[月夜賽後短評] - 2023/24 英格蘭超級足球聯賽第二十八場 - 曼聯 VS 愛華頓

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2023/24 英格蘭超級足球聯賽第二十八場
曼聯 vs 愛華頓
全場完，曼聯 2:0 愛華頓
連敗兩仗後，英超形勢上曼聯暫時站居第六名，前四希望微乎其微，後有追兵韋斯咸及白禮頓緊貼第七及第八，所以迎戰每一隊中下遊球隊，曼聯必須全取三分先可以有力爭取歐霸資格。今仗迎戰愛華頓，藍軍現時排第十六位，理應勝券在握。正選陣容方面並無太大變化，賀隆仍未復出，般奴放上前鋒位置，其餘位置則一樣。

上半場曼聯防線唔係好穩陣，愛華頓多次起腳射門，幸好對手埋門一腳質素參差，以炒高及射斜出界為主，但依然對曼聯後防線造成不少壓力，相信係今場愛華頓見曼聯連輸兩場後形勢唔穩，選擇積極進攻打算於奧脫福搶分。初段2分鐘左路邊線大腳傳中，門前突然殺出兩名愛華頓球員撞射，奧拿拿出迎沒收。其後9分鐘曼聯殺得十二碼機會，加拿祖接應福仔短傳左路入攝禁區，試圖cup過對手時被對手kick跌，球證立即判罰十二碼，並由般奴操刀射死角入網成1比0。然而愛華頓繼續搶攻，12分鐘一記禁區頂抽射僅僅柱邊出界，18分鐘又一記禁區頂勁射高出，24分鐘係同樣位置再度起腳被奧拿拿雙手救到。曼聯呢邊並非無攻勢，27分鐘般奴主射罰球靚角度，但被對方門將救到，29分鐘麥湯文尼接應般奴短傳落底線傳中，明諾門前試圖接應被對方中堅成功解圍。比數到33分鐘先再有變動，又係加拿祖中路帶波推入禁區，被對手踩跌獲得第二個十二碼機會，今次由福仔主射入網領先至2比0，半場曼聯領先兩球返入更衣室。
下半場開段53分鐘伊雲斯左路後場斜傳俾般奴，再傳俾右路後上嘅加拿祖殺入禁區成半單刀，可惜射高出界，以及58分鐘麥湯中場大腳傳前俾般奴再傳中，加拿祖來遲一步接應撞射出界，除兩次攻勢較有威脅外，其餘時間曼聯開始放慢比賽節奏，而愛華頓方面亦無太大鬥心想追，唯一一次具威脅性嘅攻門來自75分鐘左路大腳傳中，尾柱有人接應頭鎚二傳，近柱又有人一腳傳中，來回之下最後只能門前越過而出，最終曼聯主場成功取得三分完場。

============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?https://www.facebook.com/RoyceMU/