[多奇出品] - 白禮頓對曼聯賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯今場作客三球淨勝白禮頓,我哋不如睇吓曼聯大勝嘅原因:
一、格連活特同雲拜沙卡建立默契。蘇B繼續出格連活特拍住雲拜沙卡打右邊,雖然格連活特上場聯賽相對嚟講表現比較冇咁活躍,但兩個球員夾過一場後慢慢建立默契,而且令到雲拜沙卡嘅助攻更自由更有威脅。般奴第一球射中柱嗰吓嘅發起就係由雲拜沙卡推過一個守衛撕破對方第一道防線,然後傳俾格連活特再傳俾普巴,普巴之後就橫傳俾般奴射門。嗰個攻勢之後,雲拜沙卡就助攻俾格連活特,前者簡單地一球直線穿透對方後防,後者就做咗兩個假身令到對方守衛傾右踏多一步,就俾咗後者有少少空位起佢嘅黃金左腳射入。
二、普巴同般奴志同道合。普巴終於搵到一個喺技術上同閱讀球賽能力方面同佢同級數嘅隊友,普巴頓時覺得終於有人明白佢,就連心理上般奴亦都明白普巴係個點樣嘅球員。普巴雖然攻守兼備,但佢係唔鍾意做防守嘅工作,而且當普巴做第一腳唔順時,佢情緒就會開始唔穩定,從而影響表現,造成失誤。仲有普巴始終係一個大細路,雖然佢有做好球員嘅潛質,但需要有隊友帶起佢,般奴喺球場就可以有依個作用。就好似開賽初段普巴長傳俾般奴但偏離目標,般奴即刻拍手鼓勵。當隊友明白普巴,佢亦都尊重番隊友。般奴入嗰球就係普巴引到兩個守衛睇佢,然後就交俾有空位嘅般奴,般奴亦都不負所托射入。而之前般奴射中柱嗰球普巴亦都交得好靚。普巴其實可以做個人突破,只係佢無咁做。
三、般奴技術全面,心態成熟。般奴技術全面,無論喺射12碼、處理罰球、角球、射門得分、長短傳送,甚至防守逼搶都有一定心得,而且係做得好好。加上佢係一位容易合作嘅球員,所以隊友同佢合作得好舒服。佢可以同山齊士做對比,雖然佢都好波,喺阿仙奴踢得好出色,但佢太高人工,加上初初表現踢得好差,令到隊友唔鍾意佢。開始做得唔好,又唔肯減人工,所以蘇B之後點執佢都冇用。講番第三球就係格連活特嘅傳中係做得好靚,但都要般奴第一時間邊走邊射食正個波先至可以收死龍門。般奴全面嘅得分技術係福仔、馬斯亞同格連活特需要學習調整。

四、防守重心,馬迪、麥佳亞同迪基亞表現出色。馬迪憑經驗同身型去做逼搶、掃蕩、補位同攔截嘅工作。對手嘅攻勢就好似俾馬迪用顯微鏡睇穿咁,令佢大部份時間都可以穩守中路,彌補普巴防守上嘅不足,亦都減輕咗一對中堅嘅壓力,而佢控傳穩定亦都令球隊喺中後場得到優勢。麥佳亞就喺單對單防守做得好堅固,除咗可以阻止到對方嘅攻勢外,亦都可以攞番個控球權,而高空波甚至係每次都頂贏兼交俾隊友。仲有佢捉路亦都捉得好準,瓦解咗對方嘅一啲攻勢。迪基亞今場就有二、三次好快反應嘅撲救,一球就射右邊,另一求就射中雲拜沙卡改變方向,兩球迪基亞個反應都好快,判斷得好精確,對比起熱刺嗰場眼神顯得集中好多。
睇完勝利原因,我哋亦都分析一吓個別球員表現:

連迪路夫:控傳技術無人會懷疑,佢亦都好努力去彌補自己身型嘅不足,多咗去做逼搶,但佢始於仲未適應英超球員衝撞型嘅踢法,嗰種防守嘅觸覺係蕩然無存,成個中後防線為咗幫佢補位而整亂個陣。只要對方前線有個可以自己做突破嘅球員,個後防就好牙煙。
占士:對佢喺下半場換入嚟嘅表現非常失望,尤其打嗰兩吓反擊都係自己射門,但係全冇威脅。佢無論喺傳波、組織同射門都未夠級數,加上佢冇身型優勢,好難做到有威脅嘅助攻。

威廉斯:表現比想像中好,除咗有一吓頭搥攻門,亦都有一球直線俾占士,而防守有球後場單對單亦都過唔到佢。佢勝在後生,技術全面同埋有膽識,只要佢保持身體健康,再吸收多啲經驗,相信前途無限。

最後,其實筆者好希望可以睇到般奴連中三元,但都明白俾佢休息嘅重要性,現在希望嘅係普巴可以取得入球,攞番個球感,咁個進攻線就真係可以再提升一個層次。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→