Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
⏹️全場小分析
2023/24 英格蘭超級足球聯賽第十場
曼聯 VS 曼城
全場完，曼聯0:3曼城
週中歐聯分組賽，奧拿拿完場前撲出十二碼令曼聯得以繼續歐聯之路。週末卻逃唔過另一劫曼市打吡...賽前預測曼聯面對住攻力強勁嘅曼城，會選擇以防反穩中求勝。睇返今季嘅曼城後防其實偶爾都有失誤，只要曼聯先做好防守再搵機會反擊，形勢絕對唔會係一面倒。正選陣容方面，後防線唔用列古朗，相信坦帥想用連迪洛夫先守住希頓，中場卡斯米路仍未復出，於是安拉拔、麥湯文尼及艾歷臣先作正選，前面依舊靠般福賀三子打反擊。
上半場頭5分鐘曼聯趁曼城未企穩陣腳，中場搶下球權靠幾腳短傳成攻勢，麥湯文尼中路一路帶波推前拗腰起腳可惜無力。隨後對手入局逐漸取得控球權，曼城憑住防中洛迪派牌，以及兩邊盡量利用球場闊度試圖拉散曼聯防線製造威脅，而曼聯中場線變得稍為無所適從。7分鐘洛迪吊傳至右路底線俾獲加二傳，希頓頭鎚攻門被奧拿拿第一時間救到，夏蘭特門前嘗試執雞又被奧拿拿double save拍走，麥佳亞再成功解圍。曼城繼續利用兩邊嘅格利殊及希頓拉空，效果相當唔錯，令般奴及安拉拔經常需要到兩邊與兩閘協防。中段19分鐘奧拿拿撲出格利殊燙射，不過21分鐘對手開出罰球後，禁區內見到洛迪跌低疑似被拉跌，球證翻睇VAR後指賀隆禁區內拉跌洛迪在先，判罰十二碼，由夏蘭特主射入網，曼聯落後至0比1...
但其實該段時間嘅曼聯形勢並非一面倒，麥湯文尼與賀隆前面互相man mark派牌核心洛迪有驚喜，且嘗試先從後場猜傳組織攻勢與曼城對壘，落後一球只能夠講賀隆唔夠經驗。30分鐘輪到曼聯出現黃金機會，賀隆速度夠快帶波推入禁區，可惜身體平衡唔到被艾達臣出迎阻止起腳，福仔補射省高出界。完半場前曼聯想追和返入更衣室，福仔邊線大腳傳至中間，麥湯半月位接應心口一控再射又被艾達臣救出。曼聯把握唔到機會追和，輪到曼城繼續進攻，補時48分鐘對手左路底線傳中，夏蘭特尾柱頭鎚頂得太正被奧拿拿飛身救出，半場曼城取得一球優勢，值得一提係安拉拔被希頓侵犯，向球證投訴後雙雙領黃，而呢張黃牌可謂完全打亂曼聯部署並埋下伏筆。
下半場坦帥見安拉拔有黃在身，於是換入近幾場都無份打正選、狀態必然下滑嘅曼治。開段46分鐘般奴試一腳遠射被艾達臣接實後，形勢慢慢落入曼城腳下。曼聯中場線此時將麥湯拉返後一格防守，般奴及艾歷臣兩邊協防，而曼治定位唔太清晰，似乎放係右翼，但始終無一個純防中在陣，開始守唔住曼城嘅攻勢。48分鐘即刻再失一球至0比2，小施華cut in落底線傳中俾尾柱嘅夏蘭特無人看管下頭鎚攻門破網。之後曼聯無力反擊，相反曼城不斷透過短傳連結及遠射考驗曼聯防線，56分鐘奧拿拿再次撲出格利殊遠射。68分鐘曼聯唯一一次機會由福仔接應大腳傳前，但斜射唔中龍出界又再浪費機會。中尾段時間曼聯陸續換入加拿祖、列古朗、85分鐘換入馬斯亞及安東尼...無奈換人不但改善唔到形勢，反而令人覺得有種越換越差嘅感覺，如是者78分鐘輸至0比3，對手先遠射被奧拿拿撲到，其後傳中俾希頓撞入網...最終曼市打吡曼聯主場輸三球完場，上半場見到仲可以對碰，下半場就完全兩回事...
