Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
依兩個星期開始有國際比賽，而筆者留意到41歲瑞典前鋒伊巴謙莫域都有入選國家隊，令自己回想番佢曾經效力曼聯嘅日子。
伊巴謙莫域喺2016至2017年球季由領隊摩連奴帶領入曼聯，當時筆者好少睇佢之前嘅比賽，只係聽到佢力量同技術兼備，係一位多入球嘅射手。然後我心諗佢係咪真係咁勁？英超聯賽唔同其他聯賽，啲後衛身材都唔差，而且佢哋踢得都好體力化，所以伊巴係咪咁容易喺英超聯立足呢？不過，當我睇到佢喺球場上嘅表現同把握力，慢慢就成為佢嘅擁躉。佢喺前線唔需要周圍走，反而佢會企定定，等隊友想傳波或者需要幫波，佢就突然走出或走入去接應皮球。伊巴最擅長就係迎接高波力壓守衛頭搥破網，例如：曼聯對李斯特城嘅社區盾比賽，伊巴力壓守衛頂入奠定勝局嘅1球。仲有佢嘅遠射又準又勁，對門將嚟講構成好大嘅威脅，例如：曼聯作客對般尼茅夫嘅比賽，伊巴就有1球離門30碼遠射死角入網。另外，12碼當然難唔到佢，佢喺主場對修咸頓射入加盟球隊嘅第一個12碼，再加上接應朗尼嘅傳中球頂入，伊巴喺第二場聯賽就梅開二度。伊巴除咗把握力強，身材質素好之外，佢嘅傳球助攻亦都非常出色。例如：球隊喺聯賽盃對曼城就係靠佢橫傳俾馬達射入，最後球隊以1:0淘汰曼城。伊巴雖然喺2016至2017年球季未能帶領曼聯攞到聯賽冠軍，但佢喺攞社區盾、聯賽盃同歐霸盃都有好大嘅貢獻。佢喺社區盾入咗領前2:1嘅1球，而聯賽盃佢更梅開二度，令到被追和2:2嘅曼聯再度領前3:2，最後仲贏埋場比賽。喺歐霸32強主場對聖伊天，伊巴首次連中三元，幫助球隊輕鬆晉級。
伊巴直到2017年4月9日已經為球隊入咗28球咁多，但正當球迷、隊友同領隊替佢感到開心嘅時候，伊巴喺主場對安德烈治嘅比賽，整傷咗膝頭，而且傷勢非常嚴重，令到嗰季餘下聯賽都要報銷。球隊為咗顧念伊巴付出嘅貢獻，仍然希望同佢續約，令佢可以領薪養傷，但結果伊巴拒絕咗，只係希望可以運用球隊嘅訓練設施作恢復用途。最後，伊巴嘅情況真係可惜，喺佢狀態正處於巔峰嘅時候受重傷，不過，無論點都好，感謝伊巴為球隊作出貢獻。依家球隊正正缺乏9號位嘅球員，球迷會唔會好似筆者一樣掛住佢呢？
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
依兩個星期開始有國際比賽，而筆者留意到41歲瑞典前鋒伊巴謙莫域都有入選國家隊，令自己回想番佢曾經效力曼聯嘅日子。
伊巴謙莫域喺2016至2017年球季由領隊摩連奴帶領入曼聯，當時筆者好少睇佢之前嘅比賽，只係聽到佢力量同技術兼備，係一位多入球嘅射手。然後我心諗佢係咪真係咁勁？英超聯賽唔同其他聯賽，啲後衛身材都唔差，而且佢哋踢得都好體力化，所以伊巴係咪咁容易喺英超聯立足呢？不過，當我睇到佢喺球場上嘅表現同把握力，慢慢就成為佢嘅擁躉。佢喺前線唔需要周圍走，反而佢會企定定，等隊友想傳波或者需要幫波，佢就突然走出或走入去接應皮球。伊巴最擅長就係迎接高波力壓守衛頭搥破網，例如：曼聯對李斯特城嘅社區盾比賽，伊巴力壓守衛頂入奠定勝局嘅1球。仲有佢嘅遠射又準又勁，對門將嚟講構成好大嘅威脅，例如：曼聯作客對般尼茅夫嘅比賽，伊巴就有1球離門30碼遠射死角入網。另外，12碼當然難唔到佢，佢喺主場對修咸頓射入加盟球隊嘅第一個12碼，再加上接應朗尼嘅傳中球頂入，伊巴喺第二場聯賽就梅開二度。伊巴除咗把握力強，身材質素好之外，佢嘅傳球助攻亦都非常出色。例如：球隊喺聯賽盃對曼城就係靠佢橫傳俾馬達射入，最後球隊以1:0淘汰曼城。伊巴雖然喺2016至2017年球季未能帶領曼聯攞到聯賽冠軍，但佢喺攞社區盾、聯賽盃同歐霸盃都有好大嘅貢獻。佢喺社區盾入咗領前2:1嘅1球，而聯賽盃佢更梅開二度，令到被追和2:2嘅曼聯再度領前3:2，最後仲贏埋場比賽。喺歐霸32強主場對聖伊天，伊巴首次連中三元，幫助球隊輕鬆晉級。
伊巴直到2017年4月9日已經為球隊入咗28球咁多，但正當球迷、隊友同領隊替佢感到開心嘅時候，伊巴喺主場對安德烈治嘅比賽，整傷咗膝頭，而且傷勢非常嚴重，令到嗰季餘下聯賽都要報銷。球隊為咗顧念伊巴付出嘅貢獻，仍然希望同佢續約，令佢可以領薪養傷，但結果伊巴拒絕咗，只係希望可以運用球隊嘅訓練設施作恢復用途。最後，伊巴嘅情況真係可惜，喺佢狀態正處於巔峰嘅時候受重傷，不過，無論點都好，感謝伊巴為球隊作出貢獻。依家球隊正正缺乏9號位嘅球員，球迷會唔會好似筆者一樣掛住佢呢？
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
請按此登錄後留言。未成為會員? 立即註冊