[多奇出品] - 曼聯作客對列斯聯賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯作客以2:0擊敗列斯聯,當中福仔同加拿祖嘅入球固然精彩,其他球員都好努力踢依場波,我哋睇吓班球員今場嘅表現:

一、門將迪基亞多次救出險球。曼聯後防線成場波受制於對手前場壓迫嘅打法,造成多次誤傳(麥佳亞、梳爾試過直接將皮球傳俾對手),令對手可以打到反擊,其中有一球馬拉西亞將個波向後頂,然後俾對手直落底線射門,好彩迪基亞擋到個波,不致失球。另外,對手亦都有一球沿住右邊單刀推進勁射,好彩又係迪基亞用右腳擋出。雖然後防線偶有犯錯,但達洛治、麥佳亞、梳爾同馬拉西亞嘅防止都做得唔錯。例如:達洛治助攻助守,佢下半場有球射門中楣彈出、麥佳亞頂晒啲高空波、梳爾利用佢速度幫麥佳亞補位、馬拉西亞就力阻對方翼鋒落低出波。
二、中場線攔截效率提高。中場費特同薩碧沙嘅攔截效率提高咗好多,尤其係費特偷咗對手唔少腳下球,再加上佢體能好及幅蓋範圍大,根本咩位置都見到佢,阻截咗好多對方嘅攻勢。而薩碧沙有身型同埋勤力跑動,見到有高空波嘅爭奪,佢都會搏命咁搶,睇嚟佢慢慢熟習比賽節奏同嗰種壓迫感。薩碧沙上半場攞到波係唔敢轉身去,只係會回傳,但下半場佢就多咗轉身。球隊入嘅第一球都係佢長傳傳梳爾發動攻勢。
三、前場射門機會唔多但有好嘅把握力。全場福仔射門機會雖然唔多,但當有一個半個機會佢就能夠把握到,球隊開記錄嘅一球就係由梳爾左路出波,俾佢一頂入網。而第二球就係韋賀斯一個直線傳俾加拿祖,然後佢就壓過對手單刀燙射,中柱入網。全場球隊射門機會唔多,但最後就係把握到兩次機會。今場要讚韋賀斯嘅貢獻,佢雖然係零射門,但佢無因為咁而氣餒,反而好多時走到自己後半場防守。尤其係防守高空波,因為列斯聯球員都高大,有韋賀斯助守高空波真係爭好遠,喺防守方面就做得好出色,希望之後嘅比賽會有多啲供應入多啲波。

四、坦哈格嘅調動扭轉勝局。領隊坦哈格喺下半場換入擅長用波嘅馬天尼斯,而擅長突破嘅梳爾就打番左閘,再加上換入埋速度快嘅加拿祖,激活咗左路嘅攻擊力。球隊所入嗰兩球都係由左邊發動。然後麥佳亞嘅中堅拍檔唔係連迪洛夫,而係速度較高嘅梳爾同馬天尼斯,亦都能夠彌補麥佳亞速度慢嘅弱點。最後,坦哈格換埋雲拜沙卡,亦都鞏固右邊嘅防守,所以領隊嘅臨場調動可以話係贏波嘅關鍵。

依場波球隊雖然打得唔算好,但可以見到球員爭勝嘅決心,嚟緊就要喺歐霸對巴塞,係非常難踢嘅一場波,希望球球員盡力踢之餘唔好受傷,因為之後聯賽就要對李斯特城。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
    快捷鍵:←
    快捷鍵:→