[K11出品] 曼聯K角度 – 久違了的絕殺快感!

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

足總盃4強賽事, 於溫布萊上演, 曼聯面對嘅對手係愛華頓,另一邊廂係屈福特對水晶宮,呢場賽事如果能勝出,似乎已經袋入半隻足總盃,今場2隊自然去盡,而賽事嘅發展都相當扣人心弦,曼聯由馬素爾一次絕妙嘅助攻由費蘭尼倒戈射入!下半場形勢卻由愛華頓做主動下,雖然有迪基亞神勇救出12碼,守得住對手,卻守不住自己友,後防危險度最低嘅史摩寧卻不幸擺烏龍被追平1:1,賽事看似要進入加時嘅時候卻由馬素爾一次令我K11等曼迷久違了嘅絕殺入球,成功打入足總盃決賽,5月21日將再次出戰溫布萊!等我K11同大家一齊享受這絕殺快感!


正選陣容方面,賽前還以為雲高爾又用回悶蛋控球戰術,迪基亞,科素文沙,史摩寧,洛荷,卡域克,費蘭尼,連加特,朗尼,馬素爾,拉舒福特!雙防中,勉強出朗尼,收起馬達及靴里拉此2名創造型中場,應該係賽前不少曼迷心聲吧?結果朗尼原本以中場中身份居多,咁費蘭尼呢?進攻中場是也!


迪基亞今場可謂功不可沒,雖然5分鐘便被盧卡古扭過,幸好有朗尼護空門,但15分鐘盧卡古嘅單刀,今次迪基亞成主角了,一個美妙嘅龍門落地姿態救出單刀波!而下半場便是今場迪基亞最閃耀嘅一刻,救了科素文沙,也救了曼聯,救出盧卡古勁而有角度嘅12碼,如果呢球一失,咁早嘅時間便被拖肥糖追成平手,及後時間便相當被動!可惜,守得住對手,卻守不住自己友,73分鐘被今季表現非常穩定嘅史摩寧不慎擺烏龍射入網成1:1!雖然及後時間未有太大致命撲救需要表演,但所受壓力其實都幾大, 但撲救12碼嘅超神反應,已足以令迪基亞成為今場最佳球員嘅侯選名單內。




後防方面,左閘嘅洛荷,今仗助攻頻頻,而且威脅也要少,80分鐘嘅助攻傳中非常危險,可惜橫過龍門口卻無人可接應,但所失一球雖然為烏龍球,卻同樣由於洛荷包回中路想收窄防線與史摩寧2夾1盧卡古,卻空了愛華頓後備入替嘅迪路菲奧嘅傳中引致此失球。


左閘方面,今仗正選上陣嘅科素文沙整個上半場都表現優異,繼續助上佳演出,防守,助攻也很到位!可惜下半場55分鐘,科素文沙禁區內落腳攔截巴克利雖攔截到波, 但球証認為犯規判12碼,可以看到科素文沙不敢相信此事實嘅表情係相當痛苦!幸好迪基亞打救了曼聯,同時也救了科素文沙,否則此子肯定於日後有著不良嘅陰影!由於雲高爾害怕其心理質素受到負面影響,61分鐘由華倫西亞入替。幸好此賽事最終能獲勝,也不致於由科素文沙的"犯錯"引致失球,相信科素文沙取得嘅係經驗,而不是陰影。

入替後嘅華倫西亞其實繼續上場嘅好表現,其右路嘅助攻威脅比科素文沙明顯大很多,由於雲高爾除了防止科素文沙因被判12碼而影響信心外,換入華倫西亞是要加強攻力,汏活一下右路,令對手要防範連加特也要分心。

雙中堅方面拍擋方面,白蘭特今仗雖然未如上次對壘般令盧卡古威脅減低,但仍非常勤力地去防守此巨人前鋒,而且放出長傳或穿越球嘅質素也相當不錯。另一中堅史摩寧,今仗其實防守表現一流,可惜73分鐘嘅一次錯誤判斷,封截迪路菲奧時不慎以腳脛位置誤將皮球送入自己大門,看到失球後非常失望,但其經驗令其信心快速回復,其後時間仍然非常集中防守,令盧卡古及愛華頓嘅攻力繼續被壓制著。



