[K11出品] 曼聯K角度-再別歐聯, 咎由自取的出局!

比賽日我地會po 直播 link 比大家齊齊睇波, 記得要時刻留意我地既page!
https://www.facebook.com/RoyceMU/
仲會有賽後分析/評分,精華,個人精華,曼聯點將錄等,你仲唔快d like?

傷兵滿營?運氣不濟?對手踢出超水準?作客影響演出?種種既藉口, 都難掩歐聯分組賽出局既事實, 一場戲劇性既賽事, 一場就算禾夫斯堡和波也夠出線既賽事, 最終未能皆大歡喜, 曼聯既職球員, 球迷也只能帶著悲傷既心情, 從大眾汽車競技場(禾夫斯堡主場)回歸英倫, 到底賽事是否真的緊張剌激? 曼聯今仗有何問題? 等我K11 X口X面同你一齊拆解!


從出場陣容, 龍門毫無疑問的是迪基亞, 後防由左至右分別為達米安, 白蘭特, 史摩寧及上仗處子登場既華利拿, 而中場方面, 雲高爾收起卡域克, 改用費蘭尼拍小豬, 而前一格既進攻中場由左至右分別是迪比, 馬達及連加特, 馬素爾出任單箭頭, 從陣容上看到, 雲高爾都知道面對德甲聯賽球隊, 唔敢用2老中場卡域克拍小豬, 而由於小豬絕對熟悉德甲球隊加上最近狀態巔峰, 順理成章再次正選, 但大家有留意我K11既文章都知道, 近仗我已表明對小豬既體力起擔心之憂, 而中前場既4子, 應該算是看中長線既曼聯球迷一直期待既攻擊組合 ( 靴里拉及朗尼仍有傷在身 ), 效果如何呢?


今場龍門既迪基亞, 基本上3個失球都不是其責任, 除左63分鐘, 迪基亞玩鈕亞式出迎失敗, 中途跑回龍門前救回對方既笠射 ( 慢鏡睇動作超靚 )要鬧一鬧外 ( 客觀D, 靚救前既出迎係無必要既, 因為後衛已追貼對手前鋒 ), 迪基亞於38, 65及66分鐘分別救出狼堡絕大機會既射門, 此3個撲救絕對令曼聯未於早早斷氣, 其演出仍然是可靠的。


後防方面, 可謂傷亡慘重, 梳爾, 華倫西亞, 盧祖, 鍾斯等常規後防球員受傷, 較重用既新丁麥尼亞也帶點微傷, 雲高爾今仗冒險試用上仗才處子登場既20歲烏拉圭右後衛華利拿, 此子今仗以新丁黎講, 絕對收貨, 但始終經驗不足, 開波2分鐘便差點出事, 因位置感問題, 令舒爾尼有機會射門, 不過炒高, 而合作性方面有一定問題, 特別跟10號位既馬達多次因為交位或交到腳而出現誤會失控球權, 但此不是能力問題, 所以整體黎講是合格的。 而中堅方面算是今季用慣既拍擋, 史摩寧與白蘭特, 今仗面對狼堡既攻擊線顯然有些壓力, 失第一球因2中堅有位置上既誤會走漏拿度射入, 雖然不明顯, 但差之毫釐, 就係咁樣失波, 而第二個入球, 可惜一般大眾會認為中堅都要付上一定既責任, 但我K11睇到既並非如此, 反而今仗出任左閘既達米安責任更大, 於即討時有球迷已問此失球的責任大一點, 我地黎望望下圖。

圖一.

圖二.

圖三.

當然小豬被10號球員達斯拿漂亮既假身騙過後無力回身有一定責任, 但從圖片看到, 白蘭特當時原先想貼身追11號麥斯古斯, 但達斯拿扭過小豬後, 白蘭特好正常地要轉移其防守目標, 此時, 達斯拿右邊有迪比及達米安同時出現, 當達斯拿交給麥斯古斯時, 於位置上, 因為其正面目標便是龍門, 白蘭特一定要進行包抄, 防止其射門路線, 即使明眼人都睇到做撞牆既機會極高, 電光火石下, 白蘭特既自然反應絕對正常, 當麥斯古斯準備撞回給達斯拿時, 白蘭特面顯已失位, 但看到圖中既達米安嗎? 如果其意識到此撞牆, 應該已經將防守網收窄, 令麥斯古斯真的撞回給達斯拿時, 也要施加一定壓力, 可惜沒有, 其後既事, 史摩寧自然的包抄而達斯拿的走位都很漂亮的突破防線, 最後不貪功地傳回中路給韋連拿射入空門, 當然此組織十分漂亮, 但看到曼聯既防守於此失球有一個明顯漏洞, 就係包位既速度, 此時此刻, 我K11突然想起效力8年半既左後衛艾夫拿, 其後達米安40分鐘拉傷大腿, 換入新丁積臣 ( 抱歉於即討區打錯其名 – 莊臣 ), 此時此刻, 2閘同是新丁, 及後狼堡其實都作為針對性部署多以邊路進攻。


