[K11出品] - 曼聯K角度 - 希望?絕望?

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


上周作客白禮頓表現不濟,攻不銳且守不穩,結果輸3:2。經過一周低調的訓練,主場迎擊競爭對手之一嘅熱刺,上半場有著壓倒性優勢只是遲遲未能取得入球,半場出黎後於49分鐘開始5分鐘內連失2球,令球隊突然陷信心危機,不過場上球員並未有因此而影響表現,繼續嘗試而且亦做得比上仗好,全場17次創造機會及有23次攻門對熱刺全場7次創造機會及5次攻門,只可惜事與願違,反被熱刺攻入一球結果主場大敗0:3,場上表現除了失球外看到了希望,但比數卻是絕望,希望還是絕望?


出場陣容為門將迪基亞,由右至左開始後防為華倫西亞,靴里拉,史摩寧,鍾斯及梳爾,中場為馬迪及費特,進攻中場為普巴及連加特,配上盧卡古作為單箭頭。


迪基亞連續2場波失3球,開季3場失7球,神龍不再?!今仗第一個失球只能說哈利簡尼頂得實在太漂亮,拋物線頂回反方向令迪基亞無從撲救,第二球又是近門撞射而第三球面對盧卡斯單對單下近門被硬射破網,其實我K11唔覺得迪基亞有何責任可言,唔好忘記,迪基亞曾面對阿里單刀而成功封阻!
後防方面,右閘為復出嘅隊長華倫西亞,或者因為養傷了一段時間而且於季初出現,身體狀態令華隊長未回復最fit下,今仗不算太差但也未有發揮其助攻力,希望再過一周時間可以將體能同狀態得以回復。

左閘嘅梳爾,今仗可能係梳爾近3年最佳一仗,於左邊有攻有守,而且速度與信心佳見,多次截下熱刺的傳球,而且亦勇於做突破,或者有球迷認為第二個失球於左後防出現空缺,但既然今場以3-5-2出擊,兩邊翼衛便應該向前而此位置則讓三中堅來補位,而當時梳爾亦正向前預備做壓迫。雖然最終球隊大敗,但賽後摩連奴亦稱讚梳爾,相信維持水準的話,今季左閘會係梳爾嘅天下。

中堅方面,今仗特別安排下,靴里拉位置於防中及右中堅位置,以其搶截力及鬥志希望將後上嘅熱刺球員威脅減至最低,而此安排於上半場亦非常湊巧,哈利簡尼及阿里接近零出鏡,不過下半場經普捷天奴調配下,針對性部署因而出現第二個入球,當時靴里拉與鍾斯亦慢過後上嘅盧卡斯一步而失守,雖然如此,但亦看到靴里拉此球員是一名執行力極強嘅球員,而且鬥志十足,曼聯快快跟他續約吧,55分鐘由山齊士入替。山齊士入替後於左路出現,令進攻多一個可靠嘅停波點,從而都製造了不少有威脅傳送包括其中一球斜傳吊入禁區讓盧卡古二傳後上球友攻門,而山齊士自己亦有突破能力且開始上力。球迷們仍對山齊士缺乏信心嗎?我仍有!


史摩寧與鍾斯此對老拍檔,頂替上仗表現不濟的拜利與連迪洛夫,前者算是勉強合格,即使第三球攔不住單騎嘅盧卡斯,第二個失球慢了去補梳爾的左閘位置,令艾歷臣可以睇定定傳中都係一個錯誤,其餘時間特別係上半場算是穩定。鍾斯方面,今仗上半場已經差點出現一次魯莽防守,於禁區內力迫盧卡斯令後者倒地,其實呢球即使球証吹罰也不意外,幸好球証認為只是力量之對決而已。可惜下半場一次角球防守守不了哈利簡尼,令球隊先失波,而第二個失球亦未能成功阻止後上嘅盧卡斯射門,58分鐘因傷由連迪洛夫入替。此名上仗失魂嘅年青中堅,今仗入替後亦差點累事,回傳乏力讓阿里有機會面對迪基亞,幸得迪神救回一命,可惜第三個失球同樣有責任,當盧卡斯推過史摩寧後,才看到連迪洛夫試圖再追可惜已經太遲,集中力不足為此球敗北,相信連迪洛夫又要入一入雪櫃了。


