[多奇出品] - 連加特值得成為常規球員嗎?

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


後備入替嘅連加特喺完場前射入世界波,協助球隊反先2:1嘅依一幕,相信好多球迷都記憶猶新。一個喺前一場歐聯比賽犯下嚴重失誤嘅球員,賽後被球迷認為領隊唔應該俾佢落場嘅連加特,可以話俾我哋知自己仲值得留喺曼聯。
連加特值唔值得留低,相信球迷睇法差異好大。認為佢唔值得留低嘅球迷會話只係後備落場入咗兩球唔代表啲乜,表現穩定先至最重要,再加上被外借去韋斯咸之前佢嘅表現真係慘不忍睹,係超出球迷接受範圍以外,無謂再浪費大家時間啦。而覺得佢值得留低嘅球迷會話可以喺短短幾日時間從低處爬番起身,仲可以喺關鍵時刻入波,再加上佢對比其他球員,例如:馬斯亞同普巴。更有鬥心,唔係應該俾更多機會佢咩?
面對住種種批評、嘲諷,連加特曾經都試過沉淪一段長時間,甚至係患咗情緒病。直到佢外借咗俾韋斯咸之後,得到莫耶斯嘅扶助,終於喺韋斯咸得到重生,喺頭10場比賽可以做出9個入球同3次助攻,佢亦都憑著依個表現再次返番去曼聯,希望可以證明佢喺球隊嘅價值。

C朗重返曼聯之後,左、右路側擊就有辛祖、格連活特、馬斯亞、普巴同連加特。究竟連加特可唔可以佔有一個重要嘅位置呢?

要回答依條問題,首先比較一吓佢哋嘅表現:

辛祖:蘇B暫時都俾幾多機會佢,可惜佢仲未完全融入球隊,傳波以駁腳居多,好少有致命傳送撕破對方防線,小組入涉就更加少。如果默契方面需要時間建立,咁可以用多啲個人技術去做突破,可惜喺依方面辛祖表現麻麻,甚至極少有起腳射門嘅機會。
格連活特:佢需要重新定位,因為主要做起腳射門嘅格連活特,C朗落場後就少咗好多射門機會。佢最大殺着就係嗰一針見血嘅射門,同埋左右腳都做得純熟嘅假身,其他技術好似頭搥、斬波、突破越位、小組入涉都只係合格,並唔突出。如果佢要同C朗更合拍,格連活特需要跳出自己個框框。

馬斯亞:佢需要更多出場時間去證明自己存在嘅價值,但佢同普巴、般奴、連加特嘅默契就應該唔錯,喺對紐卡素比賽漏俾連加特嗰球非常完美。不過,佢踢波嘅心態令到球迷都幾反感。
普巴:佢打進攻比防守好好多,但普巴同C朗嘅互動好似唔係太多,反而同般奴就非常夾。當然佢嘅技術就無庸置疑,可惜佢個經理人成日搞風搞雨,再加上普巴打唔到逆境波,所以佢亦都係球隊不穩定因素。

連加特:暫時佢落場機會唔多,主要都係後備落場。但連加特俾筆者嘅感覺係戰意高昂同投入,而且佢同各隊友甚至C朗嘅默契建立得唔錯,除咗走位靈活仲好夠膽起腳,而命中率亦高。可惜就係對年青人嗰腳致命傳送所造成嘅失誤,成為佢嘅污點。

比較完依5位攻擊球員,大家又點睇呢?對蘇B嚟講決定係艱難嘅,因為論身價,無理由唔出辛祖;論實力,無理由唔出普巴;論入球能力,無理由唔出格連活特;論名氣,無理由唔出連美斯(講笑)。無論點都好,筆者點都想睇連加特打正選嘅表現。

如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→