防中方面, 費蘭尼今仗被委派予防中位置, 其實表現絕不失禮, 其身型優勢都做到一定既攔截, 與及於26分鐘一次接應角球角球頂中但被門將賓拿基奧救出, 雲高爾更於賽事尾段將費蘭尼推前到10號位置希望搏亂, 而82分鐘一次角球攻勢下頂中龍迫令對手後衛OWN GOAL, 一度令曼聯有出線希望, 而另一防中小豬, 近仗一直擔心其體力, 結果今場波既速率終於有所下降, 失第二個入球被假身騙過要有一定責任, 因若然其十足狀態下, 即使被扭過, 我K11相信小豬也應有少許回身之力, 即使未能成功解圍也可對達斯拿施加少許壓力, 雲高爾於70分鐘變陣下終於讓其休息。換入既包維與卡域克, 老實講, 我K11認為此換人不太適合, 詳細會於尾段賽事分析拆解, 結果此2名後備換入既球員都未能得以發揮, 卡域克更要為失第三球走甩拿度要負上一定責任。


前一格既進攻線由左至右分別為迪比, 馬達及連加特, 加上箭頭馬素爾, 其實曼迷們一直期待此組合能於未來帶俾曼聯一個新景象, 而此場賽事, 曼迷們都能於10分鐘便歡天喜地, 因為曼聯正是由馬達直傳馬素爾走位配合射入1:0, 馬達既傳送得宜, 加上馬素爾既冷靜處理, 此入球簡單得黎一刀見血, 可惜既係, 此入球後, 馬達及馬素爾既觸球不多, 只得零聲射門, 而馬達更於69分鐘被雲高爾換下, 連加特方面, 今仗表現其實極沉, 未能發揮其邊線既能力, 其個人全場亮點只於44分鐘轉移到左路後一次傳中, 馬達漏過因而直入龍門, 可惜旁証及後判此入球越位, 因馬達影響到對方龍門既視線, 迪比方面, 其實今仗表現越踢越好, 雖然開波初段仍想作個人突破, 更於上半場中段多次走入密麻麻既中路, 但下半場明顯改善不少, 而58分鐘既一次禁區混戰半車身射波被龍門救出及71分鐘既罰球斜出, 為其勉回不少分數, 而且87分鐘與馬素爾既撞牆突破都算處理得宜, 可惜丹迪及時包抄令馬素爾未能起腳, 希望其表現繼續得以改善, 始終以佢既潛力, 年齡, 應是曼聯未來一個重大寶藏。


實話實說, 今仗既後防線的確傷兵滿營, 如果撇除梳爾及華倫西亞既長抖, 2閘球員都不是今場波既最佳人選, 如果盧祖能上陣, 其助攻力絕對比達米安由右路移到左路更好, 達米安更於上半場便因傷退下火線, 令及後既2閘球員都屬於經驗極淺既新丁, 加上中場中既舒拉達連因上仗聯賽拉傷而缺陣, 其中場重要性於今季賽事已可見一斑, 迫使雲高爾於中場中路有著一定既出人限制, 明顯卡域克不擅長面對此類快速既對手及其穿越球都不宜應用於面對對手不急於壓上前既後防, 結果小豬既被迫上陣也有著一定影響, 而朗尼既受傷其實也是一大影響, 雖然今季對其批評不絕於耳, 更有人稱朗尼缺陣其實更好, 但從我K11上篇文章已提及, 如果之前朗尼既保守踢法是因為雲高爾既戰術問題, 只要解放朗尼既射門慾, 應有一定效果, 可惜今仗不能證實。