防中方面,卡域克今仗可謂獨撐中線場,明顯地,卡域克並未如上仗舒拉達連般地對手進攻於中場便被破壞,活動力當然不能相提並論,但其經驗及位置感卻很不錯,有時出現在愛華頓由中後場傳到前場嘅位置出現,控待第二點或做第一道攔截,一旦攔截成功,便可以嘗試由守轉攻,把皮球送到曼聯前場球員腳下。


正選陣容上,費蘭尼出現在此位置,但其實朗尼更似!而其實朗尼以中場中身份,經常出現於己隊三閘線至對手三閘線位置,偶有進攻致對手禁區邊位置或嘗試加以遠射,也不時於三閘線作出史高斯式長傳轉向,真的有後期史高斯的影子!當然朗尼今仗最佳亮點自然係5分鐘回防以頭鎚救出盧卡古扭過迪基亞後射嘅空門。


費蘭尼方面,基本上以進攻中場位置出現,或者同樣叫做中場中可能比較適合,而今仗費蘭尼可能向舊東家展示其能力,又或者難得有正選上陣,非常落力,而且多次憑其身位壓贏對手,取得控球權!23分鐘接應頭鎚二傳予拉舒福特明顯贏盡高空優勢,33分鐘更於適當時候出現及處理得非常好把馬素爾底線傳中一射入網為曼聯開紀錄,而且64分鐘更有機會梅開二度不過今次被積基卡訓身攔截成功!其後於82分鐘費蘭尼也成功令愛華頓4打3嘅反攻破壞,訓身將盧卡古嘅射門封阻!86分鐘由靴里拉入替。


入替後嘅靴里拉,明顯雲高爾希望直接轉回上仗勝出水晶宮嘅陣容,為加時做準備。不過靴里拉入場後第一件事是2分鐘後因愛華頓一次盡佳嘅反擊機智下,職業犯規地拉停巴克利,雖然領黃,但此黃牌絕對拎得聰明。如果不拉停巴克利,當然愛華頓嘅反擊其實預期可以造成極大威脅甚至入球發生!但靴里拉於中場便開始拉停巴克利,成功將此不良預期永遠也沒機會發生!而且,拎了BONUS!令巴克利反應過激下同樣領黃!靴里拉嘅工作未完成,而且重要,92分鐘與馬素爾嘅撞牆,雖然有些少阻滯但仍能成功地把皮球回傳到馬素爾腳下而且陰錯陽錯地令愛華頓後防一條路線給馬素爾前進及射入絕殺入球!靴里拉10分鐘嘅表現,已經令我K11讚賞不絕了。


進攻3子方面,連加特嘅表現繼續相繼失色一點,失色不是差,只是沒有預期的好,其實連加特嘅活力已經令愛華頓左路防線帶來一定嘅麻煩,可惜嘅係,連加特處理埋門一腳仍然好YOUNG,11分鐘接應朗尼傳送嘅埋門可以處理得更好,53分鐘接應馬素爾後踭傳送射門最少也要中龍門!這些機會也未能轉化成入球,似乎此為連加特現時嘅樽頸位了!希望能成功突破或者一些曼聯名宿可以幫助其突破吧!


正箭頭嘅拉舒福特,今仗沒有上仗的搶鏡,但也有不俗演出,處理也日漸成熟!射門數目也開始增加,雖未致於有太大威脅,但其前場牽制力也日益增加,為馬素爾提供一個很好嘅空間去做突破,與隊友配合也做得很好,絕殺入球也有份參與其中。


馬素爾,當然是今場2球入波嘅最大功臣,1入球1助攻!已經當馬素爾取得皮球,便是曼聯現時威脅力最大嘅時候!33分鐘,一個簡單嘅假身與變速落底線,成功助攻費蘭尼入球,其後也不時產生威脅,而到了92分鐘,一次小組組織再入滲中路,以其跑動路線與速度成功突破愛華頓後防,加上最後冷靜嘅處理,就此帶領曼聯打入自2011年歐聯決賽後,另一個盃賽決賽!


