[多奇出品] - 曼聯大勝背後的隱憂 - 分析雲迪碧克的危與機

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯今場能夠以9:0大勝得九人應戰嘅修咸頓,筆者諗無邊個球員或球迷會唔開心,但大勝背後相信有位球員會覺得自己同隊友係格格不入,嗰個就係雲迪碧克。原因係睇番進攻數據,佢踢咗45分鐘係得0射門、0助攻、0製造機會、1次喺禁區內觸球同埋16次傳送,喺一場比賽有75%控球率同24次射門嘅優勢下,對心態積極、有技術、有閱讀球賽能力嘅球員嚟講又好似唔係咁合理,究竟問題出喺邊度呢?
一、聯賽賽期頻密,令新球員尤其中場難有時間空間去夾隊友。今個賽季一周兩比賽已經成為習慣,踢完一場比賽冇幾耐就要預備下場比賽,根本就唔夠時間空間作細節討論同實踐所學習到嘅嘢,更何況係要接受新思維同戰術。

二、中場有人滿之患,未必有空間去容納雲迪碧克。球隊中場有般奴、馬迪、麥湯文尼、費特、普巴,而且個個都加盟超過一年。佢哋一早已經建立默契,再加上每位球員都有唔同專長,例如:般奴進攻有創造力同有侵略性、普巴就攻守兼備、馬迪有豐富比賽經驗、麥湯文尼就夠勤力同身體質素高,而費特就擁有無盡體力。咁雲迪碧克喺中場線上又有咩特點呢?喺依刻真係未見到。
三、球隊今季目標鮮明、誓要重奪聯賽冠軍。蘇B同球員為咗重拾費sir年代嘅光輝歷史而不斷努力,再加上英超球隊間競爭異常激烈,所以球隊每場比賽都唔可以有任何閃失。蘇B試過因為想俾主力球員休息而作出輪換,結果就輸咗俾榜尾嘅錫菲聯,所以估計佢經過今次經驗,都唔會咁輕易再作輪換。

雖然依家雲迪碧克有咁多不利因素阻礙佢發展,但係世事嘅嘢好難講,筆者相信會有轉機,因為:

一、有費特起死回生嘅先例。記得費特初初加盟俾摩佬批評得一文不值,令費特信心盡失,當時佢仲有個外號叫「廢」特,但依家已經係球隊一位不可或缺嘅防守中場。筆者相信卡域克可以令雲迪碧克重拾信心,而且可以發揮出佢嘅實力。
二、普巴去留問題仍未解決。普巴表現啱啱先復蘇,佢個大哥就出嚟講普巴嘅去留問題,令球迷由本來開始對佢有希望,再次變成球隊嘅不安因素。依個沒完沒了嘅去留問題真係令球迷感到煩厭。
三、雲迪碧克本身比賽態度同技術良好。佢本身係一位有質素嘅球員,只係因為外在因素令佢發揮唔到實力。有時球員間合作嘅化學作用好微妙,有啲球員可以好快夾到,有啲球員就需要一啲時間,最重要係保持積極心態同耐性,相信佢終有一日可以突破自己框架。
四、雲迪碧克仲係喺蘇B計劃之內。緃使有多於一間球會要求借用雲迪碧克,但蘇B都一一拒絕。對球員嚟講,領隊嘅支持最重要,只要佢一日覺得球員仲有存在價值,球員仲有發揮自己實力嘅一日,好似馬斯亞咁。

最後一句總結,希望雲迪碧克搵到自己所走嘅路,一步一步邁進。


如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→