牛扒仔同你評一評:熱刺 vs 曼聯

Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

6分鐘内連失3球,相信大家都同扒仔一樣難以想像。對方兩閘不斷供應,艾歷臣與拉美拿雙翼齊飛,上半場吾洗失波實屬僥倖;下半場馬素爾既左路突破射門已經係今場唯一具威脅既攻門,失波後更兵敗如山倒,此消彼長下造成今場既大敗。 冇錯,場波對方踢得技高一籌,但曼聯自身戰術有冇問題?扒仔始終對雲高爾換入艾殊利楊格踢正前既決定感到費解,後備席應有更好既選擇,可惜,戰術既野,除左方丈,你同扒仔又點會明呀!

正選陣容 (4-2-3-1):
                           迪基亞
科素文沙     史摩寧      白蘭特     洛荷     
            舒拉達連          卡域克     
       馬達         連加特         馬素爾
                         拉舒福特
入球
熱刺:迪利阿里 70’ 艾達韋列特 74’ 拉美拿 76’


扒仔心目中曼聯最佳球員:迪基亞--6.5分

正選評分
迪基亞 (David De Gea)--6.5分:可以証明到,平安鐘係吾可以由第1分鐘就開始禁,要知道佢再神都係人,上半場已屢救隊友包吾到既傳中與遠射;但隊友一點都吾爭氣,最後下半場雖然失左3球,但依然不乏精彩撲救;總之,要不是迪基亞,失7-8球都有可能。


科素文沙 (Timothy Fosu-Mensah)--6分:呢名小將已經係後防線上踢得最好果個,起碼mark得到對方艾歷臣,對方既威脅全中亦經常包到,只係進攻上傳球需要更冷靜;下半場因傷被達美安入替。


史摩寧 (Chris Smalling)--5.5分:扒仔見到大佬寧其實已經盡晒力,由中路包到邊路,尤其係下半場經常右移幫達美安包波,但亦因此中門大開。


白蘭特 (Daley Blind)--4.5分:經過上場馬斯查蘭奴上身後,終於搵返我地認識既白蘭特,尤其是下半場,自身方寸大亂,被對方話過就過,失第1球時無故收步吾追迪利阿里,隨後再走甩拉美拿失第3球。


洛荷 (Marcos Rojo)--5分:失第2球被對方艾達韋列特頂贏實在可惜,其餘時間釘防對方基爾獲加非常吃力,因此甚少上前助攻,但扒仔覺得佢既岀波可以好高質,只係每次都缺乏隊友接應。

舒拉達連 (Morgan Schneiderlin)--5分:未能有效控制中場,可能係可以控球在腳既時間較少,防守上亦非常吃力,對方迪利阿里因此踢得十分輕鬆。


卡域克 (Michael Carrick)--4.5分:佢既表現比拍擋舒拉達連更差,上腳太少,經常搵吾到合適隊友傳球;下半場開始體力下降,扒仔見到佢開始跟吾上對方速度,失第1球前既中場混戰吾知去左邊,否則起碼清到個波吾使失。

馬達 (Juan Mata)--5分:踢得右翼就要兼顧防守,但上半場拉美拿近門頂斜足以証明佢跟本mark吾到人,亦因此於進攻端上無甚貢獻之餘,連傳球路線都因位置右移而限制左,隨後被迪比入替。


連加特 (Jesse Lingard)--5分:以今場既失敗抹殺佢過去幾場既努力實在有點吾公平,而今場佢都算幾搏命,下半場佢係少有跑得到既前場球員,只係控球時間太少,控得到又荒失失,相信經驗既累積可解決一切。

馬素爾 (Anthony Martial)--5.5分:被對方基爾獲加mark到實一實,經常背身攞波,但仍突破到並完成一次中龍射門,扒仔希望佢之後射術會改善,同埋係對方禁區起腳時減少猶豫。

拉舒福特 (Marcus Rashford)--4分:係前場隱左形,波踢上前場後好難控落黎,身體對抗性亦較差,半場過後被艾殊利楊格入替。


替補評分
艾殊利楊格 (Ashley Young)--4分:半場入替拉舒福特,傷癒復岀突然被安排踢正前鋒有點吾習慣,希望吾係因為“雀屎”效力過左。

達美安 (Metteo Darmian)--4.5分:入替受傷既科素文沙,有點好似未訓醒咁,“嘭嘭嘭”就失左3粒,全都係右邊失,無論如何有一定責任。


迪比 (Mebphis Depay)--5分:入替馬達,有少量既突破,但佢既亮點反而係與基爾獲加既爭執。


經過今輪大敗,曼聯落後同市對手4分,爭前4之路再次變得崎嶇,但此前,曼聯將又一次面對韋斯咸既足總盃既挑戰,咁樣一支曼聯,面對呢對如日中天既對手,扒仔希望曼聯盡快重拾勝軌,努力爭冠。



Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
  • L Lo Pang 於 11/04/2016 評論 NO. 1

    排陣都錯晒,莫講戰術。馬達跟本原全吾岩打邊路,好幾次文沙走靚位做疊瓦,我仲以為費sir式疊瓦番黎,遍遍佢帶番入中路,真係血都嘔埋。前場冇默契,個個都吾配合,只係識帶落死位。

快捷鍵:←
快捷鍵:→