[多奇出品] - 今季要特別感謝的球員: 迪基亞、卡雲尼

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯今季表現反覆,聯賽4場不勝,上星期主場對利物浦更以0:5慘敗,球隊走到依個地步,領隊蘇B責無旁貸。前鋒線大家各自為政,完全無默契可言,中場線無論傳送定攔截都去唔返上季水平,後防就容易喺自己禁區失波同埋漏洞亦多,球隊由前線到後防都各有問題。不過,其中有兩位球員嘅表現令我印象深刻,佢哋就係門將迪基亞同埋今季出場機會唔多嘅卡雲尼。
首先講迪基亞,今季佢表現出色,曾經喺聯賽對韋斯咸救出關鍵嘅十二碼,令到球隊保住2:1嘅勝局。喺歐聯對維拉利爾同阿特蘭大,球隊同樣先失波,對後者甚至係先失兩球,但迪基亞無因為咁而氣餒,反而繼續保持鬥心,一一化解對方致命反擊,最後兩場波都能夠反敗為勝。睇番今季聯賽數據,迪基亞總共有41次撲救,當中有22次係對方喺禁區入面攻門,而禁區外攻門就有19次,依個數字可以反映中後場嘅防守能力係幾咁薄弱,而迪基亞亦都救出好多必入波。
之後講吓卡雲尼,今季佢因為C朗嘅加盟,令到出場機會大減,再加上蘇B只係出勝利11人,所以卡雲尼打正選嘅機會就更加少。就算情況係咁,都無損卡雲尼比賽嘅鬥心,只要有出場機會,佢都盡全力去比賽。雖然卡雲尼暫時未有入球,但佢嘅前場逼搶同埋無球走動嘅配合都令球迷留下深刻印象。例如:對維拉利爾嗰場卡雲尼奔跑50米就為咗追球失波,仲有對阿特蘭大嗰場佢固意漏頂傳中球,間接製造空位俾麥佳亞射入,都可以反映出佢嘅專業態度同級數。能夠喺有限出場時間有依啲表現同鬥心,亦都唔係一般球員可以做到。
除咗依兩位,其實仲有其他球員都好專業,例如:馬達、連加特、雲迪碧克同軒達臣。可惜蘇B只係用嚟用去都係十一、二位球員。有部份球員明顯心態上需要調整,例如:馬斯亞、普巴同格連活特。但就依然場場照出佢哋。依家蘇B形勢危急,唔知佢會唔會改變吓自己嘅用人策略呢?


如果大家仍然未申請或想申請NowTV黎睇波,呢條連結就益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
  • wombat 於 29/10/2021 評論 NO. 1

    究竟馬達點解仲要留喺曼聯

快捷鍵:←
快捷鍵:→