[多奇出品] - 甸恩軒達臣還是迪基亞?

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯作客對曼城場波無人會否認其中一個打得最好就係甸恩軒達臣,佢協助球隊零封對手之餘,甚至梳爾所入嘅第二球都同佢有關,佢一手擲個波俾梳爾嗰吓真係完美助攻,再加上佢對水晶宮臨完場嗰球力保不失,令球隊不致落敗,究竟甸恩軒達臣係咪因依兩場表現就可以代替迪基亞做正選龍門呢?依個就要比較甸恩軒達臣同迪基亞優點同缺點。
迪基亞嘅優點:
一、有豐富嘅經驗。佢自細就喺西班牙馬德里體育會受訓,而且佢效力曼聯都有10個年頭,再加上佢由西班牙U15打到去U23至到西班牙國家隊,參與過唔少高水平賽事,亦都遇過唔同風格嘅對手,所以經驗係迪基亞所擁有嘅優勢。
二、有天賦嘅才能。佢天生就有奇快反應同埋好容易睇穿對方嘅諗法,所以有啲波旁觀者覺得係必入嘅,佢都可以救到出嚟,再加上佢處理死球能力十分純熟,當後衛搓唔到個波上去,迪基亞嗰時就可以支援佢哋,唔使俾對方咁容易逼甩個波。依樣技術唔係話不斷訓練就可以學到。
迪基亞嘅缺點:

一、身型過於單薄。迪基亞雖然身手好反應靈敏,但身型略嫌單薄,當遇到一啲身材高大而且又撞得嘅前鋒就非常蝕抵,尤其應付高空波方面。仲有一樣係佢太過冷靜,救波往往透過睇穿對手波路去作出反應,有時候龍門仲需要鬥志去解除危機,就好似出迎接波,有氣勢點都可以嚇吓人吖。

二、缺乏領導才能。迪基亞比賽時較少出聲提場,其實打龍門就係最清楚成個環境嘅一位球員,有時提點後衛點都要做吓,尤其當兩個中堅隊友都缺乏領導才能,門將更加要多啲提場,咁可以令到後衛精神集中啲,亦都可以增加士氣。

甸恩軒達臣嘅優點:

一、球風夠硬淨,遇強愈強。由於佢習慣咗英超比賽風格,而且從錫菲聯依啲唔顯眼嘅球隊打起,喺依啲球隊比賽可以容許佢出錯,令到佢可以不斷從錯誤中成長同學習。甸恩軒達臣雖然未必有迪基亞嘅天賦,但從錫菲聯學到嘅硬淨打法同埋唔怕失球,跌落地下爬番起身嘅精神,唔係咁易喺曼聯球員身上學到。
二、擁有帶起後防線嘅能力。甸恩軒達臣有樣優勢就係會提場,指示隊友點樣做防守,再加上佢擁有一股氣勢,唔睇得都可以嚇到吓人,而佢出迎接同接高空波都有一定水準,依點係迪基亞未能夠做到嘅。尤其中堅拍擋連迪洛夫同麥佳亞,前者高空波弱後者缺乏領導能力,有甸恩軒達臣在陣可以彌補佢哋兩個嘅不足。

甸恩軒達臣嘅弱點:

一、國際賽經驗不足。曼聯係一支要求極高嘅球隊,除咗英超同本土杯賽之外,仲有歐洲賽戰線。甸恩軒達臣如果對其他國家聯賽球隊,遇着球風唔同嘅球隊就唔係咁易適應同睇穿對手嘅波路。同埋經驗要慢慢一步步累積,唔係話短時間就可以急速成長。

二、缺乏奬項去證明自己。奬項除咗係一種鼓勵之外,仲可以肯定自己的存在價值。得奬嘅經驗有助於提升喺打四強同決賽嘅穩定性。未得過奬嘅球員往往喺四強或決賽出現發揮唔到實力嘅情況,所以球隊現在有實力可以奪杯但往往喺四強出局就因為奪冠經驗比對手少。甸軒有實力,但需要奪冠去證明自己。

筆者列出佢哋優缺點之後,唔知大家對出邊個門將做正選有無其他諗法呢?個人希望唔好放走甸恩軒達臣,如果唔係曼聯將會後悔,就好似費sir當年放碧基過巴塞咁。

如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→