到了賽後分析,今仗雲高爾繼續採用上仗陣式戰術,只是稍作微調,繼續令朗尼能於中場自由活動,令朗尼有著生氣,而且用費蘭尼明顯為了以高空優勢及身位佔優,一來為了協助防守盧卡古嘅高空攻勢,二來也順勢於進攻時由費蘭尼作搶點!不下一次成功於對手禁區內頂贏,同樣也不下一次於自己禁區內頭鎚解圍!

不過我K11於即討區其實有提過一點嘅係,其實下半場一直受壓,而且連加特表現開始沉寂時,應該早早換人,嘗試為前場攻擊帶來新氣,盡早射入第二球,不致由主動變被動!這只是我K11對於今場雲高爾臨場調動之意見!當然,靴里拉嘅調動明顯是成功的,也為球隊帶來了勝利!


在此感謝各位支持文字直播及即颯區嘅朋友,5月21日嘅決賽要再見,當然接著對李斯特城嘅英超賽事也要再見!希望曼聯季尾可以重現一連串勝利嘅笑容!而且季尾能爭取此項錦標,希望雲高爾除了要激活曼聯,激活朗尼,同時也激活一下我們今季負能量極重嘅曼迷們!



Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Calvin427
    Calvin427 於 25/04/2016 評論 NO. 1

    明顯上半場曼聯係中前場壓迫,見到中圈位置已經有人跟住對方,而愛華頓球員未能中場組織時候就斬上前,而曼聯中後場球員好好既一樣係當個波落到盧卡古或者其他中前場球員,後防固然令對方轉唔到身,中場球員亦會第一時間夾擊,所以上半場愛記冇乜點係曼聯後場組織攻勢
    文沙: 成個上半場都比較謹慎,冇前場咁頻頻助攻,可能有指示,不過佢企位仍然要下苦功
    卡叔:好難得見佢上半場都已經不停走動,主要係企位防守既佢都主動緊迫對手,另外當夾擊成功奪取控球權,佢都可以冷靜處理而唔係大腳斬前,係上半場能夠曼聯控球在腳既主因,可惜真係老,下半場冇乜氣同慢左好多

  • Wing Wai Chan
    Wing Wai Chan 於 25/04/2016 評論 NO. 2

    我祗算半個曼迷,至愛是阿仙奴,但也很開心,不過這場波對手愛華頓的戰術其實好單調,所有球隊都知道凍結了盧卡古就可搞定愛華頓,所以愛華頓對住比他們強的球隊,成績都比較一般,為何晉級會這樣艱難曲折,要憑馬斯亞絕殺呢?若非廸基亞神勇,真係輸得的,我們看看雲高爾的戰術部署,看看盧卡古起腳和二傳的機會,就可知道這種絕殺的喜悅,完全是雲高爾賜給曼迷的😉

  • Jackie Valenciana
    Jackie Valenciana 於 25/04/2016 評論 NO. 3

    費氏絕殺再現?

  • Pun Chan
    Pun Chan 於 25/04/2016 評論 NO. 4

    曼聯一開波已經拑制唔住盧卡古,兩次單刀都係史摩寧責任,第一次制空時間差咗,俾盧卡古單刀,好彩朗尼勤力護空門,第二次俾盧卡古放甩食塵,好彩有迪基亞用腳擋出

  • Rex  Wong
    Rex Wong 於 25/04/2016 評論 NO. 5

    見到自家製造嘅後生飚出,先至係最開心!

  • Kenny Wong
    Kenny Wong 於 25/04/2016 評論 NO. 6

    最重要係入到決賽, 仲有野爭下麻!

  • Toby Chu
    Toby Chu 於 25/04/2016 評論 NO. 7

    梗係啦以前加到絕殺,所以成日有快感

快捷鍵:←
快捷鍵:→