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
⏹️全場小分析
2023/24 英格蘭超級足球聯賽第十場
曼聯 VS 曼城
全場完，曼聯0:3曼城
週中歐聯分組賽，奧拿拿完場前撲出十二碼令曼聯得以繼續歐聯之路。週末卻逃唔過另一劫曼市打吡...賽前預測曼聯面對住攻力強勁嘅曼城，會選擇以防反穩中求勝。睇返今季嘅曼城後防其實偶爾都有失誤，只要曼聯先做好防守再搵機會反擊，形勢絕對唔會係一面倒。正選陣容方面，後防線唔用列古朗，相信坦帥想用連迪洛夫先守住希頓，中場卡斯米路仍未復出，於是安拉拔、麥湯文尼及艾歷臣先作正選，前面依舊靠般福賀三子打反擊。
上半場頭5分鐘曼聯趁曼城未企穩陣腳，中場搶下球權靠幾腳短傳成攻勢，麥湯文尼中路一路帶波推前拗腰起腳可惜無力。隨後對手入局逐漸取得控球權，曼城憑住防中洛迪派牌，以及兩邊盡量利用球場闊度試圖拉散曼聯防線製造威脅，而曼聯中場線變得稍為無所適從。7分鐘洛迪吊傳至右路底線俾獲加二傳，希頓頭鎚攻門被奧拿拿第一時間救到，夏蘭特門前嘗試執雞又被奧拿拿double save拍走，麥佳亞再成功解圍。曼城繼續利用兩邊嘅格利殊及希頓拉空，效果相當唔錯，令般奴及安拉拔經常需要到兩邊與兩閘協防。中段19分鐘奧拿拿撲出格利殊燙射，不過21分鐘對手開出罰球後，禁區內見到洛迪跌低疑似被拉跌，球證翻睇VAR後指賀隆禁區內拉跌洛迪在先，判罰十二碼，由夏蘭特主射入網，曼聯落後至0比1...
但其實該段時間嘅曼聯形勢並非一面倒，麥湯文尼與賀隆前面互相man mark派牌核心洛迪有驚喜，且嘗試先從後場猜傳組織攻勢與曼城對壘，落後一球只能夠講賀隆唔夠經驗。30分鐘輪到曼聯出現黃金機會，賀隆速度夠快帶波推入禁區，可惜身體平衡唔到被艾達臣出迎阻止起腳，福仔補射省高出界。完半場前曼聯想追和返入更衣室，福仔邊線大腳傳至中間，麥湯半月位接應心口一控再射又被艾達臣救出。曼聯把握唔到機會追和，輪到曼城繼續進攻，補時48分鐘對手左路底線傳中，夏蘭特尾柱頭鎚頂得太正被奧拿拿飛身救出，半場曼城取得一球優勢，值得一提係安拉拔被希頓侵犯，向球證投訴後雙雙領黃，而呢張黃牌可謂完全打亂曼聯部署並埋下伏筆。
下半場坦帥見安拉拔有黃在身，於是換入近幾場都無份打正選、狀態必然下滑嘅曼治。開段46分鐘般奴試一腳遠射被艾達臣接實後，形勢慢慢落入曼城腳下。曼聯中場線此時將麥湯拉返後一格防守，般奴及艾歷臣兩邊協防，而曼治定位唔太清晰，似乎放係右翼，但始終無一個純防中在陣，開始守唔住曼城嘅攻勢。48分鐘即刻再失一球至0比2，小施華cut in落底線傳中俾尾柱嘅夏蘭特無人看管下頭鎚攻門破網。之後曼聯無力反擊，相反曼城不斷透過短傳連結及遠射考驗曼聯防線，56分鐘奧拿拿再次撲出格利殊遠射。68分鐘曼聯唯一一次機會由福仔接應大腳傳前，但斜射唔中龍出界又再浪費機會。中尾段時間曼聯陸續換入加拿祖、列古朗、85分鐘換入馬斯亞及安東尼...無奈換人不但改善唔到形勢，反而令人覺得有種越換越差嘅感覺，如是者78分鐘輸至0比3，對手先遠射被奧拿拿撲到，其後傳中俾希頓撞入網...最終曼市打吡曼聯主場輸三球完場，上半場見到仲可以對碰，下半場就完全兩回事...
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
請按此登錄後留言。未成為會員? 立即註冊