[K11出品] 曼聯點將錄 – 紅魔瀟灑哥 – 貝碧托夫

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


讀者們,我們ROYCE SPORTS曼聯.費格遜已經達到9000讚好,讀者嘅支持,就是我們前進的原動力,為左慶賀9000讚好,今集我K11帶俾大家嘅曼聯點將錄球星中,揀選了一眾紅魔鬼內,一位於球場上雖然速度不高,但瀟瀟灑灑,護球能力爆錶嘅9號球員 – 貝碧托夫。


貝碧托夫,保加利亞職業足球員,司職前鋒,出生於1981年1月30日,成名於利華古遜,先後效力熱剌,曼聯,富咸,現效力希臘足球隊PAOK 。效力紅魔4年間,共射入57球,贏得2屆英超聯賽冠軍,1屆聯賽盃冠軍及1屆世冠盃冠軍。




年青時的貝碧效力國內球會索菲亞中央陸軍,於2000/01球季表現突出,11場比賽射入9球後,德甲球會利華古遜對其極為有興趣下,於2001年1月收歸旗下,可惜貝碧並未能適應德甲足球嘅節奏,上陣6場零入球,幸好於2001/2球季便慢慢適應歐洲主流聯賽節奏,攻入16球,但表現極為飄忽,於2002/3球季上陣31場只得5球。不過於2003-2006這3季內,為利華古遜上陣118次共攻入69球之多,而且其技術出眾,護球能力極好,一般德甲後衛也難以搶走腳下球。而且於2004/5球季,利華於歐冠盃賽事中共射入5球,令歐洲各大球會認識了誰是貝碧。




2006年夏天,英超球隊熱刺決定用1600萬歐元(當時約為1090萬英鎊)購下貝碧托夫,這是保加利亞球員有史以來身價最高的足球員。貝碧托在英超的地標戰是主場面對該季升班馬錫菲聯,並馬上取得首個英超入球,不過英超聯賽的節奏與德甲有強烈差別,節奏快速,身體碰撞不計其數令貝碧托夫用上了一段時間去適應,但其質素之高,卻令貝碧維持自我風格的瀟灑,仍能活於英超聯賽內。結果加盟首季,貝碧與愛爾蘭前鋒拍擋羅比堅尼一剛一柔,成為英超聯賽內其中一對令後衛聞風喪膽的攻擊組合,而且於4月份,雙雙獲選為該月聯賽最佳球員。該球季上陣33場以12個入球11個助攻完成首個英超球季,更入選聯賽最佳陣容和熱刺球會的足球先生。其後一季,貝碧入球率維持高水平,全季出場52次射入23球。


就在2008年夏天轉會窗最後一日,時任曼聯領隊費格遜將貝碧購入成為該轉會窗標王,轉會費達3000萬鎊,身穿9號球衣,開始了貝碧於曼聯只有4年卻令球迷印象深刻的時光。貝碧於曼聯的處子戰便應戰利物浦,3分鐘即助攻迪維斯入球,可惜球隊最終以1:2落敗。 不過貝碧托夫雖然技術出眾,瀟灑非常,可惜由於節奏較慢,太有自我風格,與曼聯一直以黎以快速撕破對手防線嘅風格不同,即使如此,貝碧仍然協助球隊於2008/9球季繟聯英超聯賽冠軍,個人攻入9球,交出9助攻,成為隊中助攻王。而且某程度上,由於貝碧已慢慢適應曼聯戰術,費格遜於貝碧托夫及迪維斯2人之間,最終選擇了貝碧,令迪維斯最終選擇入城抗曼聯!


其後一季的2009/10,貝碧嘅踢法經費格遜調教下,有所改善,而且隊友也習慣了其風格,令貝碧有非常好嘅表現,其中貝碧不時創造出高難度而華麗嘅入球,例如轉身窩利,倒掛等等。可惜其後因傷缺席缺席了該季大部分賽事,也因此曼聯的英超冠軍被車路士乘機搶走。。


不過及後一季,於 11月27日,對戰布力般流浪的賽事中個人射入5球,追平了英超聯賽單場球員個人入球最多紀錄,曼聯更大勝對手7比1。最後該季協助球隊重奪英超冠軍寶座,並且以21球,與已經成為曼城射手迪維斯並列英超神射手。



不過2011/12球季,球隊最終以得失球被同市死敵曼城壓過成為聯賽冠軍,該隊貝碧於聯賽只出場12場攻入7球,慢慢地從正選陣容中退下。


由於費格遜為求於死敵重奪英超冠軍,其後一季簽入阿仙奴當家射手雲佩斯,亦令貝碧於曼聯陣中地位更低下,結果於2012年夏天,貝碧轉會富咸,與曾經於熱剌合作嘅領隊祖爾故劍重逢。不過經過1季半後,2013/14季中,貝碧決定轉到法甲發展,於摩納哥效力期間,共出場53場射入18球的不俗成績,不過由於其年紀與速度的問題,其後轉會到希臘PAOK,直到現時仍然效力該球會。




貝碧托夫,於曼聯是否成功?雖然最後可能算是敗走而回,但相信一眾紅魔迷,對貝碧托夫踢法之細膩,不時作出高難度而華麗嘅動作印象深刻,我K11絕對認為貝碧托夫於曼聯是取得一定成就,而且當貝碧托夫適應球隊節奏後,其護球能力,往往反而成為球隊由守轉攻的起點,而且成為穩穩的出發點。瀟灑哥之名,並不是浪得虛名,其腳法動作之細膩,簡直令人賞心悅目,令曼聯陣中除了一眾以高速撕破對手防線嘅殺手外,增添一份藝術感!到呢一刻,我K11仍然經常記得貝碧托夫於底線前的華麗轉身。





Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

標籤: 貝碧托夫  曼聯  熱刺  利華古遜  冠軍  德甲  歐聯  英超  費格遜  

留言

會員
我要評論
請按此登錄後留言。未成為會員? 立即註冊
  • Siu Hong O
    Siu Hong O 於 14/10/2016 評論 NO. 1

    佢而家冇球會,不過傳緊拿坡里想簽佢

快捷鍵:←
快捷鍵:→