[K11出品] 曼聯點將錄 – 奧脫福大帝 – 簡東拿

曼聯防線夠堅硬,你又估下足總杯4強 愛華頓 vs 曼聯,迪基亞(或曼聯 )可唔可以係法定時間(90分鐘連補時)力保不失?即有機會贏走迪基亞人仔!
快 d 入黎參加啦!
bit.ly/1SQNURL

感謝各位讀者對我K11作品系列 - 曼聯點將錄嘅鼎力支持, 由於我們也要照顧各方球迷及讀者, 之前曾推出傑斯, 艾夫拿, 里奧, 朴智星及今次的簡東拿, 所以下一輪投票將以龍門為主題, 請各位讀者繼續投選下一輪點將錄之球星, 投票已經開始左喇!

http://www.roycesports.com/vote/

今集嘅主角, 為配合ROYCE SPORTS曼聯.費格遜專頁讚好(LIKE)人數達到7,000而誠獻! 相信如果訪問一眾80後嘅曼聯球迷, 第一個認識嘅曼聯7號標誌球員係邊個, 都應該好難會答錯! 佢形象獨突, 從不裝出正義偶像嘅感覺, 卻偏偏有著偶像嘅風範, 佢唔算靚仔, 卻深受曼迷景仰, 佢脾氣火爆, 卻又有著一種與眾不同嘅霸氣, 佢腳法細膩, 卻未能於國家隊大展光芒, 佢足球事業順利, 卻選擇早早退休, 佢就係奧脫福大帝 – 簡東拿 (Éric Daniel Pierre Cantona)


簡東拿於1966年5月24日出生於法國馬賽, 早年出生於法國球會歐賽爾及馬賽等等嘅法國球會。於1991年轉戰英國, 加盟列斯聯, 第一季便帶領列斯聯以4分壓過曼聯奪得聯賽冠軍。而當時費SIR以100萬鎊於1992年11月將簡東拿從列斯聯帶到曼聯, 呢宗交易可以說是平靚正!




簡東拿入魔也標誌著曼聯王朝嘅開始, 於簡東拿帶領下, 曼聯於1992/3, 1993/4這2個球季便以拋離嘅分數奪得英超冠軍, 1993/4球季更成為雙料冠軍 ( 聯賽/足總盃 ), 當時嘅曼聯擁有舒米高, 布魯士, 艾雲, 恩斯, 堅尼, 曉士等等嘅猛將, 而且雙翼有傑斯及簡察斯基, 純看陣容已經令人望而生畏。




可惜, 1995年1月25日, 曼聯作客水晶宮嘅賽事, 簡東拿被球証以紅牌趕離場嘅期間, 脾氣火爆嘅簡大帝突然以一記現時已經成為家傳戶曉嘅一記飛腳回應水晶宮球迷嘅挑釁, 結果該季曼聯最終以1分之差被布力般壓過只得聯賽亞軍。簡東拿本人也被罰停賽10個月, 還被判監兩星期, 不過最終才改判以社會服務令代替牢獄之災!


YOUTUBE:


1995年年尾, 被罰停賽10個月後嘅簡東拿復出, 當時嘅曼聯黃金一代包括史高斯及碧咸等等已紛紛上位, 而且外界對簡東拿復出並不睇好, 但簡大帝無懼挑釁及批評等困難, 專心比賽, 得到外界一致好評, 而且, 費SIR仍然相信簡東拿嘅實力, 投以信心一票, 該季曼聯曾經於1月時被紐卡素以12分拋離, 但曼聯及後連連報捷, 而且簡東拿於多場比賽中取得致勝入球, 結果曼聯最終以4分反壓成為英超聯賽冠軍, 該屆也再次成為足總盃成為雙料冠軍, 簡東拿也成為當時歷史上第一個非英藉隊長捧走足總盃。相信也是對費SIR信任佢嘅最佳回報!



