牛扒仔同你評一評:愛華頓 vs 曼聯

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

大家,覺得呢種感覺久違了嗎?先吾講比分,要知道場面上既爭勝心係扒仔近幾場睇到最強既,場面上既實力同用波能力都高於對手。下半場愛華頓既12碼成為一個小轉捩點,雖然被迪基亞撲到,但已“響起反撲的警號”,終於搏得史摩寧既烏龍波;正當大家以為又要睇多30分鐘既比賽,那種久違既魔性,激情,終於係最後一刻被激發岀黎,一次天衣無縫既配合,令曼聯第一時間殺入最後既決賽。


正選陣容 (4-2-3-1):
                            迪基亞
科素文沙     史摩寧      白蘭特     洛荷
              卡域克            費蘭尼                     
     連加特            朗尼            馬素爾
                         拉舒福特  
入球
愛華頓:史摩寧 (OG)75’
曼聯:費蘭尼 34’ 馬素爾 90’+3


扒仔心目中曼聯最佳球員:馬素爾--9分
正選評分
迪基亞 (David De Gea)--8分:無論前場是否美如畫,後場都一定有迪基亞。上半場首先阻擋對方盧卡古既單刀,下半場更“教材式”撲岀盧卡古既12碼,雖然佢點都估吾到失既一球係失自己友,但整場猶如整隊既定海神針,亦令整隊可以放心進攻。


科素文沙 (Timothy Fosu-Mensah)--5分:吾失佢係咪太緊張,扒仔覺得佢今場有好多失位,對方巴克利經常係曼聯右路發難;下半場就因一次late tackle輸12碼,撲岀後卻又馬上因佢輸罰球;隨後被華倫西亞入替。


史摩寧 (Chris Smalling)--5.5分:今場扒仔覺得佢有點遊魂球場,上半場盧卡古既兩次單刀已為佢響起警號;失既烏龍波雖然係意外,但之後對方既反擊佢好似已經放棄咁,睇黎佢要成為曼聯既隊長仲未夠成熟。


白蘭特 (Daley Blind)--6.5分:佢防守盧卡古真係有一定心得,就算身型不如對方至少都知點樣騷擾對方,下半場尾段對方一次反擊佢既從旁騷擾阻止盧卡古頂正龍門,其餘時間表現亦不過不失。


洛荷 (Marcos Rojo)--6.5分:係大佬史摩寧不在狀態下擔起大旗,對方艾朗連濃踢得頗為辛苦,失既一球好難怪佢,佢只係包入中間阻止盧卡古既1對1;進攻意識依然岀眾,與馬素爾多次配合,唯岀波質素仍有待加強。


卡域克 (Michael Carrick)--6.5分:成為球隊既無名英雄,控制住整場波既進攻節奏,不過扒仔見到佢下半場狀態有下滑跡象,被對手多次打反擊,不過一次性既比賽有位大佬係度指揮始終可以穩住軍心。


費蘭尼 (Marouane Fellaini)--7.5分:睇黎雲高爾已經為佢搵到最佳位置,中場搶截非常到位,甚少犯規,防守定位球幾乎係佢頂晒,34分鐘接應馬素爾倒三角傳中射破舊東家;這種種跡象都同我地講:佢同卡域克吾係炸彈!完場前被靴里拉入替。


連加特 (Jesse Lingard)--6分:佢既跑動能力無庸置疑,但同時亦喪失左好多機會,上半場一次半窩利射去對方門將洛保斯身上,下半場狂攻之時亦多次空晒但搶吾到點,扒仔認為佢仍需加倍努力。


朗尼 (Wayne Rooney)--7分:雖然隊長今仗進攻吾係話太亮眼球,致勝球算係由佢開始發動,但佢既大範圍跑動防守令扒仔頗為敬佩,上半場盧卡古既單刀畀佢門前化解,下半場被對方反擊佢身先士卒跑番後場回防,呢d先係隊長應有既風範,睇黎史摩寧要向佢多多學習啦。


馬素爾 (Anthony Martial)--9分:非常精彩既一次演岀,1入球1助攻,幾乎一個人扛起曼聯既整隊進攻套路,今季兩次面對對方高文都有極大威脅,更何況只係替工既史東斯。佢既絕殺入波更令扒仔諗起佢處子戰對利物浦既一場,只不過係由自行突破變左做兩次撞牆姐。


拉舒福特 (Marcus Rashford)--7分:佢既腳下功夫實而不華,誠實地爭取每一球,吾會因畀對方掂下就跌係度搏犯規;絕殺一球佢引左史東斯岀黎畀馬素爾入楔,足以証明佢既前鋒意識係幾咁強,雖然最後並冇入波,但佢既意識足以証明佢值得曼聯以高薪為佢續約。


替補評分
華倫西亞 (Antonio Valencia)--6.5分:入替科素文沙,穩住右路既防守,與對方左閘拜恩斯1對1時經常佔上風,岀波亦極大威脅。


靴里拉 (Ander Herrera)--N/A:入替費蘭尼,戰術犯規阻止巴克利既反擊,之後訓底助攻馬素爾絕殺;佢係少數雲高爾既正確換人。


其實,如果呢種魔性可以早幾個月黎,我地仲會吾會因前4而爭扎不斷?不過遲到總好過冇到,扒仔覺得如果今季可以以一個冠軍結束球季,無論對雲高爾定曼聯都係一個完美既結束。


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Jenosu
    Jenosu 於 24/04/2016 評論 NO. 1

    你肯定個陣係4-2-3-1而唔係4-1-4-1?

快捷鍵:←
快捷鍵:→