[K11出品] 國際賽期特刊 - 這夜香港, 我看著旺角開往俄羅斯的紅海

仍然係國際賽期既時候, 餓緊波既K11等了又等, 終於等到2015年11月17日, 晚上8時正, 一個屬於香港足球既晚上, 是夜為2018年俄羅斯世界盃外圍賽亞洲區分組賽 - 香港主場應戰中國既賽事, 雖然中國為祖國, 但身為香港人, 諗唔到原因唔撐香港隊, 我K11就無咁既福份入場打氣, 但緊係快快返番屋企打開電視睇直播啦, 趕回家既途中, 已經看到好多香港人趕住返屋企睇波, 網絡上都見到好多地方進行直播, 當回家開電視, 剛剛好開波, 看到既係一份感動, 全場紅色既球迷支持, 形成紅海!!!! 震撼!!!!!!!




好喇, 大家先簡單了解賽制, 此為第二圍外圍賽既賽事, 共40支球隊, 分成8組, 每組5隊, 進行主客雙循環比賽。每組首名球隊及4支最佳次名球隊,共12支球隊晉級第三圈外圍賽, 又睇睇賽前既小組形勢, 香港6戰13分, 中國5戰10分, 香港餘下2場賽事, 只要呢場波可以保持不敗, 最少保住第二名既位置, 但要取得直接晉身第三圈外圍賽既小姐首名, 似乎機會很微, 因為只要榜首既卡塔爾同時間開波勝出第6場賽事, 已獲首名, 所以呢場波對2隊黎講, 都係背城借一之戰。


由於中超近年既發展高速, 令中國隊既水平於近年大大超過香港隊既水平, 所以賽前都預測中國隊既實力理應在香港隊之上, 不過首回合, 香港作客中國也能迫和中國0:0, 返回主場, 加上香港球迷既支持, 無野無可能, 波係圓既, 明知不可為而為之, 是為”撐”也, 我地黎睇睇以下由網絡照片既出場陣容:


缺少林嘉緯既香港隊, 以保連奴, 辛祖及麥基成為3箭頭, 白鶴, 梁振邦, 積施利為中場壓陣, 張健峰, 法圖斯, 基藍馬及李志豪為後防, 龍門緊係葉鴻輝啦, 今場賽事, 中國主要以2翼落底傳中戰術攻門, 偶爾用小組組織於中路打入, 但面對一心以防反戰術應付既香港隊, 上半場顯得老鼠拉龜, 雖然有2次射門中柱, 但香港隊既防反及角球戰術都好有威脅, 其中有一次中楣及辛祖於完半場前既頭鎚便差點令香港隊領先, 下半場, 中國倍感壓力, 知道時日無多, 章法開始混亂, 令香港有多次反擊既機會, 雖然威脅不大, 但中國隊始終唔能夠不防守, 當然今場波英雄輝多次救出射門及佢既好朋友, 龍門框都多次幫香港隊頂住大門, 下半場最少有2-3次中柱中楣, 更有一次球迷奇遇記, 最後由英雄輝救出。結果, 球証補時3分鐘後, 香港隊2戰中國隊保持不敗, 不失, 作為香港人, 完全覺得光榮。

賽後, 同時進行既卡塔爾, 已經以3球勝出, 首得小組首名, 亦即係話, 香港及中國都未能以首名出線第三圈, 為小組最佳次名既4個席位而戰, 但此為後話了, 今場波由球場選擇, 球迷撲飛, 球迷支持, 都一一反映香港人對足球既熱誠, 對香港隊既支持, 團結既力量, 如此紅海, 希望再次感受一下, 送俾大家今場波既精彩照片:




比賽日我地會po 直播 link 比大家睇波, 記得留意我地既page!
https://www.facebook.com/RoyceMU
仲會有賽後分析/評分,精華,個人精華等,仲唔快d like?

如果喜歡我們的文章,請即分享到︰

標籤: 2018  世界杯  2015  中國  香港隊  保連奴   辛祖  麥基  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→