[多奇出品] - 蘇格蘭的麥湯文尼與瑞典的連迪洛夫

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


按著歐國盃分組賽第一輪的表現,我們一起來看看蘇格蘭的麥湯文尼與瑞典的連迪洛夫:
麥湯文尼: 蘇格蘭對捷克
表現:4分(10分為滿分)
依場波蘇格蘭輸0:2,麥湯文尼今場表現比較靜,球場覆蓋面唔夠闊,成場波主動搶截對手嘅次數亦都唔多,佢主要係做啲駁腳同包位嘅工作。到下半場中段,領隊將麥湯文尼調後一格打右中堅位,先至見佢掂波嘅次數增加,參與右路攻勢嘅機會多咗,防守亦都見佢比上半場主動同積極。而當蘇格蘭有角球時,麥湯文尼亦都會主動上前搵機會頭搥出擊,可惜最後都無功而返。
其實依場比賽見到麥湯文尼同隊友有啲格格不入,可能佢喺曼聯裡面,隊友技術水平會高好多,尤其係中場有般奴同普巴依類傳波同控制比賽節奏能力較好嘅拍擋,所以麥湯文尼可以盡情做攔截,搶到個波之後就交俾隊友策劃攻勢。但喺蘇格蘭國家隊隊友技術水平唔算突出,踢法傾向體力化同粗枝大葉,所以麥湯文尼要做一個掌握比較節奏嘅角色做吓駁腳,效果同貢獻都唔算明顯。筆者建議麥湯文尼可以多啲參與攻勢策劃,而唔單單做駁腳同包位工作,因為對比佢嘅隊友,佢技術水平反而係較突出嗰個,無論係傳波同控球都較其他隊友冷靜,所以領隊可以諗諗。


連迪洛夫: 瑞典對西班牙
表現:6分(10分為滿分)
依場比賽打和0:0各得1分,而連迪洛夫被選為最佳球員。筆者認為反而門將功勞更大,因為連迪洛夫嘅防守都有甩漏,尤其係上半場西班牙有球高空波佢係頂漏俾對手攻面,好彩門將及時作出反應擋出。另外,西班牙亦都有黃金機會,莫拉達有球單對單面對龍門可惜射唔入,所以連迪洛夫當選今場最佳,筆者就未必完全贊同。不過,佢嘅表現係比起為喺曼聯比賽時更穩定,無論喺包位、提場、統領整條防線都做得唔錯。
有球迷會問點解佢喺國家隊嘅表現同踢英超爭一個層次呢?原因係對手攻擊風格唔同,筆者曾經寫過一篇有關連迪洛夫嘅文章,認為如果佢喺西班牙聯賽踢比賽會比喺英超發揮得更好,因為連迪洛夫偏向技術型中堅但對抗性不足,喺英超個個進攻球員都追住連迪洛夫爆同頂波,而今場對手西班牙就擅長小組入滲。佢哋雖然都有用高空波,而且仲攞到優勢,可惜埋門用頭頂波嗰吓唔夠角度同爆炸力,唔能夠將攻勢轉化做入球。另外,喺小組入滲方面就俾連迪洛夫為首嘅後防線睇穿,當一個球員,尤其係做領導嗰個踢到有晒信心,整條後防線嘅表現自自然然會高一個層次,再加上佢中堅拍擋嘅速度同硬淨度都比麥佳亞高,所以大家可以互相彌補不足,最後就可以賽和強隊西班牙。
之後我哋再睇下其他曼聯球員於歐國盃嘅表現啦。


如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→