[K11出品] 曼聯點將錄 – 荷蘭出產的入球機器 – 雲尼斯杜萊

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


我們ROYCE SPORTS曼聯.費格遜已經達到10,000讚好,再次講句,讀者嘅支持,就是我們前進的原動力!而為了呢個里程碑,由讀者選出10000 大關曼聯點將錄嘅紅魔10號球員,就是效力曼聯5年間,入球率超過60%嘅入球機器,來自荷蘭嘅雲尼斯杜萊。


雲尼斯杜萊,又名雲佬,前荷蘭職業足球員,司職前鋒,現年40歲嘅雲佬出生於1976年7月1日,效力曼聯前曾效力PSV,其後由曼聯轉到皇家馬德里,球員生涯晚年也曾效果德甲嘅漢堡及西甲嘅馬拉加,其後宣佈掛靴!


雲佬並非出生於名門,17歲時只是效力荷蘭乙組球會丹保殊,4年間出場69場射入17球,及後以外借身份加盟荷蘭國內另一球隊海倫芬效力一季共31場賽事,入球數字只是13場!不過其潛力引來荷蘭國內勁旅PSV對其招手,22歲便以420萬鎊加盟!效力首季便已取得正選之位,更以34場射入31球嘅驚人數字勇奪該屆荷甲神射手,只係以2分之差被當時英格蘭前鋒菲獵斯壓過失落歐洲金靴獎,但成功當選荷蘭足球先生。


其後一季因傷患問題,只能出場23場,但仍然有29球嘅入球數字,不幸地,右膝受傷時間卻是季尾嘅4月份,亦因此未能為荷蘭出戰2000年歐洲國家盃呢項國際大賽。結果於次季下半季才能復出,當季出場10次入2球!由於費SIR正要尋找代替舒寧咸離隊嘅前鋒空缺,就這樣一拍即合,雲佬以1,900萬鎊轉會加盟曼聯成為紅魔鬼,亦順理成章穿起10號球衣!


雲佬成魔後嘅首季雖然未能帶領曼聯奪取英超冠軍,但卻以10球成為歐冠神射手,同時獲得該屆英格蘭球員先生嘅獎項!而效力曼聯頭3季,保持非常好嘅入球紀錄,聯賽均最少射入20球,而2002/3球季於各項賽事更射入達44球之多,聯賽射入25球成為神射手之餘更帶領曼聯重奪英超冠軍之位,於歐冠亦射入12球再次蟬聯歐冠神特手此獎項,由於雲佬如此高嘅入球率,於禁區內常常能捕捉機會,被稱為"入球機器",加上當時曼聯仍有黃金雙翼集斯與碧咸,對於雲佬嘅成功有著極大幫助。



到了2004/5球季,雲佬因傷經常缺陣,也曾與費SIR不時有爭執而被貶後備,該季各項賽事只有16球嘅進帳,也開始令雲佬於曼聯嘅前途亮起紅燈!不過2005/6球季,雲佬再次表現其射手本色,加上隊內有朗尼及C朗嘅支援,令其聯賽入球數字重達二字頭,但賽季後段,費SIR與雲佬關係開始接近決裂,於賽季最後一場賽事前,有傳雲佬與C朗起爭執,而當時C朗正是費SIR陣中最有前途新人,加上為了平息隊內不和關係,取捨之下,雲佬最終被貶後備,因不滿費SIR如此安排,結果於賽前自行離隊!


而雲佬效力曼聯時正值曼聯與阿仙奴鬥得激烈嘅時段,仍記得2003球季, 雲佬其中一場於補時階段射失12碼後被阿仙奴基昂等球員嘅挑釁(韋拉因雲佬而被球証以紅牌趕離場)。。。。。直接令2隊嘅敵對關係更加火熱!



其實於2006世界盃後,費SIR與雲佬關係已有改善,但無奈皇家及拜仁出價雖不算天價,卻已令曼聯管理層開綠燈,而費SIR當時亦有法國前鋒沙夏作替補,或者防止雲佬再次與C朗起爭執,就這樣雲佬便離開曼聯,轉會西甲勁旅皇家馬德里!其實。。。。。也造就了費SIR當季需要借用瑞典老牌射手拿臣嘅決定,而且相當成功!


離開曼聯後嘅雲佬於皇馬仍然發揮其射手本色,效力頭2季,出戰61場射入41球嘅西甲入球,連續2季帶領皇馬奪得西甲冠軍!但其後2季因傷多次缺陣,入球率也降低,已經年屆33歲嘅雲佬,於2009/10轉戰德甲漢堡,2季後再回西甲效力馬拉加,2012年5月14日於36歲時宣佈掛靴




雲佬於荷蘭國家隊有達50%入球率,出場70場射入35球,不過於1998年開始成為國家級球員後,卻要到2004年才能代表荷蘭出戰歐洲國家盃,可惜最終於4強敗給東道主葡萄牙!



雲尼斯杜萊這個名字,說出來便想起"入球機器","禁區射手"等等,而於曼聯嘅雲佬,更加令費SIR當時嘅4-4-2戰術發揮得淋漓盡致,因為2邊嘅傳中球,絕對需要敏銳中鋒嘅配合,於禁區內轉化成入球,而雲佬正正作為當時黑白雙煞慢慢退下來作出替補嘅最佳人選,令費SIR落下賭注於PSV受傷半年嘅雲佬仍然邀請其加盟呢個決定成為一時佳話!可惜嘅係,不少荷蘭球員亦有嘅紀律問題,雲佬亦逃不過,與隊友產生不和實在是領隊最反感嘅事,否則,雲佬與C朗呢對組合,可以成為一對風靡全歐洲嘅最佳拍擋!




Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→