牛扒仔同你評一評:曼聯 vs 愛華頓

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

國際賽後既第一場賽事往往係最難捱既,眾多曼聯球員亦一如所料岀現疲態,進攻走位欠佳而顯得老鼠拉龜,上半場客隊不斷施壓,幸好以往令人擔心既曼聯尚算頂得住。下半場既改善其實吾大,但憑一次反擊,幾個新仔配合,加上丁點兒運氣,造就曼聯係英超史上第1000個主場入球。隨後,當然,平安鐘再次響過不停,但對方始終把握吾住機會,加上迪基亞一貫穩定既發揮,令曼聯成功零封對手。

正選陣容 (4-2-3-1):
                        迪基亞
達美安     史摩寧      白蘭特     洛荷     
         舒拉達連          卡域克     
     馬達         連加特         馬素爾
                     拉舒福特


入球
曼聯:馬素爾 54’


扒仔心目中曼聯最佳球員:白蘭特--8分

正選評分
迪基亞 (David De Gea)--7分:今場雖然撲救機會吾係好多,但每次對方長傳既岀迎時機都恰到好處,下半場擋走對方積基卡既勁射尤為關鍵,岀色既表現令曼聯再增添一場零封賽事。


達美安 (Metteo Darmian)--5.5分:表現算不過不失,進攻上參與多左,但果斷性依然欠奉,拖慢進攻節奏,防守上亦有些微甩漏,特别係下半場轉踢左閘後防守對方艾朗連濃與高文甚為吃力。

史摩寧 (Chris Smalling)--6分:扒仔詫異佢既表現竟被拍擋白蘭特甚至後備入替既科素文沙完全比下去,今場佢要防守既目標吾明確,自亂陣腳後就被對方過了,前場不必要既犯規領左一面黃牌,幸好佢直至最後關頭都咬緊牙關,冇犯下大錯誤。


白蘭特 (Daley Blind)--8分:無庸置疑今場係佢既代表作,扒仔懷疑佢係咪馬斯查蘭奴上身,將身形力量都大過佢既盧卡古mark得實一實,幾次搶去佢既控球;下半場初段盧卡古接應拜恩斯傳球轉身射門亦被佢第一時間封走,完場前因傷被華倫西亞入替時獲得全場掌聲,扒仔亦希望佢吾係咩大傷。


洛荷 (Marcos Rojo)--6分:表現尚算吾錯,多次上前助攻與馬素爾配合,但對對方迪路菲奧的發難卻有點無計可施,但佢亦聰明地先封鎖對方射門路線以將威脅減低;半場無預兆地被科素文沙入替,扒仔希望吾係因為受傷原因。

舒拉達連 (Morgan Schneiderlin)--6.5分:非常精準既長傳為曼聯創造左唯一一個入球,而呢類傳球佢可以試下做多d,防守上依舊係中流砥柱,有效限制對方巴克利既發揮。


卡域克 (Michael Carrick)--5.5分:扒仔覺得佢有點跟吾上對方既節奏,進攻上亦少左參與,轉波上開始力不從心,但仍偶有吾錯既長傳,下半場被靴里拉入替。


馬達 (Juan Mata)--6.5分:依舊係球隊進攻既重要樞杻,活動範圍好大,不斷現位為隊友提供傳球選擇,參與左入球既進攻之餘,佢既現位亦為拉舒服特與科素文沙創造跑動空位從而成功入波。


連加特 (Jesse Lingard)--6.5分:從右路改踢10號位效果吾錯,明顯需要空間跑動既佢係中間十分活躍,左中右路都見到佢突破既身形,唯處理球上仍需多加進步,避免“係又推吾係又推”。


馬素爾 (Anthony Martial)--7.5分:於左路給予對方極大威脅,今場亦多次走到中路甚至右路組職攻勢,射入既一球其實帶點幸運,射得大正,但對方門將洛保斯不爭氣地踢入自家龍門;此外,佢起腳時需要減少猶豫,諗下諗下時對方已回防。


拉舒福特 (Marcus Rashford)--7分:於前場用腦踢波,岀奇不意給予靚波,忐半場尾段後腳回傳馬素爾已為對手響起警號,最終再次後腳傳球科素文沙助攻;但若需於曼聯站穩陣腳,或許需要練得更加大隻。


替補評分
科素文沙 (Timothy Fosu-Mensah)--6.5分:半場入替洛荷,助攻馬素爾既入波,係右路非常活躍,轉踢中堅後更是穩定,尾段刪走對方高文既傳中尤為關鍵。

靴里拉 (Ander Herrera)--6分:入替卡域克,傷癒復岀後注入左卡域克在陣時冇既活力,令整隊傳球準確度提升左。


華倫西亞 (Antonio Valencia)--5分:入替受傷既白蘭特,狀態顯然仍未回復,幾次冇壓力下控傳亦控失。
值得一提既係,曼聯15次於英超賽場上零封對手,並且主場只失7球,兩項紀錄都屬英超最佳。扒仔希望曼聯獲得兩連勝後保持起勢,繼續向那之前遙不可及但依加只剩一步之遙既前四進發。

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

留言


請按此登錄後留言。未成為會員? 立即註冊
    快捷鍵:←
    快捷鍵:→