[多奇出品] - 我哋應唔應該再俾安祖斯彭利拿機會呢?

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


打完維拉嗰場之後,曼聯以14戰18分排第9位。我諗有部分球迷睇曼聯比賽開始冇期望,有啲人希望可以早啲炒咗蘇B,有啲人覺得應該俾多啲時間佢,但其實主導曼聯成績嗰個係安祖斯彭利拿。
安祖斯彭利拿今季出場13次入1球助攻次數係2次。以佢嘅數據相信係曼聯迷嘅我哋就當然唔接受,尤其係佢前鋒線上有馬斯亞、福仔、占士同格連活特等好手。只要稍微有球賽閱讀能力嘅人同埋安祖斯彭利拿肯睇吓重播都應該知道自己有啲咩不足之處。但佢打咗12場都係打到成劈屎咁,我好懷疑佢練習或比賽前有冇好好做準備。
上場對錫菲聯已經有球控甩腳俾人打反擊射入迪基亞嘅十指關。今場又再整一球「眼神制敵」嘅防守,然後被人右腳射死角入網。仲有開死球個質素認真麻麻,經常都開唔過頭,而且有好多時都出現不必要嘅犯規,犯完規之後仲要同球證爭論。今場最少有三次在我方後半場犯規,為我方後防帶嚟好多威脅。
無錯我之前都有寫要容許年青球員有偏差然後調整,但有偏差係指盡量唔好犯一啲容易翻唔到轉頭嘅錯。例如:之前所講對錫菲聯同維拉嘅兩球失球。另外,時間調整長短亦都好關鍵,你打咗12場波,但明顯進步都唔見得好明顯。與其係咁,暫時將d機會俾其他更適合嘅隊友,自己就從中學習,兼再努力去加操。好似以前C朗練完習會搵雲達沙做練習對手。

其實曼聯陣中都有馬達、馬迪,安祖斯彭利拿都可以請教佢哋。踢足球除咗要建立自己風格外,仲要學習新技術。例如:安祖斯彭利拿鍾意上腳盤扭同遠射,但亦可以向馬達學習滲透性傳同埋禁區入面嘅射門技巧。佢現在就正正缺乏學習新事物嘅能力,而踢法上已經將自己定型。
其實曼聯好多年青球員都等緊機會,如果安祖斯彭利拿再經常犯下一啲致命嘅錯誤,你會令曼聯去到一個進退失據嘅地步。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→