牛扒仔同你評一評:米迪蘭特 vs 曼聯

比賽日我地會po 直播 link 比大家齊齊睇波, 記得要時刻留意我地既page!
https://www.facebook.com/RoyceMU/
仲會有大量轉會消息,賽後分析/評分,精華,個人精華,曼聯點將錄等,你仲唔快d like?

今季曼聯吾知係咪中左“黑衣魔咒”,每逢著黑色作客球衣都吾會有運行,今場面對丹麥球隊米迪蘭特,未開波迪基亞就熱身拉傷,整場波又悶,更甚既係球賽末段失波導致落敗。數落數落有對車路士開始連續幾場都有類似情況發生,咁多位曼迷又再次將矛頭指向雲高爾,的確,除左戰術問題外,可能訓練方式亦有問題,否則曼聯球員們冇可能突然變晒玻璃腳。但解僱雲高爾未必係岀路,球隊本身問題已經病入膏肓,吾諗辦法解決,邊個帶都一樣。


正選陣容 (4-2-3-1):
                         羅美路
路夫        麥尼亞        史摩寧      白蘭特   
                靴里拉        卡域克
    連加特            馬達             迪比
                         馬迪爾
入球
米迪蘭特:Sisto 44’   Onuachu 77’
曼聯:迪比 37’

曼聯最佳球員:迪比--6.5分

正選評分
羅美路 (Sergio Romero)--6分:要不是迪…呀吾係,要不是羅美路,畀人大炒都有可能,面對己隊如此性感既後防,臨危受命既佢已經交足功課。上半場勇救一次單刀,下半場亦撲岀一記刁轉頭鎚,失既兩球他責任不大。只能說:既生羅(美路),何生迪(基亞)。

路夫 (Donald Love)--5分:職業生涯首次為曼聯一隊正選上陣,顯然十分緊張,好多波都吾敢向前傳,又吾太敢上前助攻,亦未能有效壓止對方左路進攻,經常被放甩,相信經驗既累積可以令佢進步。


麥尼亞 (Paddy Mcnair)--4.5分:佢既踼法就好似弱版既大衞雷斯,好中意帶波上前,跟住一係畀對方搶到打反擊,就算冇人搶面對面傳都傳失,更可悲既係係自己禁區頂踼空氣,被對方搶截射入反先一球。

史摩寧 (Chris Smalling)--5.5分:角球攻勢上幾次成功爭頂頭鎚,奈何冇第二點接應,防守上作為大佬已經盡晒力,直接阻止左對方幾次進攻,但獨力難支,只望傷兵們早日康復。

白蘭特 (Daley Blind)--5分:左路情況比右路較好,起碼上前助攻呢一環佢亦有做到,定點防守因面對既進攻球員質素吾高而做得還可以,但反擊佢就係開刀既好對象,上前助攻後回防速度慢。看來佢依然未搵到最適合佢既位置。


靴里拉 (Ander Herrera)--4.5分:防中並吾係佢最擅長既位置,今仗更要拍擋老將卡域克,壓力更加大。進攻上冇太多貢獻,只有一記遠射,防守上亦十分參差,單對單經常被撞跌,第一個失球亦因為吾夠對方跑得快而被對方起到腳。


卡域克 (Michael Carrick)--5分:防中很大程度上需要互相依賴,今場佢除左分波仲要兼顧掃蕩角色,負荷對呢位老將黎講確實太重,此外佢分波能力有下降跡象,整場賽事佢幾乎冇傳過穿越球,其後被舒拉達連入替。


連加特 (Jesse Lingard)--5分:下半場初段窩利中媚實在可惜,但其餘時間既陣地戰好少突破,雖然符符碌碌咁助攻迪比,但其實岀波質素亦較參差,甚至增加冇壓力下傳球同帶球失誤,令對方可以專心防守曼聯進攻左路,當然亦有可能係缺少閘位協助。


馬達 (Juan Mata)--5.5分:作為進攻樞杻,為己隊策動進攻同反擊,完成左基本任務,若果佢既傳球可以再增加侵略性,相信曼聯吾止入到一球,末段被佩雷拉入替。

迪比 (Memphis Depay)--6.5分:今仗面對防守吾係太強既對手,重新顯露岀一點“球王”本色,作岀多次突破攻入對方禁區,亦接應傳中攻入一球,更參與吾少防守任務,係佢近期表現最好既一場。唯落底傳中質素有待加強。希望呢場既表現可以令佢信心提升。


馬迪爾 (Anthony Martial)--5分:重新返到正中鋒位置,卻有點隱影既跡象,進攻甚少聽到佢個名。唯獨有幾球拉到左右路做突破反而能做到一點文章,可能翼鋒先真係佢最適合既位置。

替補評分
舒拉達連 (Morgan Schneiderlin)--4.5分:入替靴里拉,甚少提到佢個名,吾係好知佢既作用,而佢狀態亦麻麻。

佩雷拉 (Andreas Pereira)--4.5分:入替馬達,希望為前場增加活力,可惜連佢都未太清楚自己係隊内既定位係點,表現有待改善。

比賽日我地會po 直播 link 比大家齊齊睇波, 記得要時刻留意我地既page!
https://www.facebook.com/RoyceMU/
仲會有大量轉會消息,賽後分析/評分,精華,個人精華,曼聯點將錄等,你仲唔快d like?

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→