小縮影,而61分鐘一記腳面直傳到拉舒福特半單刀,力度,線路都恰到好處。但閘始終係閘,不過華倫西亞今仗並未有只攻不守嘅情況,於右路後防也不時封阻水晶宮包括沙夏及沙高及李青龍嘅攻勢!當然這全賴一條中場線令對手攻擊速度減慢讓即使已助攻嘅華倫西亞有足夠時間回防!


左閘方面,雲高爾讓復出後多場正選嘅洛荷好好休息,今仗派出達美安正選上陣,此子也不讓雲高爾失望,與右閘嘅華倫西亞一樣,助攻頻頻,當然達美安助攻嘅威脅並未有華倫西亞咁大,但4分鐘嘅一次傳中球便直接令迪蘭尼擺老烏為曼聯先開紀錄,而到了54分鐘,於禁區邊嘅達美安取得角球解圍後嘅第二點,半窩利射門中內柱彈入成2:0,鎖定勝局,此入球也是達美安加盟曼聯後嘅第一個入球。


防守中場只有舒拉達連,各位讀者還記得我K11對舒拉達連有著相當高嘅期望嗎?今仗嘅佢又再成為無名英雄,不顯眼,但防守處處,而且冷靜非常。舒拉達連嘅防守範圍,為曼聯後防建立第一道防線,也為2閘提供一個助攻後回防嘅緩衝期,佢嘅活動範圍比卡域克更闊,當然,卡域克比佢好嘅地方是穿越球,但白蘭特慢慢的進步,某程度上都能做到這一點,而且今仗有2名進攻中場,不論位置及選擇都令白蘭特交出穿越球嘅難度減低,變相可以再讓卡域克休息一下了。

2名進攻中場分別為馬達及朗尼,先說馬達,馬達今場作為進攻中場,其表現是合格有餘的,現身,取球,傳送也做得不錯,而且也作出了不少射門,可惜未能命中或被門將救出!馬達嘅作用,可以作為中前場進攻時短傳滲透嘅中心。其後當靴里拉入替後,馬達轉移右翼作為控制節奏。


另一進攻中場嘅朗尼,還記得當年佢投訴費SIR未能將佢處於正前鋒嘅位置,還看今朝,曼聯前場有馬素爾,拉舒福特,英格蘭前場有華迪,哈利簡尼,退後一格作為進攻中場似乎是朗尼唯一出路,而且經過當年費SIR嘅調教,其實朗尼意識上也經常回後接應,交出長傳等等嘅工作,看著今仗嘅朗尼,有點當年慢慢墜後嘅史高斯身影,加上朗尼一向拼搏嘅精神及作為隊長,此位置也可讓他大大發揮!正正是朗尼不時回後,長傳,防守等等,與舒拉達連組成嘅中場線,激活了2閘嘅活動力,同時,也掩蓋了朗尼現時於前鋒位置啞火或稍為下降嘅觸覺。77分鐘由費蘭尼入替,位換位嘅費蘭尼,其實出場後是比朗尼後退半格,由於已經領先2球,主要工作便是防守了,不過不失吧。



前線三名球員,先說說右邊嘅連加特,今仗連加特維持其勤力特點,但相比拉舒福特及馬素爾,明顯光芒稍遜,61分鐘接應拉舒福特交出嘅叉燒波,其處理其實可以更冷靜,不過經驗不足下,未能為曼聯射入3:0嘅比數。靴里拉於71分鐘入替連加特,替補馬達進攻中場嘅位置,其能力與工作與馬達出現於此位置相若,而剛傷癒嘅靴里拉,表現穩定,為足總盃4強賽事做準備吧。



左路嘅馬素爾,今仗繼續其看家本領嘅突破,推橫切入射門或落底線傳中,所造成嘅威脅仍然是曼聯陣中最大,威脅之大,已無需多講,只係其射門被門將史柏朗尼多次救出,今仗明顯見到馬素爾好想入波,不過始終不太順暢,但我K11相信只要維持此狀態,將成為足總盃4強賽曼聯最大攻擊點及入球者。但題外話一則,由於其後轉移踢正前鋒時,曾經出現於右翼位置,但讓我K11感覺馬素爾對於其出現在右路感覺並不自然引致及後嘅處理不佳,或者練波時,多點於此位置下功夫,令馬素爾嘅攻擊點增加,期待馬素爾成為曼聯另一位世界級射手嘅一日。


