[多奇出品] - 曼聯對諾域治賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


久違了的勝利,曼聯以4:0大勝諾域治,我哋就睇吓佢哋嘅表現先:
攻擊線:佩利亞响比賽頭嗰20分鐘都有展現自己腳法,一級一扣,對自己嘅技術都有一定信心,之後都係主要做啲駁腳居多。仲有佢都同馬達做到幾吓叠瓦式走位。另外,當控球權响對方度時,佢都好勤力去做逼搶,見佢踢波好有一團火。

馬斯亞:成場比賽受制於對方後衛緊逼,起腳機會唔多。不過,當佢攞到個波都會嘗試單對單挑戰對方後衛。而下半場嗰球入球出自本能反應,因為嗰球實在斬得太靚,令平時少用頭搥嘅佢都不自覺地跳起,然後銅頭一搖。
福仔:整場比賽都十分搶鏡,入波之前有兩吓過人做得唔錯,一吓朗拿甸奴式擺動,一吓就施丹式轉身,嗰兩腳嘅隱蔽性做得好好,可惜過咗對方之後連接唔到射門嘅動作。然後,射入第一球,同馬達嘅配合做得好好,我諗福仔得一次做依類型搶點攻門。原來只要係有人交到靚波,福仔係識得搶點。第二球入球係12碼,佢嘅射門動作夠一氣呵成,射門力度強,所以對方龍門撲到都入。

格連活特:雖然落場唔係好耐,不過都有一個入球。嗰球最可怕唔係射波嗰吓,而係佢連續兩腳嘅擺駄對方後衛都察覺唔到,到俾佢射波嗰刻作反應就已經太遲,加上佢仲要射死角,龍門更加難接。

馬達:今場交出兩個助攻,兩個助攻都係响右邊左腳出波,無論角度同力水都恰到好處,令福仔同馬斯亞以最舒服狀態下去接應來球。傳波最重要一點就係以接應者角度去預傳球落點同力度,使到接應者可以從容地攞到個波,佢依點做得好熟練。仲有佢除咗可以傳地波之後,亦都可以傳過頭波,一時做小組滲入,一時放長波,令到對方後防線無所適從。仲有佢係一個一邊面對敵人壓迫,一邊諗好多進攻套路嘅攻擊球員,前面攻唔入可以橫傳或者走叠瓦去制造空位,總之個波响佢腳下,只要隊友肯走位佢就會有好多進攻嘅諗法。
總括嚟講,整個攻擊線初時運行得唔順,原因係馬達少同班後生仔夾,默契尚未建立到。加上諾域治打密集,後防塞滿晒球員,令曼聯球員好難攻到入去。直到馬達以過頭波俾福仔,依個進攻模式我相信對手係預料唔到,因為之前係未試過。加上威廉斯搏到球12碼拉開比數,成場比賽就穩陣。馬達嘅傳球同組織能力令曼聯進攻變得多元化,而且仲帶動到其他球員嘅走位意識,依個我相信對方係意料唔到。

中場線:費特比賽初時好似仲未熱夠身,有甩腳同交失波嘅情況出現,但之後就慢慢穩定落嚟。响防守上,費特非常勤力,無論補位、攔截做得十分出色,而且跑動多同快,中後場幾乎度度都見到佢身影。响攻擊方面,見到佢做駁腳轉變方向亦都快同滲透性高。如果佢能夠改善遠射能力就更好。
馬迪:專心做防務工作,平時踢開位置嘅佢,今場跑動都多,而且做壓迫做得好快同以身體抗衡性去逼甩對方球員腳下球,防高空波亦都幫到好大忙。响進攻方面,主要做一啲駁腳嘅工作,將皮球安全、簡單地傳送俾佩利亞同馬達佢哋。

總括嚟講,中場線嘅防守上响馬迪靠經驗去企適當嘅位置,而費特就以跑動去截擊對手,攔截地波嘅傳送對於佢係有把握。當然今場馬迪跑動都多,高波有馬迪分擔麥佳亞工作,對住啲對抗性強嘅攻擊球員又唔輸蝕,所以對住技術同速度相對唔高,但有身型嘅球員會容易應付,換句話依家呢對中場對中下游球隊較穩陣。進攻上可以睇到馬迪放多咗波俾費特去發板,即係馬迪明白費特傳送比較有侵略性同開始信任佢,默契慢慢建立出嚟。

後防線:連迪洛夫同麥佳亞嘅攔截比之前主動咗同埋成功率都好高,可能對方攻擊球員威脅唔大。應付對方高空波都無大問題。兩閘雲拜沙卡同威廉斯防守上除咗上半場領先一球時被對方攻過一陣子,其他時間均表現輕鬆。佢哋攔截快同準,連角球都未輸過。助攻上威廉斯較進取同埋有扭過對手嘅能力,响依方面雲拜沙卡就較弱。仲有要講威廉斯有球近門射高,如果入埋佢嘅表現就非常好。
龍門迪基亞:上半場球撲救好關鍵,而且難度好高射死角,其餘時間表現得好專注。
最後,馬達證明佢應該有更多正選機會,尤其今場波佢可以帶動班年青球員跑動更多,夠擔做多啲嘗試,而佢哋亦都可以透過同馬達合作,學習多變嘅傳球技巧。當然提供多啲具質素嘅傳送俾前鋒就更重要。另外,馬迪嘅上陣亦都係及時雨,尤其對球隊穩定性有積極作用,往後對中下游球隊攞分亦都有更高把握。雖然今場對手係榜尾,最重要攞咗3分先,同提升士氣,再去迎戰嚟緊嘅強敵。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→