[多奇出品] - 曼聯對韋斯咸賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯今場以1:1迫和韋斯咸,其實以球隊嘅表現,能夠攞到1分算係好彩。我哋不如睇吓球隊只能迫和對手嘅原因:
一、邊路攻防未能發揮正常水準。今仗左閘有威廉斯右閘就用科素文沙。開波初段曼聯仲有啲攻勢,中場般奴傳波俾走右路嘅馬斯亞然後射門,俾龍門法比安斯基撲出。之後般奴地波傳俾格連活特快射,又係俾龍門沒收。由於球隊喺中路嘅攻勢受制於韋斯咸密集防守,邊路嘅進攻顯得極為重要,可惜兩閘威廉斯、科素文沙同福仔、格連活特完全未建立默契,兩邊極少做叠瓦式嘅走位去拉空對方守衛,而高空波又唔係馬仔同福仔擅長嘅進攻模式,所以球隊進攻顯得有心冇力。防守方面,科素文沙要守住狀態大勇嘅安東尼奧,對方狀態好過科素文沙,帶俾曼聯右路有好大嘅威脅,普巴輸12碼之前個罰球就係科素文尼犯規先。而威廉斯嗰邊就有保雲,多次造成單對單嘅局面,威廉斯好明顯守唔住佢。佢哋由於之前出場次數少,無論喺速度、身位同反應同對手比較都差,狀態亦都不足。
二、普巴輸致命12碼。普巴輸12碼之前,對手喺左路出波,連迪洛夫當時企喺度等波解圍,但俾安東尼奧衝門撞射唔夠力,俾迪基亞接實,嗰時已經響起警號。之後就輸咗球罰球,迪勤懷斯喺禁區頂勁射罰球,普巴用手擋住個波輸12碼。嗰球輸咗真係好傷,因為已經進入上半場補時,而且曼聯當時全無優勢可言。
三、攻守重心般奴同馬迪極度疲倦,影響發揮。般奴、馬迪喺今場比賽疲態盡現,始終佢哋由復賽至今馬迪幾乎場場都打足,般奴就更加唔使講,仲要星期日先打完足總盃。般奴喺上下半場初段仲可以保持到狀態,做到一啲小組。例如:下半場般奴傳俾邊路雲拜沙卡,然後出波俾馬斯亞省中人。但之後明顯地傳球準成度比復賽初時幾場有偏差,好容易交失波同俾人截到。而佢嘅回防補位嘅速度亦都慢咗好多,跟唔上對手盤球速度。馬迪就由於防守上要幫威廉斯同普巴補位,再加上佢需要做駁腳嘅工作,令到佢轉數跌得好快,體力消耗亦都好大。佢亦不知不覺地多咗犯規嚟停止對方嘅攻勢,缺乏之前一夫當關嘅氣勢。
除咗以上不利因素外,另外仲有一啲原因令球隊保住和局。

一、麥佳亞、連迪洛夫同迪基亞奮力防守。今仗雖然兩閘防守上有好多漏洞,但兩位中堅連迪洛夫、麥佳亞同門將迪基亞都搏盡去奮力防守。佢哋其實對上一場比賽都係打足,今場亦都一樣。連迪洛夫努力喺邊路補位,喺禁區攔截解圍。麥佳亞利用佢高空優勢,幫球隊重奪控球權,而且喺中路包抄咗幾球。迪基亞除咗輸嗰球12碼,其他都做稱職。例如:對手有兩球喺邊路出波,迪基亞都有主動出迎接實,仲有佢亦都擋出對手禁區內射門,令球隊不致於再失波。
二、格連活特把握僅有機會攻破法比安斯基大門。曼聯全場真正有威脅嘅攻門寥寥可數,好彩格連活特藉住一次由般奴發動嘅小組滲入,格連活特同馬斯亞再做幾吓互傳,製造到小小空間俾格連活特用左腳一控之後快腳一射入網。就係依個入球追平韋斯咸,得到寶貴嘅1分。
三、韋斯咸目標只係攞1分,放生咗曼聯。韋斯咸今場只要攞到1分就肯定護級成功,其實以對方嘅表現,如果佢哋盡全力去踢嘅話曼聯都咪話唔驚。始終球隊今場兩閘防守暴露咗好大嘅弱點,而且進攻上又組織唔到太大威脅嘅機會,仲有中場成日喺無壓力底下失去控球權,嗰時個形勢真係好危險。

最後球隊唔可以贏波固然失望,但筆者亦明白球員已經盡晒力去攞寶貴嘅1分,依家就望喺最後一場聯賽,在無後顧之憂底下球員可以盡力踢埋場比賽。



============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→