正前鋒嘅拉舒福特,今仗表現繼續搶眼,雖然並未入球,射門也被史柏朗尼救出,但睇前鋒,並不是只睇入球,從今仗看到拉舒福特的確是一名有潛質及非常聰明嘅球員,20分鐘一次後踭傳球予連加特入攝,不善忘嘅讀者應該記得拉舒福特之前也多次使用後踭傳球而且並不是賣弄花巧,是實際地傳到隊友腳下,而且39分鐘曼聯於禁區內一次小組攻勢,拉舒福特故意漏過讓連加特能接應傳球取得射門機會。以一名18歲,今季季尾再上一隊嘅年青球員來說,踢法聰明,希望曼聯能繼續重用讓其踢法更加成熟,慢慢成材!63分鐘入替嘅迪比,踢回其左翼位置,其實迪比現在正處一個樽頸位,踢法一如以往,沒有太大突破,可能正是等待處理及時間上嘅掌握!但曼聯有無咁多時間讓迪比順利渡過此樽頸呢?有待觀察了!



到了賽後分析,不得不讚雲高爾今場嘅排陣及戰術,以朗尼墜後及舒拉達連防中掃蕩,使2閘球員能隨意助攻,也有足夠時間回防。而且由於中前場人數增加,而朗尼不時走仆後繼,令前場空間增加不少,要知道,球員不斷的走動便能拉出空位來,正是今場曼聯中前場生猛嘅原因之一。當然,對手水晶宮嘅戰意成疑加上4分鐘便失烏龍波令軍心有影響。

不過雲高爾有個問題是角球始終要由白蘭特由老遠嘅中堅位置走到角球旗,之前我K11都曾經提過,一旦被即時解圍,中堅位置便得要防中或閘位馬上填補,而近仗更加讓白蘭特走到角球旗開角球,卻開出短角球,無疑令白蘭特增加了不少無謂嘅跑動,也增加了對手有機會打反擊嘅機會,要多加留意。


看罷本篇文章,雲高爾貴為戰術大師,今仗嘅排陣及戰術的確將其球隊嘅長處顯現,將其球隊嘅短處收埋,但真的有哪麼神奇嗎?其實一直以嚟,我K11等曼迷正是等待此排陣吧?當然地,我K11不是要挑剔此場勝仗,而是希望,雲高爾繼續用今仗攻得精彩嘅排陣,戰術去應付今季其後嘅賽事,取得勝利,爭取歐聯入場卷,贏得足總盃冠軍,一掃今季曼聯嘅烏氣吧。在此多謝支持文字直播及即討區嘅朋友仔。


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Xen Hui
    Xen Hui 於 21/04/2016 評論 NO. 1

    其實諗諗下雲髎係咪俾白蘭特打多啲中緊吸下防守經驗,再推佢上防中,算啦,大師既野,我唔明

  • rickytct
    rickytct 於 22/04/2016 評論 NO. 2

    雖然成尻日都想插佢,但白蘭特真係愈踢愈好,同埋成日交靚波

  • eticket
    eticket 於 22/04/2016 評論 NO. 3

    獌狗XX

  • Zachary Tang
    Zachary Tang 於 22/04/2016 評論 NO. 4

    神奇魔法來自對手係水晶宮吧

  • Ho Cheuk Lam
    Ho Cheuk Lam 於 22/04/2016 評論 NO. 5

    贏水晶宮都丁到出哂血

  • Thomas Cheung
    Thomas Cheung 於 22/04/2016 評論 NO. 6

    咁又唔好話j
    你咁講上星期對水晶宮失分既球隊點算。。。咁都j唔到。。

  • Jackie Valenciana
    Jackie Valenciana 於 23/04/2016 評論 NO. 7

    嬴一場又打飛機,今季第幾次?

  • Wai Kc
    Wai Kc 於 23/04/2016 評論 NO. 8

    獌鏡最精彩

  • Clement Ko
    Clement Ko 於 23/04/2016 評論 NO. 9

    波波地同Fanspiece不嬲報獌新聞寧合詳盡及誇大,不如直接咩都話預測佢地冠軍算

快捷鍵:←
快捷鍵:→