[K11出品] 曼聯K角度 – 延續社區盾勝仗的英超首捷

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


2016/17球季開始了,曼聯首場賽事作客般尼茅夫,以往摩連奴帶新球隊嘅首場作客賽事數據並不好,均未能取勝,但伊巴於意甲/法甲/西甲/歐冠首度登場卻有非常亮麗嘅數據,每次均能入球,結果新魔君摩連奴成功打破宿命,伊巴則延續其神奇數據,而且延續社區盾嘅勇態,新兵拜利再次當選MOTM,曼聯於2016/17球季取得首捷,而且更是有說服力的勝仗。


陣容方面,龍門繼續由迪基亞任正選,後防與社區盾一樣嘅陣容,由右至左分別為華倫西亞,拜利,白蘭特及梳爾,防中方面費蘭尼繼續受重用,打破被棄用嘅傳聞,而由於般尼茅夫實力未如李斯特城,所以摩連奴改由靴里拉於中場作更多進攻上嘅串連,攻擊組合方面,由於連加特有微傷,而摩連奴似乎甚為保護米希達恩,加上馬達嘅勤力表現下,陣容由右至左為馬達,朗尼及馬素爾,單箭頭繼續為伊巴謙莫域!其實上文所說,摩連奴未有在陣式上作出重大改變,仍然以上季雲高爾用開嘅4-2-3-1為主,即管睇睇出來效果嘅分別吧!


龍門迪基亞於今球季似乎不用再像上季般辛苦,上半場接近零撲救,而下半場於球隊領先3球後,似乎有點放鬆加上主隊試圖反撲下,史密夫近距離嘅狂抽令迪基亞失收,及後93分鐘,般尼茅夫繼續垂死爭扎下,舒文禁區內再次近射地波,但今次迪基亞表現身價,橫身將皮球撲出底線。

後防方面,繼續先來右路嘅華倫西亞,由於今場以馬達任右中場,故此我K11於即討時已估計華倫西亞會瘋狂助攻,結果也是如此,12分鐘便來一個底線傳中予伊巴衝頂可惜未有成功!26分鐘再黎多次,今次地波傳中予朗尼可惜射門無力被救,下半場繼續表現其助攻力,58分鐘終於成功了,今次快放到底線傳中予馬素爾不過射門撻Q卻意外到了朗尼面前執雞成功,華倫西亞嘅助攻力近仗可謂發揮理想。


左閘嘅梳爾,雖然算是穩坐正選,但仍未由上季受傷中回復其最佳狀態,3分鐘嘅大意於自己禁區內控定予對方射門,差點出意外,幸好對手射門高出而已!及後疏爾嘅表現有點拘謹與穩陣,可能擔心自己再有大意波出現下,今場表現算是合格而已。


中堅拍擋方面,我K11希望大家對白蘭特從上季嘅炸彈陰影中走出來吧,暫時社區盾與今場作客英超賽事,白蘭特嘅表現可謂相當淡定,而且由於卡域克今場嘅缺陣,白蘭特嘅穿越球也非常重要,結果也不負眾望下,不下2-3次作出重要攔截,令迪基亞真正可以抖一抖!


另一中堅為新球員拜利,雖然有2次大意解圍,但只是無關痛癢嘅小失誤,除此之外,拜利繼續表現其相當硬朗,攔截準繩嘅防守,摩連奴買人嘅眼光的確有一手,特別是防守球員方面,結果今場拜利繼社區盾後再次成為MOTM,壓倒即使攻入3球嘅前線眾球員,可見拜利表現真的吸睛。



費蘭尼再次擔起防守中場之位,壓倒卡域克及舒拉達連而續任正選,証明摩連奴諒解上場社區盾之失誤,而爆炸頭亦都以表現回報摩連奴嘅信任,明顯地,近場賽事費蘭尼嘅穩定性比上季更佳,足以在中場作出第一道防線重心!當然,其位置感及控制節奏方面仍然不足,固此,一旦舒拉達連回復狀態,普巴亦可隨時侯命的時候,費蘭尼正選之位仍可保持則要由時間觀察了。


另一中場中嘅靴里拉,剛剛過了其27歲生日,先祝靴里拉生日快樂!靴里拉於摩連奴旗下爭到正選之位,相信與佢鬥心十足,勤力跑動,串連前場與中場嘅能力到家有關,而今場靴里拉亦做到呢點!不過防守上其身型始終有點輸蝕,但相信靴里拉只要維持此狀態或再提昇一點狀態,亦有能力爭取到一定嘅出場機會。