防中方面,馬迪傷癒復出即要迎來大戰,不過馬迪嘅在陣令曼聯中堅多了一點保護是事實,雖然曾於自己三閘線區域因熱刺迫搶而被阿里偷去腳下球,但上半場嘅馬迪的確可以讓費特與普巴安心向前進攻,61分鐘由費蘭尼入替。費蘭尼入替便是Plan B嘅出現,於前點多次成功控定高空球只可惜未能威脅洛里斯,而且曼聯因缺乏優質傳中球令費蘭尼最強一環嘅頭鎚攻門未能運用得宜。
費特方面,今仗充分表現B2B嘅能力,多次由自己禁區活躍至對方禁區,更有兩次禁區內嘅射門,只可惜似乎仍有一點心急下都浪費掉,不過看到費特的能力會是曼聯需要的一環。
進攻中場交給連加特與普巴出任,前者的全場奔跑為曼聯提供了不少活力,而且其控球能力的進步及場上決定也來得爽快,亦有後上接應盧卡古二傳作出攻門可惜被熱刺守將回防解圍而已,只是看到世界盃回來後狀態仍未回到上季最佳時期。
普巴方面,今仗其實表現不俗,雖然仍有一點點於後防的遲疑不決,但傳球及射門也看到其水平是不用懷疑的,現在只是看看他何時來個爆發吧!值得留意,賽後的踏實與對自己的失望,真的成熟了,等你,普巴。


單箭頭的盧卡古,真的又愛又恨啊!恨是他上半場乘露斯回傳乏力再推過洛里斯射空門出界,若果此入球出現便是曼聯領先下去比賽,愛是因為看到盧卡古不放棄嘅決心而且今季他於前場能二傳隊友的次數也增加,而且多次走到右路接應再嘗試傳中,代表著他正進步中。雖然有球迷仍然盧卡古受制維頓漢及艾列達維特,不過要記住後者正是曼聯嘅摩連奴所追逐的中堅,實力不弱啊。或者盧卡古現時未能成為前線獨當一面嘅殺手,但卻是目前陣容最佳嘅選擇亦希望盧卡古嘅進步速度加快。
戰術分析方面,今仗摩連奴作出適當部署迎戰熱刺而且上半場相當有效,靴里拉嘅針對性工作加上馬迪復出於防中位置作為屏障亦令熱刺第一個射門於上半場尾段才能出現。只可惜靴里拉於不擅長的位置及馬迪剛復出便迎來大戰,由於遲遲未能先開紀錄而下半場熱刺已熟習下作出部署,加上兩個接連的失球出現,最終便被擊破。


中堅問題今仗再浮現,第一球鍾斯被哈利簡尼搶點成功,第二球史摩寧包位慢了一點點而中央的鍾斯與替工靴里拉又來遲一步,第三球史摩寧被盧卡斯直接KO,管理層認為不用買中堅,最近兩仗問題便直接了當告訴給木仔知道了。有球迷在想為何前兩季也未見問題那麼大,今季三仗便出現了。首先摩連奴入主後以較防守的踢法彌補不少此問題,上季則加上迪基亞如神般演出救了後防不少次。雖然拜利與連迪洛夫也是由摩連奴買入,不過他們均是年青具潛力但未有領導防線的能力,史摩寧雖表現穩定但不算穩健,鍾斯則經常受傷且太多魯莽攔截,洛荷的表現隨著狀態而超起伏。試想想,如果有鐵一般的防守,


若果盧卡古於上半場先開紀錄,相信摩連奴會踢回最擅長嘅防反戰術,可惜先失波嘅反而係曼聯。今仗曼聯球員表現積極,而且表現亦有明顯改善,特別是上半場可以說是令前景充滿希望,不過最終卻主場零入球下大敗3:0,出現了絕望的比數。 從場上表現來看,曼聯現時沒有不團結的情況出現,而且有明顯的改善,只是結果不似預期。現時曼聯最需要的正是球迷支持,期望能把在絕望的比數中看到一點點希望散發,可以捱過此難關。



鳴謝各位支持K11的文字直播及即討區,下場再見。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/RoyceUD
============
IG: https://www.instagram.com/roycemu

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Frozen Leung 於 29/08/2018 評論 NO. 1

    垃圾就是垃圾,完

  • Wai Kei Chan 於 30/08/2018 評論 NO. 2

    浪費時間,足球比賽係睇比賽,唔係睇點數,唔通你睇緊拳擊比賽

快捷鍵:←
快捷鍵:→