[月夜賽後短評] - 2023/24 英格蘭超級足球聯賽第十九場 - 曼聯 VS 維拉

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2023/24 英格蘭超級足球聯賽第十九場
曼聯 VS 維拉
全場完,曼聯3:2維拉
\' rel=\'noreferrer\' target=\'_blank\'>
&h=460&output=webp&q=80&we&errorredirect=
\' style=\'max-width:680px;max-height:460px;\' alt=\'
\' ref=\'noreferrer\' />
圖片來源:
';">
按此觀看圖片
聖誕快車繼續開動,返到主場迎戰已經多場不敗嘅維拉,似乎又一場硬仗...攻力疲弱嘅曼聯上仗面對韋斯咸慘吞兩蛋,估計今場形勢更為難踢。維拉目前英超排第三並非偶然,艾美利領軍下今季鋒線把握力大爆發,所以考驗曼聯後防線,但曼聯能否於Boxing Day打破入球荒相信更為關鍵...陣容方面,福仔、艾歷臣及華拉尼復出正選,加拿祖嘗試踢右翼,而梳爾及安拉拔因傷缺陣,左閘用達洛治頂替。

曼聯啞火攻唔入一直都為人詬病,但勢估唔到上半場26分鐘先失兩球,連防線都未站穩陣腳...兩球失球都源於死球,第一球先係21分鐘右路邊線開出罰球,奧拿拿無選擇出迎手鎚打出或沒收,反而企係小禁區內,對手罰球直接彈地入網成0比1,留意返維拉死球戰術有啲心思,先放一人於奧拿拿後面試圖干擾,另一人則跑前至近柱,雖然兩人同樣越位,但罰球開出後立即跑走並無參與進攻,成功擾亂曼聯防線,見到奧拿拿不知所措,門前慢一拍落地撲救,結果彈地波直接入網..短短5分鐘後失第二球,對手角球開出後,遠柱有人接應頭鎚二傳至小禁區再撞入網成0比2,再次因為遠柱無人看管而導致失球...

先失兩球嘅曼聯上半場尾段時間先開始發力,漸漸取回控球權,以及開始憑住短傳組織攻勢,中前場球員包括福仔及加拿祖亦有多次射門,30分鐘般奴禁區頂接應吊傳第一腳控得唔好嘗試起腳斜出,31分鐘福仔接應斜傳右腳射門過唔到對方門將,其後加拿祖更於右路推前落底傳中,可惜門前賀隆跑慢一步等等,返入更衣室前曼聯球員未有把握到機會追回一球,但越位次數高達八次有多。

不過下半場雙方形勢倒轉,半場後嘅維拉判若兩隊,無論紀律性及體力都不及上半場,初段維拉已經多次傳失,47分鐘曼聯於左路後場撞傳,般奴與賀隆互相配合下,般奴一腳直傳交俾福仔再斜傳至遠柱,有加拿祖帶波推過門將斜射入網,可惜福仔斜傳時加拿祖越位在先判入球無效...食詐糊唔緊要,58分鐘又係福仔左路傳中,中間賀隆伸腳接應唔到,尾柱加拿祖撞入網,今次真係追返一球至1比2,要讚一讚般奴從後偷到對手球權。

隨後59分鐘對手下半場最有威脅嘅一腳,左路傳中後門前人有人接應撞射彈地波,奧拿拿落地救到,否則被維拉再下一城就真正玩完...70分鐘加拿祖梅開二度,為曼聯追平至2比2,般奴右路橫傳中間,對手轉身解圍唔成功,加拿祖有空位乘勢燙射省中對手改變方向入網。見到艾美利叫維拉球員冷靜之際,尾段曼聯反超前至3比2,先係般奴開出角球後,對手頂到但落入賀隆面前,賀隆十二碼點一腳燙射中柱彈入,對方門將飛身都救唔到,此為賀隆於英超第一球入球,終於破入球荒...最終曼聯Boxing Day主場成功反超前3比2,全取三分完場。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
    快捷鍵:←
    快捷鍵:→