[多奇出品] - 成為曼迷20年的回想

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


我由2001年開始支持曼聯,當時唔記得係咩原因開始留意依隊波。嗰時我冇睇直播,只係喺報紙嘅體育新聞知道賽果同相關資訊,但就已經好滿足,唔似依家可以每場比賽都睇直播咁。回想起我第一場喺報紙知道嘅比賽就係曼聯對富咸,仲記得嗰時賽果係3:2曼聯贏,我嗰刻嘅心情係好興奮,就係嗰刻我就同曼聯建立到個關係直到依家,都有就快20年。
由費格遜年代雲佬幫球隊重奪英超,到堅尼同碧咸相繼離隊,其後C朗、朗尼、里奧同維迪幫助球隊攞到兩次英超三連冠同歐聯重奪冠軍直至現在由蘇B執教球隊啱啱歐聯出局,喺20年間曼聯經歷起起跌跌,我都有份陪伴經歷。尤其費格遜退休後曼聯已經好耐未攞過聯賽冠軍,雖然係咁,但我仍然支持球隊,點解呢?
一、佢係我人生嘅充電器。記得每當球隊贏到比賽之後嗰日就會著番件曼聯波衫出街,依個習慣由我支持曼聯嗰刻開始直到依家。我有時出街見到其他人著曼聯波衫都會有份親切感。雖然依家球隊成績唔好,但依個習慣都冇改變,依家喺球隊輸咗波我都會著番件球隊波衫去支持番球會。以前我總係覺得勝利係垂手可得,甚至係球隊攞第三都對費sir極之不滿,但到依家先知道想得勝原來係艱難嘅,因為其他對手甚至榜尾球隊都不斷尋求進步,努力爭勝,但冠軍只係得一個,加上蘇B同球員仲需要擴闊界限,而競爭對手又強勁,唔知我有生之年仲可唔可以見到球隊奪得英超同歐聯呢?
二、佢係我人生嘅一個夥伴。自己從細個開始朋友就唔多,就算有都會因應環境改變而變得疏離,尤其依家喺我嘅年紀嘅朋友都有家庭,所以真係好希望有個陪伴我一生嘅夥伴。球隊入面嘅隊員就好似自己嘅隊友,當佢哋踢得好嘅時候就會讚賞,而當佢哋狀態回落會表示支持,但如果某啲真係踢得差而又睇唔到佢哋想進步就會去批評。就係因為有依班夥伴,令我沉悶嘅人生增添色彩。記得以前球隊比賽完之後,約班波友出嚟踢波、食飯,而個話題都係離唔開講場波,講真自己好享受當中嘅過程。
三、彌補自己做唔到足球員嘅遺憾。自己曾經好想成為一位足球員,甚至希望可以去外國踢波,我亦曾努力過,每日做練習,可惜我整斷過十字韌帶同半月板,大大話話都做過4次手術。依家雖然我仲可以踢波,但都要就住嚟踢。唔可以以足球為我職員係自己一生中遺憾,但每當我睇到曼聯班球員,好似C朗精湛技術、維迪嘅勇悍攔截、貝碧嘅乖巧射門同卡域克出色嘅球賽閱讀能力,心入面就得到安慰。自己係做唔到足球員,但從佢哋身上感受到希望。
最後有句說話「輸了比賽,贏回目標,人生輸贏何止90分鐘。」依句說話喺球隊輸波或人生失意時都會安慰自己,令自己重新振作。現在都想送俾大家,祝各位聖誕快樂!


如果大家仍然未申請或想申請NowTV黎睇波,呢條連結有月費低至HK$248.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→