進攻球員方面,左路嘅馬素爾,如我K11上文提及,覺得馬素爾經過歐國盃後(雖然佢出場以分鐘計),狀態有所回落,但當其控球時,對手仍然不得不防其突破力,速度與射門,23分鐘便一次切入後作出射門作出警告,可惜偏離目標!而下半場58分鐘,雖然一次無心插柳,但接應華倫西亞嘅射門後撻Q卻落在朗尼面前作出執雞,以運氣換取了今季第一個助攻,其後於61分鐘,馬素爾突然卸身後於中路作突破,正當起腳前被舒文侵犯,否則將面對一整個龍門予馬素爾射門!不過63分鐘,馬素爾傳送予伊巴作出遠射得手,結果今場波,馬素爾交出了2個助攻,實為一個好開始,不過希望其狀態可以快點提昇回上季嘅時候吧,但留意一點,馬素爾嘅防守力的確不足,如果要於摩連奴旗下成為常規球員,便多加練習防守了!84分鐘由舒拉達連入替馬素爾作為技術上嘅換人,以舒拉達連嘅防守力保住勝局!


由於連加特於社區盾有微傷後,而摩連奴又似乎想米希達恩於無壓力下慢慢適應,加上可以發揮右閘華倫西亞嘅助攻力,現時已經變得願意防守嘅馬達,是一個頗適合嘅人選,而今場波,馬達亦非常勤力,但由於般尼茅夫後防也算密密麻麻,所以馬達於進攻上未有太大發揮,但於華倫西亞助攻時而作出補位方面,表現卻是稱職!而最重要嘅係上半場尾段,39分鐘的時候,其實只係一球機會不大的追波,馬達仍然不留力去追,結果令法蘭西斯表現謝拉特式回傳予馬達單刀,雖然龍門嘅保路錫救出但法蘭西斯似乎送佛送到西,意外地將皮球再撞到馬達面前,面對空門下,一射入網令馬達射入曼聯及其個人今季聯賽第一球!74分鐘馬達由米希達恩入替,入替後嘅MK仔,雖然發揮機會不多,但見其腳下功夫不俗,而且不算太緊張,值得期待MK仔日後正式嘅出道戰!



進攻中場嘅位置繼續由隊長朗尼出任,今場賽事,朗尼嘅表現比社區盾好一點了,但仍有不時斷纜嘅情況,而且有些可以突破嘅機會,亦見朗尼爆不起,而26分鐘嘅射門理應可以射得更理想但卻無力下被救,下半場50分鐘接應伊巴嘅虎尾腳傳送半單刀,又被保路錫出迎救出,以後朗尼今仗於狀態未上嘅情況下會食白果,卻幸運地於58分鐘於小禁區位置來處理馬素爾撻Q下嘅射門,幸好朗尼頭鎚一點,處理埋門嘅能力仍有下,打開個人今季入球數。 88分鐘入替朗尼嘅迪比,只能作為一場跟大家見面嘅賽事,不久便完場了。


伊巴謙莫域英超處子戰,以伊巴嘅年紀,再要前仆後繼實在為難了伊巴,但今場波,不下一次看到伊巴於前場回到自己禁區做防守,真的抵讚,而進攻方面,與隊友嘅合拍度仍有待改善,但與華倫西亞卻開始有一點在心中嘅默契,12分鐘嘅傳中與衝門,希望複雜社區盾嘅入球可惜未能成功!而個人能力方面, 50分鐘即以一記虎尾腳傳送讓朗尼半單刀,62分鐘再展示其射罰球嘅能力,但射得太正被救出,不過1分鐘後,接應馬素爾傳送,於禁區前推順後作出遠射,皮球直飛遠柱入網為球隊射成3:0鎖勝局外,更令自己創造出於意甲,法甲,西甲,歐冠及英超嘅處子戰佳能取得入球嘅紀錄。83分鐘再現個人突破技術後試圖助攻不過橫傳被解圍而已。




