[K11出品] 曼聯K角度 - 疲態漸現的險勝

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

周中失了2分予般尼,今場作客李斯特城要有勝利嘅決心黎追貼前四,但李斯特城主場氣勢強勁,幸好開波初段即憑普巴一次靚傳送加上拉舒福特穩妥嘅處理先開紀錄。不過及後客隊嘅曼聯完全唔上力而且個別球員顯出疲態但主隊卻有幾次接近必入嘅埋門,幸好有拜利兩次瞓身解圍加上迪基亞兩次精彩嘅撲救,令曼聯得以在疲態漸現下一球險勝,賽後壓過阿仙奴升上第五位。

陣容方面,門將為迪基亞,後防右至左為楊格,拜利,連迪洛夫及梳爾,三中場為靴里拉,馬迪及普巴,前場方面則由連加特及山齊士協助拉舒福特攻堅。

迪基亞今場能保零封,除咗條防線越踢越集中,拜利及連迪洛夫封阻李斯特城不少攻門外,迪基亞自己亦分別救出基沙嘅死角罰球及華迪於9碼左右嘅半車身射門,亦因此迪基亞獲選今場MOTM。

後防方面,楊格繼續無得休息而近仗已經不斷助攻嘅右閘,今仗也已有些疲態出現。幸好楊格作為隊長有無窮鬥志去填補體能上嘅問題,面對高速嘅格雷雖然勉強但仍然頂得住。左閘嘅梳爾則年輕力壯,狀態上仍然保持高水平而且攻守均有水準之內,而且助攻嘅時間及與左翼球員嘅配合亦見改善。

中堅方面,拜利與連迪洛夫合組,不過前者初段嘅緊張表現令球迷有點擔心但及後拜利慢慢上力,先有瞓身擋出麥迪臣禁區內嘅射門,再有以身相許用頭頂走格雷於禁區邊嘅硬射,其餘時間亦未有失誤,只是高空波方面始終較弱。連迪洛夫方面,仍然保持今季嘅高水平演出,速度上並不輸蝕給李斯特城一眾高速球員,因此呢對中堅今仗算是為迪基亞零封上有唔少嘅功勞。

中場方面,今仗鐵腳三寶繼續擔正,靴里拉休息一仗後重回正選,今仗於中堅前與馬迪為中堅做一對屏障做得好好,攔截成功達5次之多,亦有85%嘅傳球成功率,而且更曾經創造了2次機會。馬迪方面,今仗除咗有點疲態外,更有點速率跟不上嘅感覺,由於李斯特城中前場速度高,壓迫力強,令一向速度唔高嘅馬迪有點患得患失,更曾被麥迪臣偷走腳下球再入禁區射門,完半場亦領下黃牌。幸好賽事中段開始,慢慢適應節奏更找到今仗如何對自己最為有利嘅踢法,結果與靴里拉為普巴做好保護,讓後者得以更自由地發揮。

普巴方面,今場開波初段即交出一球漂亮嘅傳球予拉舒福特建奇功。不過今仗體力消耗嘅速度比以往快,中段時間更難以好好做到控傳嘅中場核心作用。雖然如此,普巴今仗亦協防不少,幫助了梳爾的左後防不少。而賽事尾段,普巴儲咗一段體力後,仍有一段一扭三嘅過人突破而最終被侵犯才被停下。

前場攻擊線方面,連加特回到了正選名單內而今仗連加特的表現一般,全場基本上沒有一次有威脅的攻門但其實連加特的工作主要於全場走動,帶動球隊行軍運作,防守時則不遺餘力地跑動務求減低馬迪及靴里拉等等中場的壓力,90分鐘由鍾斯入替。鍾斯入替的工作便是防守與倒塞,幾分鐘的時間算不錯了。
左路的山齊士,今仗成為正選而表現只算合格,但其實山齊士助攻助守,防守上還算能幫助梳爾但進攻時亦與隊友的配合談不上默契,可以看到數次的走位但隊友未有察覺,結果於66分鐘由馬斯亞入替。馬斯亞入替後,於左路有過幾次不錯的突破與攻門,可惜均未能為球隊拉開紀錄。不過馬斯亞除進攻外亦有於球隊需要防守時回防更搏得基沙犯規領黃。

前鋒的拉舒福特,6分鐘其實已浪費了一次機會但相隔2分鐘後便接應普巴的傳送,一控一射為球隊開紀錄,這入球由走位,控球再射門均處理得宜,再次看到拉舒福特的進步與信心。不過其後面對麥佳亞的防守的確再難找到機會,結果拉舒福特要走到禁區外找機會去遠射可惜未有威脅,77分鐘由盧卡古入替。盧卡古入替後為球隊帶來了另一種模式而其實85分鐘曾經有機會,當時於進攻右路推入禁區後射門但被舒米高救出。

戰術分析方面,曼聯今仗以強陣應戰,不過中堅由拜利取代鍾斯相信除了輪換外,亦因為知道拜利的速度比鍾斯更好地去應付李斯特城前場一班高速球員包括華迪及格雷等等,結果亦能為迪基亞做了一定的保護。

不過曼聯防中線的靴里拉與馬迪方面,其實由摩連奴時代開始便有一大問題,便是不自覺的退入禁區內防守而令對手有遠射或於禁區頂射門的機會。李斯特城今仗有達17次攻門而當中多達5至6次為遠射或禁區頂的射門,要知道雖然遠射要射穿迪基亞並非易事但若出現改變方向或門前執雞等情況便會大失預算。

另外,曼聯今仗明顯地顯出有心無力的感覺結果即使最終控球率比李斯特城較高但其實戰局上實是對手在控球著,若非迪基亞有神勇演出加上防線今仗集中應對,相信曼聯也要與其餘列強一樣被李斯特城搶得分數。左右二閘及防中位的輪換問題最令人擔心因為正選與替補的實力在著明顯的分別,但將迎接2月份魔鬼賽程的紅魔鬼,實在需要輪換來平衡。且看蘇斯克查的功力是否能做到平衡間亦保持到球隊的水準了。

鳴謝各位支持文字直播及即討區,下場見。

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/RoyceUD
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
    快捷鍵:←
    快捷鍵:→