Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
⏹️全場小分析
2023/24 英格蘭超級足球聯賽第三十五場
水晶宮 vs 曼聯
全場完，水晶宮4:0曼聯
英超榜上前四無望，而車路士紐卡素兩隊勢要與曼聯力爭第六位歐霸席位，係最後大直路邊一隊可以突圍而出，依家仍然係未知之數，不過其餘兩隊狀態開始上力，但曼聯則每況愈下，加上出現嚴重嘅中堅荒，近期隊內更宣佈麥佳亞因傷缺陣，中堅無人可選...今仗對陣近勢勢如破竹嘅水晶宮，加上對方主場優勢，賽前預料最樂觀都係各取一分。睇返出場陣容，中堅似乎仍然有傷在身嘅伊雲斯搭配客串嘅卡斯米路，隊長鐵人般奴倒下，由曼治頂替攻中位置，其餘位置則不變。
上半場早段比賽節奏已經落入至水晶宮腳下，係12分鐘更首先被水晶宮攻破大門，對手開出界外球後，卡斯米路中場位置試圖攔截失敗被扭過，對手順勢推入禁區斜射遠柱地波入網先開記錄成0比1。20分鐘對手乘勝追擊，明諾接應回傳時跌倒，水晶宮交至右路再傳中，有人接應撞射省中隊友，卡斯米路立即解圍，頭20分鐘曼聯已經食盡驚風散...26分鐘曼聯好不容易一次角球攻勢，開至遠柱卡斯米路頭鎚頂高二傳，賀隆門前試圖接應但個波直接彈入網，球證指賀隆門前侵犯門將在先判入球無效...尾段40分鐘水晶宮再下一城至0比2，曼聯右路邊線位置幾人撞傳，被對丰截下並直傳，推過伊雲斯後左腳勁射破網，上半場曼聯落後兩球返入更衣室。
下半場曼聯依然無太多機會，係早段52分鐘出現一次詐糊，艾歷臣開出罰球後，前面有卡斯米路接應頭鎚先頂中柱彈出，第一時間再補中入網，旁證舉旗指越位在先，入球再度無效...水晶宮方面攻勢明顯入肉得多，55分鐘禁區頂一次one two交入禁區後，對手睇準起腳，幸好只係射斜出界，再來56分鐘先有左路落底線窄角度勁射，奧拿拿雙手擋下，後有禁區頂遠射被奧拿拿飛身撲出。但久守當然必失，57分鐘右路大腳傳中，門前幾名水晶宮球員上前補中入網，曼聯落後至0比3，士氣盡失。中尾段時間曼聯搵唔到破局方法，反而水晶宮越踢越有，65分鐘卡斯米路與對方球員落到底線爭奪球權，對手搶贏之下一腳回傳較炮，於K角位順勢燙射又再破網，上下半場合計失四球完場...
✍️𝑊𝑟𝑖𝑡𝑒𝑟: #月夜
_
#RoyceSports #MUFC #PL #CPFC #曼聯 #英超 #水晶宮
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
⏹️全場小分析
2023/24 英格蘭超級足球聯賽第三十五場
水晶宮 vs 曼聯
全場完，水晶宮4:0曼聯
英超榜上前四無望，而車路士紐卡素兩隊勢要與曼聯力爭第六位歐霸席位，係最後大直路邊一隊可以突圍而出，依家仍然係未知之數，不過其餘兩隊狀態開始上力，但曼聯則每況愈下，加上出現嚴重嘅中堅荒，近期隊內更宣佈麥佳亞因傷缺陣，中堅無人可選...今仗對陣近勢勢如破竹嘅水晶宮，加上對方主場優勢，賽前預料最樂觀都係各取一分。睇返出場陣容，中堅似乎仍然有傷在身嘅伊雲斯搭配客串嘅卡斯米路，隊長鐵人般奴倒下，由曼治頂替攻中位置，其餘位置則不變。
上半場早段比賽節奏已經落入至水晶宮腳下，係12分鐘更首先被水晶宮攻破大門，對手開出界外球後，卡斯米路中場位置試圖攔截失敗被扭過，對手順勢推入禁區斜射遠柱地波入網先開記錄成0比1。20分鐘對手乘勝追擊，明諾接應回傳時跌倒，水晶宮交至右路再傳中，有人接應撞射省中隊友，卡斯米路立即解圍，頭20分鐘曼聯已經食盡驚風散...26分鐘曼聯好不容易一次角球攻勢，開至遠柱卡斯米路頭鎚頂高二傳，賀隆門前試圖接應但個波直接彈入網，球證指賀隆門前侵犯門將在先判入球無效...尾段40分鐘水晶宮再下一城至0比2，曼聯右路邊線位置幾人撞傳，被對丰截下並直傳，推過伊雲斯後左腳勁射破網，上半場曼聯落後兩球返入更衣室。
下半場曼聯依然無太多機會，係早段52分鐘出現一次詐糊，艾歷臣開出罰球後，前面有卡斯米路接應頭鎚先頂中柱彈出，第一時間再補中入網，旁證舉旗指越位在先，入球再度無效...水晶宮方面攻勢明顯入肉得多，55分鐘禁區頂一次one two交入禁區後，對手睇準起腳，幸好只係射斜出界，再來56分鐘先有左路落底線窄角度勁射，奧拿拿雙手擋下，後有禁區頂遠射被奧拿拿飛身撲出。但久守當然必失，57分鐘右路大腳傳中，門前幾名水晶宮球員上前補中入網，曼聯落後至0比3，士氣盡失。中尾段時間曼聯搵唔到破局方法，反而水晶宮越踢越有，65分鐘卡斯米路與對方球員落到底線爭奪球權，對手搶贏之下一腳回傳較炮，於K角位順勢燙射又再破網，上下半場合計失四球完場...
✍️𝑊𝑟𝑖𝑡𝑒𝑟: #月夜
_
#RoyceSports #MUFC #PL #CPFC #曼聯 #英超 #水晶宮
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
請按此登錄後留言。未成為會員? 立即註冊