[多奇出品] - 水晶宮對曼聯賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯今場波可以話驚險地以2:0贏咗水晶宮。其實水晶宮打得唔差,但我哋點解都可以擊敗對手,依家就睇吓個原因:
一、福仔把握僅有機會,响補時階段開紀錄。其實曼聯上半場發揮唔算突出,亦都唔算佔有好大嘅優勢。比較明顯嘅攻門都係嚟自般奴開出嘅角球,麥佳亞頭搥攻門。仲有就係科素文沙出波俾雲拜沙卡射門,可惜省中對方後衛。格連活特亦都有一球由馬斯亞突破之後橫傳,可惜射唔中龍門。好彩補時階段就有般奴同馬斯亞互傳,然後般奴傳翻俾福仔,福仔一帶一級擺脫雲安荷治射入龍門。依球令到上半場表現較好嘅水晶宮反而要落後。

二、福仔、馬斯亞、般奴下半場多次小組滲入,製造威脅。下半場尤其馬迪被換入嚟之後,中場嘅串連做得暢順咗,始終普巴同馬迪喺過去6場比賽夾慣夾熟。普巴得到解放,般奴自然多波掂。曼聯入第二球之前就係由馬迪做發動交俾馬斯亞再俾般奴,佢然後交俾走喺左邊嘅福仔,福仔出翻個波俾佢可惜射中柱。而之後入嗰球就係挨左嘅般奴做個隱蔽式傳送俾福仔,然後福仔再傳俾入滲嘅馬斯亞射入。比數拉開咗,曼聯就易踢好多。
三、迪基亞防守夠集中,力保不失。由開賽後一分鐘沙夏喺禁區內射門到之後有佐敦艾休嘅遠射,上半場完場前米利奴耶域嘅一個直飛左上角嘅罰球都被迪基亞一一瓦解。下半場雖然有佐敦艾休嘅近門剷入,好彩翻睇VAR判唔入,最後沙夏仲有一個半單刀,都被佢救出。迪基亞今場保持高度集中,對方球員每次起腳佢都能夠察覺得到,而且可以迅速作出反應,所以曼聯今場贏波佢應記一功。
四、科素文沙、麥湯文尼同連加特等輪換球員表現稱職。雖然復賽後佢哋出場次數唔多,但今日佢哋打正選表現算係稱職(連加特60分鐘入替)。當然佢哋算唔上踢得好出眾,但佢哋嘅表現尤其係防守已經做到球迷要求。至少佢哋好少喺自己半場交失波,科素文沙企位少失位,傳波亦都穩陣。麥湯文尼尤其係喺上半場飲水時間後,狀態慢慢恢復,無論喺攔截、遮位、迫搶都做得唔錯。而連加特喺下半場協防、迫搶、不斷嘅跑動幫到球隊嘅防守,而佢間中亦都做吓駁腳等球隊進攻時有多一個傳波選擇。
曼聯最後有驚無險咁贏波,球迷應該都收貨,最緊要係唔好再有傷兵。嚟緊仲有多場硬仗,希望球隊繼續努力。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→