[多奇出品] - 淺談曼聯中堅的問題

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯雖然今季於英超目前攻入50球,但失球亦有31球,對比曼城失多17球。如果球隊要爭標,依個失球數字就真係未必接受到,咁究竟個問題喺邊度呢?筆者有以下嘅睇法:
一、缺乏危機處理的臨場應變。一對中堅組合連迪洛夫同麥佳亞擁有一定嘅經驗同技術,而且包波意識亦唔算差,但總係唔知點解佢哋好似無咩化學作用。原因就係佢哋當面對威脅時,同時倚賴中堅拍擋去幫助面對處理危機。筆者有個例子就係當球隊俾對方射破龍門後,麥佳亞同連迪洛夫就第一時間舉手望旁証睇吓有無越位在先。如果係一次半次都話可以接受,但佢哋係習慣倚賴旁証,可想而知佢哋對危機處理有啲恐懼。咁解決方法就係搵拜利去頂替連迪洛夫同麥佳亞是但一個,始終拜利面對對手挑戰時嗰種頑強抵抗能力係出色,球迷見到當對方想扭入禁區或射門時,佢係會主動出嚟殺波,但可惜拜利成日受傷。而杜安沙比嘅潛質係無庸置疑,可惜欠缺經驗同一夫當關嘅能力。
二、後防教練水平未達奪冠標準。眾所周知教練團主要有蘇B、卡域克同新入嚟嘅費查,佢哋性格都偏向冷靜、沉着,屬於智慧型球員,而且佢哋係打前鋒同中場,無踢後防經驗。主領隊無感同身受嘅經歷點樣可以俾到個發展方向中堅呢?再加上蘇b喺比賽嘅時候又唔多提場,但踢後衛最重要就係互相提點,依個同打中場前鋒係有啲唔同。除此之外,通常出色嘅防守球員拼勁係其中一個重要元素,但蘇B同卡域克都唔係嗰類型,當然唔係話佢哋唔出色,但冷靜同拼勁係需要平衡。

三、性格隨和成為失球嘅致命傷。喺英超做中堅身型固然重要,但經驗同鬥志可以彌補身型嘅不足。例如:拜利其實身型唔算話好有優勢,但佢表現都算出色,因為佢性格係勇於面對挑戰,唔怕對手正面衝擊。可惜連迪洛夫同麥佳亞實在太善良,如果喺英超想做頂級後衛需要有剛強嘅一面,就算係曼聯名宿里奧費迪南睇佢打波好似好柔,以技巧最勝,但私底下佢係打摔角,佢嗰種頑強嘅性格可以從同前鋒埋身肉搏中見到。所以點解球隊後防俾對手一衝就散,就係因為麥佳亞同連迪洛夫性格唔夠堅強。
當然,如果要講問題可以仲有好多,但筆者唔太深入探討。不過,個人認為每個人總會有不滿嘅情緒,而批評係舒發情緒嘅其中一種方法。其實,諗深一層打沉一個人係好容易,但係對球隊整體而言係無好處,因為現在中堅選擇唔多,所以依家可以做就算出唔到口去鼓勵,亦都唔好批評得太盡,始終球員都係人。


如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→