[月夜賽後短評] - 2024/5 英格蘭超級足球聯賽第一場 - 曼聯 vs 富咸 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2024/25 英格蘭超級足球聯賽第一場
曼聯 對 富咸
全場完，曼聯1:0富咸
迎來今季首場英超，曼聯主場迎戰富咸。睇返陣容，夏季轉會窗作出多個收購買賣嘅曼聯，陣容與上季有所不同，先係後防線方面，隨住雲拜沙卡及華拉尼離隊，達洛治穩佔右閘位置，新兵迪歷治及馬斯奧爾加盟，亦令後防線作出不少變動，防線默契最為考驗嘅一環。至於中前場方面，另一新兵舒克斯先列後備，前場放上般奴及曼治插入禁區，中間有卡斯米路及明諾坐陣，左右兩邊有迪亞奴及福仔，算係較為完整嘅陣容。

上半場開段富咸試探曼聯防線進攻，7分鐘右路K角位一腳勁射射出界外，12分鐘於中路帶波推前，以一記遠射攻門被奧拿拿飛身撲出底線，威脅唔算好大。之後曼聯開始還擊，15分鐘一次左路邊線開出罰球，十二碼點有卡斯米路接應頭鎚頂中高出，19分鐘又有般奴跑前插入禁區接應馬天尼斯後場大腳傳前，底線超窄角度射門射中網側。到28分鐘，曼聯迎來第一次黃金機會，曼聯乘富咸後防線傳失，卡斯米路截下交俾禁區內嘅般奴單刀，可惜被門將救到...再來36分鐘迪亞奴開出角球，卡斯米路遠柱頭鎚頂中彈地僅僅高出。曼聯上半場確實有不少機會攻破富咸大門，但把握力一向都係需要改善嘅地方。
下半場開段曼聯開始發力，50至60分鐘期間不斷尋找機會進攻，52分鐘般奴長傳俾福仔突破，再帶波推向小禁區短傳俾曼治起腳但被封出，55分鐘明諾接應曼治較炮勁射，可惜僅僅斜出。其後中段時間富咸出現幾次反擊，包括73分鐘中路長驅直進，交至右路再傳中，馬天尼斯回防成功鏟出底線，76分鐘門前面對住三名曼聯球員封阻，奧拿拿出迎沒收等等。兩隊一直未能打破僵局，比數直至86分鐘才有變動，加拿祖右路傳中後，禁區內有後備入替嘅舒克斯一腳撞入成1比0，協助曼聯領先。補時本來曼聯可以拉開紀錄，福仔單刀選擇交俾右邊嘅加拿祖射空門，但加拿祖撻Q射出界，不過無阻曼聯最終以1比0小勝富咸，成功全取三分最重要。

✍️𝑊𝑟𝑖𝑡𝑒𝑟: #月夜

_#RoyceSports #MUFC #PL #Fulham #曼聯 #英超 #富咸

============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/