[多奇出品] - 7號鬪神 - 卡雲尼

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

喺星期日晚筆者同球迷都欣賞咗一場熱血沸騰嘅大戰,曼聯最後作客以3:1反勝熱刺。雖然今場入波嘅除咗卡雲尼之外,仲有費特同格連活特,而中場普巴同門將甸軒達臣嘅表現亦十分出色,但係最令筆者留下深刻印象嘅都係卡雲尼依位「鬪神」。佢入反先嘅第二球連帶佢嘅慶祝動作簡直令人熱血沸騰同埋卡雲尼上半場食完詐糊之後所展示出嚟嗰種一定要追平嘅決心都感染到睇直播嘅球迷,相信蘇B、班隊友同球迷都希望卡雲尼可以繼續有依種表現同效力多一季,分享佢嘅比賽經驗俾班年青人。
回想起卡雲尼初初加盟曼聯,筆者同球迷都會感到奇怪,點解曼聯要簽依位34歲嘅老將呢?佢從未踢過英超,而且嚟之前又中過肺炎。心諗曼聯會唔會又做咗水魚㗎?點知佢第一件令我覺得意外嘅事係居然話要著件7號波衫?吓!你唔係唔知著依件波衫所背負嘅壓力係幾咁大嘛,仲有之前著過依件衫嘅球星一係就好似碧咸、簡東拿同C朗成為傳奇球員,一係就衰到貼地,俾人鬧到成隻狗咁,好似迪馬利亞、山齊士同迪比。咁卡雲尼你認為自己會係前者定後者?
球季開始時佢只係做後備居多,筆者心諗完全唔出奇,因為做正選前鋒嗰幾個,福仔同馬斯亞有速度,而格連活特就射術了得,睇嚟卡雲尼依位踢開正選嘅前鋒都係無發揮機會喇。不過,去到作客對修感頓嘅比賽,卡雲尼終於展現出嗰種無比嘅鬪心同世界級嘅把握力,再加上佢不斷走位為自己製造空位,然後頂入兩個精彩嘅球搥,協助球隊反勝3:2。球迷應該仲感受到嗰種反勝興奮同熱血感覺。
可惜好景不常,之後佢因為被指喺社交平台發佈種族歧視言論而被罰停賽,再加上佢喺曼徹斯特住得唔開心,表現就無想像中咁穩定。其實佢對熱刺前嘅表現都係有啲反覆,甚至開始有球迷質疑佢狀態同能力,點知佢今場又再次證明自己寶刀未老,尤其球隊依家缺乏前鋒。
最後,雖然卡雲尼喺曼聯際遇唔係咁順,但佢今季已經入咗8球,仲要唔係場場有正選踢。對比起馬斯亞同格連活特,佢嘅表現好似仲更好。當然只係睇卡雲尼入球量就似乎對佢唔公平,因為佢嗰種一落場就搏到盡嘅精神,响前場不斷做迫搶,當對方進攻時就回防助守,當對方有角球同死球時就返嚟頂波,可以話係職員球員嘅榜樣,亦都感染到每一位曼聯球迷嘅心。



如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→