[多奇出品] - 曼聯主場對水晶宮賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


今季曼聯打第一場波就以1:3輸俾水晶宮,令到好多球迷都好失望,究竟點解會係依個賽果呢?
一、賽前備戰不足,球員嚴重缺乏比賽狀態。踢今場聯賽之前,曼聯只係踢咗一場熱身賽,而且只係試陣性質,球員根本未有十足嘅比賽狀態,影響咗成隊球隊嘅發揮。就算係平時表現穩定嘅般奴,表現都唔算太好。其他球員可能連傳腳波都唔夠實淨同準確,走動亦都未見多同有變化,對比水晶宮球員一開波已經入晒局,喺比賽早段已經入波,表現差別都幾大。

二、個別正選球員(連迪洛夫、占士)表現差劣,令球隊陷入劣勢。連迪洛夫今場表現可以話難以被球迷接受,球隊所失嘅三球都同佢有關,第一球佢容許水晶宮球員舒立普輕易傳中,然後唐辛喺無人防守之下輕易射入。之後球隊所失嘅第二球,係因為連迪洛夫喺禁區入面犯手球輸十二碼。而第三球就係佢攔截沙夏腳下球唔夠清脆,俾沙夏攞番然後射入。始終佢對住有身型嘅攻擊球員唔夠人撞,仲有佢對住帶緊波嘅攻擊球員亦都冇把握主動攔截到對方個波,就算係對方已經入到禁區都係一味行住,其實咁樣係好危險同埋俾唔到信心隊友去守好後防。另外,占士嘅表現值唔值得有正選踢係一個疑問,因為佢發揮唔到佢速度嘅優勢,而佢嘅傳中波亦都無乜威脅,但佢嘅缺點就喺球場上表露無遺。例如:佢做前場壓迫個壓迫感唔夠強,亦都同唔到隊友做啲小組入涉同交唔到一啲滲透性嘅傳送,仲有佢同科素文沙做唔到一啲叠瓦式走動,令到成路右路嘅攻勢完全係塞死晒,所以蘇B喺下半場已經要調走佢。
三、中場組合普巴同麥湯文尼未能發揮威力。今場雙防中麥湯文尼同普巴未能產生有效化學作用,兩個球員分工亦都唔夠清晰。之前普巴同馬迪拍擋時,馬迪主要做防務工作,當攞到個波就好容易咁交俾普巴發動攻勢,普巴喺防守工作反而係輔助馬迪,所以普巴夾馬迪時踢得比較自由。但佢拍麥湯文尼就要兩個平均分擔防務工作,對普巴依個唔係咁鍾意防守嘅球員,或多或少會影響佢發揮。當然麥湯文尼今場喺防守上表現係出色,多次攔截到對方腳下球,佢亦都靠自己體能同活力阻止到唔少反擊。不過,要佢控制節奏方面就做得無咁理想,個波係佢腳下好多時都未能直接向前交,多數都係做啲橫傳,所以水晶宮班球員好容易睇通曼聯嘅進攻套路。到換咗雲迪碧克後,令球隊進攻加入新嘅元素,不過佢同其他隊友未有機會喺正式比賽時夾過,始終攻同守默契都係差啲。好多時佢想要波隊友未能即刻交到俾佢,而佢攞到個波亦要諗一諗先交到個波出去,減低咗球隊組織嘅效率同變化。


四、馬斯亞、福仔、格連活特等攻擊球員踢法被對手睇穿。中場傳送個效率已經低,再加上前線一成不變嘅踢法,要對住早段領先嘅水晶宮係非常難打。福仔自從復賽後就無咗之前嘅突破能力,佢只係靠同梳爾做叠瓦制造空位,跟本製造唔到威脅俾對手。馬斯亞就有速度同突破能力,但就無身型同頭搥,對方後衛只要睇準時機食佢個位就應付到。格連活特始終踢正前鋒會適合佢多啲,踢右邊佢就要帶個波去禁區頂,所以只要水晶宮球員唔俾佢帶個波入禁區就已經令佢威力減半。另外,恩哈路平時都無乜落場機會,到派佢出場好難預期會立即有突出表現。

今場輸波唔知會唔會令曼聯買人爽手啲,因為球隊真係要注入新嘅元素保持競爭力。喺費sir時代就算之前嗰年攞冠軍,佢都會落命令買入新嘅球員,更何況依家嘅情況?


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→