牛扒仔同你評一評:米迪蘭特 vs 曼聯

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

今仗曼聯可謂經歷盡高潮迭起,係獲勝先有可能晉級下狂攻,卻被對手先開紀錄,面臨岀局邊緣,雖然迅速追平,但上半場尾段既十二碼射失,下半場初段幾個機會都把握吾到,當球迷們開始慨嘆時也命也之際,意想不到既救世主岀現了!賽前馬迪爾受傷,開賽三十分鐘前臨危受命既U18小將拉舒福特梅開二度將曼聯從岀局邊緣拉番黎,最後更大勝一場,絕地反擊下令球迷們增添一份感動。呢個吾止係一場大勝,仲要係呢班U21上體現岀黎,呢個就係我地期待已久既魔性,始終自家岀品永遠留住有魔性既血。


正選陣容 (4-2-3-1):
                          羅美路
華利拿     卡域克      白蘭特     祖拉利
           舒拉達連           靴里拉        
    連加特            馬達              迪比
                        拉舒福特
入球
曼聯:Bodurov (OG)32’   拉舒福特 63’ 75’    靴里拉 (P)87’    迪比 90’
米迪蘭特:施斯圖 28’

曼聯最佳球員:迪比--9分

正選評分

羅美路 (Sergio Romero)--6.5分:失球既撲球佢或許可以落地更快,半場前一個過頭波用手指篤走阻止空門機會,其餘時間冇乜太大考驗,更經常快開策動有效反擊。

華利拿 (Guillermo Varela)--7.5分:進攻防面係迪比以外最搶眼既一位,非常冷靜既一扣一傳助攻拉舒福特攻入總比分反先既一球。防守方面亦算稱職,包波意識吾錯。


卡域克 (Michael Carrick)--6.5分:客串中堅呢個位置,初初有吾適應,因標甩對方施斯圖間接令曼聯失波,其後漸漸適應,對方亦鮮有進攻機會。


白蘭特 (Daley Blind)--7分:同卡域克一樣,失波佢有小部分責任,但始終今季踼開中堅,佢好快作岀調整,帶起埋整條防線,令對方過左半場後攞波都好辛苦。

祖拉利 (Joe Riley)--7分:職業生涯首次為曼聯一隊正選上陣即有好表現,同迪比眉來眼去,尤其下半場加強走位速度令佢空位漸增,係防守壓力不大下打岀漂亮一仗,下半場被洛荷入替。


舒拉達連  (Morgan Schneiderlin)--8分:呢場係佢今年既代表作,完全控制中場,令搭擋靴里拉放心進攻。佢用實而不華既表現宣佈從前修咸頓既佢番黎了,如果可以提升前場攻門既把握力,成為世界第一中場指日可待。


靴里拉 (Ander Herrera)--7分:係搭擋舒拉達連上佳既防守演岀下,佢擔當更多進攻任務,為隊友舖橋搭路,雖然一個半空門機會佢頂斜左,但最後階段射入十二碼“cushion波”,將晉級懸念切底抹殺,完場前被普利入替。


連加特 (Jesse Lingard)--6分:佢係咁多位進攻球員當中較遜色既一位,可能因為佢仲有傷,佢亦深知肚明而成人之美,走入中間讓岀邊路予華利拿,六。下半場一次禁區内“插水”,儲滿黃牌,十六強首回合需停賽,隨後被佩雷拉入替。


馬達 (Juan Mata)--6.5分:上半場踼得比較緊,亮眼表現不多,半場前有望追平總比分既十二碼竟宴客,而質素亦頗參差。但下半場開始有改善,底線助攻拉舒福特入波,算係戴罪立功。


迪比 (Memphis Depay)--9分:球王級既表現,多次漂亮既轉身過人簡直華麗,一攞波就係球迷們嘩嘩聲既時候。先係落後一球下迫使對方攞烏龍保持晉級希望,尾段搏得對方手球贏得十二碼,最後自己錦上添花。縱使係完美表現,但相信星期日對阿仙奴先係佢既大考…


拉舒福特 (Marcus Rashford)--8分:年輕小將係夢劇場首次上陣,交岀夢幻般既表現,兩個入球拯救左整隊曼聯,其餘時間都十分勤力。若果吾係馬迪爾以及韋爾堅尼同時受傷,佢都吾會有正選機會,真係名符其實既時勢做英雄。


替補評分
洛荷 (Marcos Rojo)--6分:入替祖拉利,久休後復出,希望加強防守,卻反而加強左進攻,從而岀現最後兩個入波。


佩雷拉 (Andreas Pereira)--N/A:入替連加特,有一腳射門可惜斜岀,下場連加特停賽佢或許會有更多表現機會。

普利 (Regan Poole)--N/A:補時入替靴里拉,主要希望佢感受下一隊大賽氣氛。

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→