[多奇出品] - 沒有普巴的曼聯 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


普巴曾經係曼聯重建嘅重要棋子，當年摩連奴以8,930萬英鎊從祖雲達斯帶佢番曼聯，重返首年就協助球隊攞到聯賽盃同歐霸盃冠軍，同時亦帶俾球迷復興球會嘅希望。可惜之後同領隊摩連奴鬧翻，最主要嘅原因係領隊覺得普巴比賽態度欠佳，而最後要走嘅係……摩連奴。普巴之後同蘇B、蘭歷克合作，但係佢俾大家嘅感覺總係浮浮沉沉，喺蘇B帶領下試過由防中改踢左中場，而且喺嗰季射入13球9助攻。可惜到2019至2022年3季出賽62場入5球15個助攻。

普巴雖然在球場上嘅表現唔算出色，但在球場外總係球迷嘅焦點。先係普巴最注重嘅髪型，幾乎每場嘅頭髪顏色都唔一樣，有部份球迷會埋怨佢花時間同心機去整頭髪仲多過在球場上嘅表現。另外，普巴最佳位置亦都係一個談論點，究竟係放佢踢防中定係左中場呢？仲有普巴狀態嘅不穩亦都係球迷茶餘飯後嘅談論點。踢得好可以2分鐘內連入兩球反勝曼城3比2，踢得差嘅可以後備上陣對利物浦僅僅15分鐘就攞紅牌出場。最後，最精彩嘅當然講到普巴人工啦，29萬英鎊周薪，如果想同佢續約就要將人工加到40萬英鎊。到今季曼聯終於俾普巴自由身轉會，而球隊改簽自由身嘅艾歷臣（周薪24萬鎊），仲有就係卡斯米路，大約6,000萬鎊轉會費（周薪35萬鎊）。卡斯米路就唔洗多講，穩佔防中一個席位，無論傳波、控球、遠射都有水準，防守搶截、應付高波亦都係有目共睹。另一方面，今季加盟嘅艾歷臣從傳波上睇出佢充滿足球智慧，又肯主動同隊友做配合，佢甚至可以分擔般奴嘅工作，最重要係艾歷臣雖然跑得唔快，但起碼佢係返嚟防守同追波。兩位都會遵從領隊嘅指示。而喺球場之外，艾歷臣同卡斯米路總係會鼓勵身邊嘅隊友。到依家可能都會有人談論係普巴踢得唔好定受球會嘅影響先至踢得唔好，筆者只係知道今季有艾歷臣同卡斯米路之後，少咗很多場邊新聞。而佢哋嘅來投帶俾隊友經驗、團結、活力同正面態度，希望佢哋所帶嚟嘅對費特同麥湯文尼或者其他隊友都有正面嘅影響。

============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/