[多奇出品] - 從傷患中爬翻起身 - 梳爾

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


筆者睇到好多寫有關梳爾表現嘅文章,但點解我仲想寫呢?因為好想俾讀者知道重傷完之後無論係心理同生理方面點樣由谷低爬番上嚟。

梳爾喺2015年9月歐聯對燕豪芬時俾對手攔截時整斷右腳,當做完手術之後佢要面對啲咩難題:

一、擔心自己將來。經歷呢次大傷後,自己仲可唔可以踢翻波。對每個人嚟講,能夠可以將自己嘅興趣變為職業係件幾咁幸福嘅事。我諗鍾意踢波嘅人,曾幾何時都會諗過可唔可以以足球作為職業,更何況可以喺咁有名同偉大嘅球會效力,而且自己咁年輕(得23歲),簡直係其他足球員嘅模範。但係一場傷患令佢幾乎連隻腳都保唔到,就算手術成功都要等一段自己唔知幾耐嘅時間先至可以復原。當然復原係一步步嚟,先係用拐杖行路同做物理治療,做好物理治療之後又要等,等到唔知幾時再可以做恢復性訓練。呢段時間係相當慘,因為佢除咗享受唔到踢波嘅樂趣之外,仲要喺一個自己情緒極低落嘅情況之下,去做一啲重複性同埋咁艱辛嘅訓練。嗰時我估梳爾會有疑問,究竟我幾時先至可以踢翻波呢?自己嘅表現可唔可以回復翻未傷嗰時嘅狀態呢?如果自己回復唔到最佳水平,球會會唔會放棄自己呢?面對種種未知數,真係會容易令一個人迷失。
二、再次受傷嘅恐懼。梳爾經歷過依次大傷之後,透過好多人嘅鼓勵、支持,加上自己嘅努力,不斷做康復性治療,然後再加重訓練強度,務求令自己回復比賽嘅狀態。不過,無論梳爾點樣努力都好,咁耐無踢波要攞翻比賽觸覺同靈敏度唔係咁容易。尤其係踢職業聯賽,個競爭性咁激烈。對手當然趁佢仲未完全攞翻比賽狀態就不斷攻擊梳爾弱點,加上佢經歷過自己最慘痛嘅一幕,記住佢係戴住護踁都斷腳,喺依個心理陰影下,佢會唔會覺得其實戴護踁都保護唔到佢呢?因為佢心諗自己已經冇第二次機會,難得可以再返翻球場,當然希望自己可以繼續健健康康,令自己足球生涯可以延續。不過同時間佢又要全力以赴去踢每一場比賽,加上佢踢嘅位置係閘位,身體條件同速度係最重要,咁佢正正面對好大矛盾,一方面要保護自己隻腳,另一方面經常面對速度高嘅對手,並要作出攔截。我相信呢種再次受傷嘅恐懼對佢有好大困擾。
三、缺乏運動,身型難以保持。通常做開運動嘅人,胃口都係有番咁上下。平時因為有運動,所以就算食得多都會消耗得快,但對需要長時間休養嘅梳爾,佢唔會因為冇踢波而胃口突然會減少,反而因為無辦法做自己鍾意嘅運動,令到佢以食嘢去平衡自己。缺乏運動,但相對食量增加令自己體重增加,身型變肥,就算之後開始做恢復性訓練,都消耗唔翻之前自己所吸收嘅。仲有除咗食嘢外,打機、上網、睇電視同電影都係養傷時期會經常做嘅嘢。以上嘅娛樂容易今人沉迷同埋需要用好多時間,當習慣咗呢種生活模式,對職業球員嚟講就好麻煩,就算球員完全從傷患中康復,訓練對佢哋嚟講可能會變成一種苦差。

四、容易一傷再傷。好似梳爾咁斷腳,就算軍醫話佢可以出翻去比賽,隻腳嘅機動性都最多都係得7至8成,而且佢仲要傷咗隻重心腳(右腳),跑起步嚟身體容易失去平衡,加上職業聯賽比賽強度咁勁,大家都毫無保留盡力去踢,容易令佢一傷再傷。如果球員係一心想做一個動作,就算係有危險性,只要個動作做得流暢同埋識得喺適當嘅時候放軟個身都冇咁易傷。但最惨係球員喺做同唔做動作之間猶豫,加上受過嚴重傷患嘅人身體嘅協調性都會差啲,因為當面對碰撞時對腳會收得好緊同會縮得特別快,咁會令到自己喺唔適合嘅時機同狀態下出腳,咁就最易傷。

就係因為咁令到梳爾回復唔返比賽嘅狀態,表現被多番批評,自己亦睇到佢嘅一啲復出嘅比賽片段,發覺佢唔夠人跑之餘,仲好容易失位走漏對手。經歷過一段唔短嘅艱難時期後,今季由蘇B帶領下重新振作。有兩個令佢復甦原因想特別提一提,就係:

一、改變固有踢法。梳爾傷之前係以速度同優秀身體質素行先。不過,傷咗之後佢已經再難以速度去應付對手。佢經過無數次被人擊敗,所得到嘅經驗,慢慢轉變踢法,嘗試去學習提升球場閱讀能力,培養自己位置感,集中觀察對手動作,預測對手嘅動作同球路,代替同對手鬥速度同鬥硬淨,呢種踢法上嘅改變真係唔容易。後期蘇B三中堅陣式有效利用梳爾嘅視野同埋比中堅快速度,佢表現出色之餘,仲獲得球迷嘅認同。
二、威廉斯嘅出現。威廉斯上咗一隊後,有段時間梳爾冇正選踢,所以部份球迷覺得佢可以被賣走。但我覺得威廉斯嘅出現反而令到梳爾重燃鬥心,一方面被後輩超越嘅感覺真係幾唔好受,個心自不然就會好希望爬翻起身。另一方面係威廉斯幫咗佢一把,因為佢同以前嘅自己一樣,有速度兼有膽識,不過就缺乏經驗。當梳爾了解到自己經驗原來係咁有價值,令到佢自我價值提升,信心自然返嚟。而威廉斯亦都可以彌補速度上嘅不足。
除咗以上兩點之外,當然仲有其他原因。例如:蘇B嘅耐性同睇人嘅眼光。蘇B俾咗好多出場機會佢,同埋對佢委以重任安排打三中堅嘅左邊,佢亦都把握機會以穩定嘅表現回應蘇B。依家大家都覺得佢可以穩佔正選或者甚至有機會重返國家隊添。筆者以梳爾嘅經歷鼓勵自己,當處於低潮嘅時候好似佢能夠慢慢爬翻起身。



============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→