另外, 由上仗聯賽所見到, 曼聯已經由平穩控球踢法慢慢增加積極性既組織, 由上仗既射門次數達14次但只得2次中框改善到今仗17次既射門有11次中框, 明顯作出改善, 可惜既係, 今季穩健既後防卻於今仗失3球之多, 都已經無話可說了, 當然狼堡於近況不穩下作出明顯反彈, 今仗的而宜確地踢出一場值得獲勝既賽事, 不過69分鐘既換人, 雲高爾始終要鬧一鬧, 其實於即討的半場時, 我K11已經提及雲高爾要於今仗非勝不可既賽事, 早早求變, 最好改變為442既陣式, 用迪比及馬素爾踢雙箭頭, 換入楊格作翼, 另一邊翼可由馬達/連加特出任, 可惜既係, 雲高爾最終仍然選擇維持2名防中既戰術, 換入包維及卡域克, 只將費蘭尼推前既調動, 於當時即場環境未夠進取, 可能雲高爾當時認為PSV會於主場敗給中央陸軍而曼聯可以不敗完場, 雖然曾經有1-2分鐘出現此情景, 但最終於最壞既情況下輸波出局 ( 和波出局都勉強叫雖敗猶榮既自欺欺人想法 ), 其實諗深一層, 如果雲高爾可以早多2-3仗解放其保守戰術, 早早於主場迎戰PSV時已經與其一拼, 獲勝便已出線下, 總好過現在出現此機率不低但卻是最壞既或然率 ( 自己作客輸波, PSV卻主場贏波 ), 造成咎由自取的出局命運。


另外, 在此感謝支持我K11於FACEBOOK專頁既文字直播/即討區既曼迷們, 雖然暫時參與即討既人數不多, 但只要仲有一名支持者, 都仍會繼續!


比賽日我地會po 直播 link 比大家齊齊睇波, 記得要時刻留意我地既page!
https://www.facebook.com/RoyceMU/
仲會有賽後分析/評分,精華,個人精華,曼聯點將錄等,你仲唔快d like?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Willie Yau
    Willie Yau 於 09/12/2015 評論 NO. 1

    公平啲!
    V92 係有料嘅!佢個舖排 ok 架!
    就算對南華都未驚過啦!

  • Lu Poon
    Lu Poon 於 09/12/2015 評論 NO. 2

    呢班波打歐霸都唔夠班

  • L Lo Pang
    L Lo Pang 於 09/12/2015 評論 NO. 3

    坦白講,佢條防線一路都吾穩,回防速度慢,只係很小讓出控球權,感覺上好似防守好,其實不然

  • Weng Ip Choi
    Weng Ip Choi 於 09/12/2015 評論 NO. 4

    我都覺曼聯抵死,完全唔值得晉級

  • 謝灌剛
    謝灌剛 於 09/12/2015 評論 NO. 5

    睇咗咁多場波都未有固定隊型,淨係轉來轉個波交到腳邊,無入攝無小組點贏波,琴晚輸第二球波個個企係到唔郁,人地就示範咗咩叫小組入攝

  • Isaac Lok
    Isaac Lok 於 09/12/2015 評論 NO. 6

    稱霸歐洲機會嚟啦

  • Rex  Wong
    Rex Wong 於 09/12/2015 評論 NO. 7

    方丈想提早退休唧!
    你哋嘈乜春啫?

  • Cliff Chan Kuanfai
    Cliff Chan Kuanfai 於 09/12/2015 評論 NO. 8

    只望能在欧霸争气,为英超出份力!永不独行

  • Kenny Man
    Kenny Man 於 09/12/2015 評論 NO. 9

    今晚可能多隊英超球隊陪曼

  • rickytct
    rickytct 於 10/12/2015 評論 NO. 10

    佢真係想提早退休就好啊
    最驚佢續約

  • Chris Chan
    Chris Chan 於 10/12/2015 評論 NO. 11

    明明係紅魔鬼,比V92搞到變曼魚,任人食╮(╯_╰)╭

  • rickytct
    rickytct 於 10/12/2015 評論 NO. 12

    係慢魚

  • Kc Kin
    Kc Kin 於 10/12/2015 評論 NO. 13

    我怕連歐霸都出局

  • Ringo Ma
    Ringo Ma 於 10/12/2015 評論 NO. 14

    後防不穩無計啦⋯⋯

  • Sebastian Lau
    Sebastian Lau 於 10/12/2015 評論 NO. 15

    最聯一出局即時霸氣盡現

  • Man Hing
    Man Hing 於 10/12/2015 評論 NO. 16

    本身呢隊曼聯都夠贏禾夫斯堡....偏偏係v92

  • Wayne Chow
    Wayne Chow 於 10/12/2015 評論 NO. 17

    好快出局

  • Douglas Chung Yin Cheung
    Douglas Chung Yin Cheung 於 10/12/2015 評論 NO. 18

    快手hea踢專心聯賽 歐霸留比其他人搶

快捷鍵:←
快捷鍵:→