同年被選為英格蘭足球先生, 成為自1968年佐治貝斯後, 首個獲得此崇高殊榮嘅曼聯球員。1996/97年, 曼聯再次成為英超聯賽冠軍, 也是大帝於曼聯4次聯賽冠軍及個人第5個聯賽冠軍, 不過於5月23日, 簡東拿未有解釋任何原因嘅情況下, 突然宣佈退休。曼聯因此缺少一位重心人物, 而且傑斯與堅尼嘅受傷令曼聯於及後一季四大皆空, 就這樣, 曼聯要重新適應與尋找7號嘅繼承人, 其後便是碧咸與一眾黃金一代嘅天下。


雖然大帝一直沒有解釋其退下來嘅原因, , 但退休後仍然熱心於足球界, 包括擔任北美球會紐約宇宙嘅總監, 組織沙灘足球比賽及進軍演藝事業。相信一眾大帝迷也有看過[尋找簡東拿]此部於2009年發部嘅電影。





而且簡大帝多次拍攝足球廣告, 效果都非常吸引。



YOUTUBE:
YOUTUBE:
YOUTUBE:

由於在曼聯期間的功績超卓, 加上場外場內都充滿霸氣, 被稱為[奧脫福大帝] 嘅美譽, 曾經為曼聯5年內4奪英超聯賽冠軍, 而且於1994/5及1996/97球季帶領曼聯成為雙料冠軍 - 英超聯賽冠軍/足總盃, 同年更獲選為英格蘭足球先生, 不過簡大帝卻於1997年生日前夕, 宣佈自己將結束其球員生涯, 充分表現於高峰選擇退下來, 讓此成就永遠在頂尖位置停留下來。2000年, 簡大帝被選為世界最佳球員。

YOUTUBE:
簡東拿嘅國家隊生涯並不如意, 雖然於1987年已首次為法國隊上陣, 但最後一次上陣是1994年嘅時候, 國家隊生涯上陣45場射入20球, 可惜及後法國國家隊並未有再選大帝入隊, 即使1996年簡東拿於曼聯表現神勇, 但歐洲國家盃也如是, 就這樣, 簡東拿的輝煌足球史全歸曼聯所有。



YOUTUBE:
簡東拿對於我K11嚟講, 除左佢嘅精湛球技, 就緊係佢喜歡反領嘅個人標誌, 當時令球場上一眾波友都跟隨其後, 反領以示型仔! 當然, 簡大帝吸引曼迷嘅地方, 不止其形象, 而是佢於場上能帶領球隊勝利, 改變戰局嘅能力, 而且即使受著批評嘅聲音, 也一一少理, 以一記傳統笠射加慶祝動作叫批評者收聲。這是最正面嘅做法。


當然簡東拿於曼聯嘅位置, 是傳統TARGET MAN, 費SIR似乎也看準其能以一人之力改變戰局嘅踢法, 以大帝為前場重心, 配以當時推行嘅4-4-2, 雙翼齊飛戰術, 令一眾球隊未能應付, 雖然當時曼聯嘅陣容於英超已經非常強大, 但簡東拿仍然能於隊內有著一種與眾不同嘅感覺, 情況就似細哨於巴塞內, 美斯於巴塞內, C朗於曼聯(巔峰期)及皇馬內, 亨利於阿仙奴內嘅感覺一樣。簡東拿只是效力了曼聯5個球季, 4奪英超聯賽冠軍, 已足証其重要性, 可惜嘅係, 佢嘅突然引退, 令費SIR與曼聯一時間難以尋找替代人選, 一季冷凍期嘅四大皆空令曼聯及曼迷都非常擔心。


現時, 曼聯正處於接近局面, C朗離隊後, 幸好仍有費SIR嘅調教, 失落一季聯賽冠軍後馬上捲土重來, 令朗尼成支柱, 其後再次失落聯賽冠軍更敗於同市死敵曼城後, 馬上購入雲佩斯即見效, 但費SIR嘅退休卻直接令曼聯處於冰河期, 朗尼開始有戰力下降嘅跡象, 加上未能成功嘅莫耶斯與現時仍受批評嘅雲高爾下, 曼聯仍在尋找下一次王朝嘅誕生, 而且我們也期待著下一位奧脫福大帝嘅出現。





Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Yannick Tang
    Yannick Tang 於 21/04/2016 評論 NO. 1

    哦 飛腳踢球迷果個嘛

  • Kenny Wong
    Kenny Wong 於 21/04/2016 評論 NO. 2

    好正, 好似小強藥一樣, 即刻引左出黎

  • Ka Cheong Law
    Ka Cheong Law 於 21/04/2016 評論 NO. 3

    哦,列斯聯嘅二五仔吖嘛

    其實當年點解會賣?

快捷鍵:←
快捷鍵:→