[多奇出品] - 為何雲迪碧克未能代替般奴費蘭迪斯的位置?

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


般奴自從上季1月尾加盟曼聯至今,喺聯賽已經貢獻17個入球同12次助攻,成為球隊不可或缺嘅中場重心。但係佢體力始終有限,無可能每場都正選上陣,所以球隊需要為佢搵個替補,當時筆者曾經諗過今季新加盟嘅雲迪碧克可唔可以頂替般奴呢?但係睇咗對錫菲聯同列斯聯佢後備落場嘅情況之後,發覺雲迪碧克現階段都好難頂到般奴位置,原因係:
一、雲迪碧克加盟時間不合。雲迪碧克今季加盟時候正正係中場人腳充裕之時,球隊除咗有般奴,仲有普巴、馬達都係可以組織到攻勢。而佢唔同般奴上季加盟時候唔同,因為當時真係急需攻中救亡,而且陣中只係有佩利亞、連加特等未可以擔當到重任球員,普巴要養傷,馬達嗰時又唔受重用,所以般奴果刻真係有好多機會俾佢發揮,同埋佢又起到即食效果,幫球隊攞聯賽第三位,得到歐聯資格。但依家雲迪碧克真真正正打到正選機會好少,攪到佢無咩機會可以從實戰經驗中同隊友練習默契同埋提升比賽狀態。
二、般奴踢波風格實在太易夾。筆者認為雲迪碧克依刻代替唔到般奴並唔係話邊個差過邊個,其實踢波尤其係中場每個球員都有唔同風格,亦都有優點有缺點,最重要係可以大家夾得到,發揮出隊友之間嘅實力之餘,亦都可以減低自己犯錯所帶嚟嘅影響。你話般奴完全無犯錯咩?又唔係喎,佢都試過中場交失波或俾對手偷到個波打反擊,但佢有樣嘢唔係個個球員都做到,就係當般奴犯錯之後,隊友會甘心情願地幫佢補鑊,而唔係埋怨佢。依個就係靠般奴啱啱加盟曼聯已經同隊友尤其係普巴打好關係,再加上佢實力同埋喺短時間之內為曼聯建奇功,而佢又識得為隊友着想,(例如:讓十二碼俾福仔射。)做錯決定時又識得主動道歉,般奴係做咗好多準備功夫。依個唔係佢加盟曼聯後開始做,而係佢喺效力過嘅球會當中都係對隊友咁做,而且已經成為咗一種習慣。所以雲迪碧克想同隊友建立另外一套合作方程式係唔容易,唔係因為佢技術唔夠好同埋性格唔夠隨和,亦都唔係佢唔夠努力,而係因為隊友唔覺得有咁嘅需要。
三、隊友平均足球智商唔高。講真雲迪碧克係咪喺球隊完全無作用呢?咁又唔係,但佢要同一啲球商比較高同有耐性嘅隊友合作先發揮到威力,例如:馬達、般奴同馬迪。雲迪碧克踢法唔同般奴,般奴踢波比較大路,而且要就住班大帝,(我指福仔、馬斯亞同格連活特),例如:佢哋接應唔到高波。般奴做決定要盡量俾佢哋察覺到之餘,又要唔俾對手知道,所以般奴係踢得好辛苦,就好似要喺球場上揍住班小朋友咁。但雲迪碧克需要互相配合,互相配合係要短時間之內知道大家球路,依啲係更深一層次嘅技巧,同埋佢仲係後生,要馬達同般奴先至可以配合到,但如果要叫福仔、馬斯亞同格連活特做就未必可以做到。

仲有之前講過般奴已經為隊友建立成功模式(般奴做領導,其他攻擊球員就配合)而佢哋亦都非常享受依種模式,因為佢可以帶嚟勝利,所以就根本無意欲或未有能力去建立另一套進攻模式,所以球隊其實好危險,咁亦都係蘇B繼續用普巴嘅原因,因為普巴可以為進攻帶嚟變化,而佢亦都係其中一個同般奴較有默契嘅球員。當然馬達都可以,但筆者認為佢最適合打輔鋒,而唔係右翼。
記得當雲迪碧克加盟曼聯時,雲達沙寫咗封書,要球迷好好照顧佢,雖然依刻佢未有發揮嘅空間,但佢對比賽嘅投入,會令到球迷繼續支持佢。


如果大家仍然未申請或想申請NowTV黎睇波,呢條連結有月費低至HK$248.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→