[多奇出品] - 拉舒福特同格連活特的進步空間

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


拉舒福特嘅優點係速度快同反應靈敏,可惜踢法唔夠全面,因為佢只係會用現有優勢去踢波。當佢攞到個波就會盡全力去衝,以自己較好嘅身體條件去做盤扭。喺心理上佢係怕失敗,所以唔太敢做多方面嘗試。例如:無波在腳時做啲走位入涉。只要佢能夠踏出一步,打破心理關口,佢可以為自己製造到好多機會。例如:突破越位單刀、做撞射同頭搥衝頂攻門。尤其有般奴呢類球賽閱讀能力高嘅隊友喺身邊。
另外,佢走位時可以做多啲變速,而唔係每次都盡全力去跑。當福仔能夠令到自己喺走位或盤球方向有變化,後衞就更難捉摸佢嘅路數。不過,要改變個難度都幾高,因為福仔踢法已經定咗型,佢踢法嘅建立係之前有無數成功嘅經驗累積成本能反應,依家要佢走出舒適區,要佢發展其他佢唔擅長同用唔慣嘅技巧,(例如:執雞、頭搥衝頂、搶點撞射同窩利揪射。)係需要極大勇氣同要一段唔短嘅時間。不過,有時踢波嘅嘢邊度有咁理想,只要球員嘅打法俾對手完全洞悉,佢就需要去調整。一係佢就喺自己優勢同擅長嘅技巧繼續改善,務求以自己優勢壓過對手,就好似風伯伯要吹走一個人身上嘅大褸,個人愈掙扎風伯伯就吹得愈大力。一係令自己踢法變得全面,令對方覺得難以觸摸,從而改變,就好似太陽伯伯令一個人除去大褸,針對環境轉變專攻對手嘅弱點。
至於格連活特就因為身型同速度限制,所以喺右翼位置上較難有進步嘅空間。或者佢最佳位置唔係依個位,佢應該踢前鋒,原因係佢獨一無二嘅射術。當佢起腳時俾門將有種壓逼感,而且好似捉唔到佢射門嘅思路,所以就算龍門想盡力去做撲救,但都阻擋唔到。不過,球迷可以反駁話,今季佢射門得分率係偏低,成日都俾門將救出。咁係因為格連活特唔能夠專心射門,佢始終依家踢緊右翼,要盡力去擺脫障礙先至起到腳。以我經驗,佢其實似係一位禁區射手多啲,但蘇B唔知點解成日擺佢喺右邊,佢唔係一啲可以組織到攻勢嘅球員,亦都唔擅長做傳送。但依個球員只要同般奴或其他中場建立默契就應該可以有多啲供應,有多供應自然會有多起腳機會,有起腳機會先至可以製造入球,嗰時佢信心自然會返番嚟。
最後,進步空間可以好闊,前者需要求變,後者就需要專注建立自己擅長技巧,當然球員自己態度都好重要,無論點都好,希望佢哋可以去到享受比賽嘅境界。


如果大家仍然未申請或想申請NowTV黎睇波,呢條連結有月費低至HK$248.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→