到了戰術分析,同一樣的陣式,只是換了一個後防及一個前鋒,踢出來的攻擊效果,卻有不同的分別,雖然上半場2隊都比較保守,攻門也不多,若非法蘭西斯的犯錯,曼聯半場未能領先,下半場也許不易踢,但看到摩連奴與雲高爾旗下嘅曼聯,踢出來的效果卻不同,2者都是以控球為主,但前者會要求球隊將速率提昇一點,令整個進攻也得以更流暢!而且針對性嘅買人,拜利目前嘅成功將曼聯上季的防守問題解決,當然左閘疏爾嘅受傷都係一大因素,而前線方面,簡單一個伊巴便解決了攻力不足的問題?看到3:0的射門,伊巴於禁區外的射門,上季曼聯不是看不到,而是不中龍或者軟弱無力,作為對方後衛,怕什麼?但如今伊巴可傳可射可頂嘅能力,即使伊巴嘅速度與體力已大不如前,但仍然令曼聯前線有一個TARGET MAN!繼續吧,周五凌晨便有第二場曼聯的賽事,而且今場是主場出擊!


鳴謝支持K11文字直播及即討區嘅朋友,周五晚深夜再見!

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • ric chung
    ric chung 於 15/08/2016 評論 NO. 1

    朗尼係到阻礙曼聯發展,佢個位置曼聯有好多球員都會踢得好過佢!

  • Kin12
    Kin12 於 15/08/2016 評論 NO. 2

    👍🏻

  • L Lo Pang
    L Lo Pang 於 15/08/2016 評論 NO. 3

    其實普巴可能要黎頂朗尼

  • Lee Ming Chai
    Lee Ming Chai 於 16/08/2016 評論 NO. 4

    88'之後連補時短短幾分鐘
    曼聯變得更流暢
    如果開波時已經可以咁樣
    入4,5,6球都唔難

  • Jack Yung
    Jack Yung 於 16/08/2016 評論 NO. 5

    經摩佬執過之後, 成隊波踢得順暢返晒.

  • Yung Wa Kit
    Yung Wa Kit 於 16/08/2016 評論 NO. 6

    最靚都係個兩球助攻

  • Kenny Law
    Kenny Law 於 16/08/2016 評論 NO. 7

    下場,普巴代靴你奶
    米閪大恩代肥朗
    J 死 fans

  • Marco Kwok
    Marco Kwok 於 16/08/2016 評論 NO. 8

    上場比賽係見到球員明顯比以前積極左跑位同回防
    呢D就係所謂士氣

  • Dung Derek
    Dung Derek 於 16/08/2016 評論 NO. 9

    下 會唔會贏一場就有小小自欺欺人
    贏波固然開心 但想講攻擊力仍然弱先係關鍵(已計算伊巴在內)
    前場非常小小組配合 除左華西個邊多做後上之外 基本上仍然依賴馬斯亞做個人突破 中後場做唔到波上去 不停斬上去俾伊巴做支點 跟住朗尼同馬達 不停回傳
    若然對手不犯下低級錯誤 (馬達 夠勤力)上半場只能悶和
    下半場第二球更加係運氣波 之後更係純粹靠伊巴 同馬斯亞個人能力

    簡單一句 換走朗尼 前場不論反擊速度 進攻順暢度 小組配合都會高一班
    (連馬達不論速度運球定反擊都快過朗尼)

  • Victor Tsang
    Victor Tsang 於 16/08/2016 評論 NO. 10

    尤其中後場,穩左好多,完全無機會比人打反擊,前場仲需磨合

  • Ben Chow
    Ben Chow 於 16/08/2016 評論 NO. 11

    後面咁都叫穩,升班馬ja wo

  • rickytct
    rickytct 於 16/08/2016 評論 NO. 12

    般尼就升班馬,多兩個字果隊上年已經起到

  • Ben Chow
    Ben Chow 於 16/08/2016 評論 NO. 13

    朗尼打後備啦,米尼恩一定好過佢,呂布要快同有節奏,佢拖西慢d進攻

  • Psg Chi
    Psg Chi 於 16/08/2016 評論 NO. 14

    摩佬係掂

  • William Leung
    William Leung 於 16/08/2016 評論 NO. 15

    白盲俠張約系咪有魔鬼細節,唔用唔得?

  • Johnny Leung
    Johnny Leung 於 16/08/2016 評論 NO. 16

    3球都係好彩,前場對住中下游隊伍都組織唔到。

    靴里拉其實打得麻麻地。伊巴Target man成日都頂嬴但係中前場用唔到個波。

    不過 fear factor 真係返左黎

    P.s. 對面呀 Cook 都打得好好

快捷鍵:←
快捷鍵:→