廢話少講
球王掌舵，大帝們馬首是瞻
自從佩雷斯實施每年一星嘅政策後，皇馬嘅更衣室充斥住各方嘅大帝，領導各自嘅派系：朗拿度嘅巴西幫，魯爾嘅西班幫（有報導指，魯爾同合作多年嘅卡路士決裂，後者話佢地唔係朋友，只係工作上嘅伙伴）；亦有自成一角嘅大帝：例如碧咸（有傳佢最後嗰年不滿肖像權嘅瓜分，卡比路接上頭order要凍結佢），親佩雷斯嘅賓斯馬（有傳佢叫佩雷斯賣走希古恩），當然唔少得必然正選嘅C朗。呢班大帝各自為政，皇馬嘅領隊都淪為橡皮圖章，就連一向鐵腕嘅摩連奴都搞唔惦（走嗰陣冇乜人企喺佢嗰邊）。
（以上都係我留意皇馬得黎嘅傳聞，真確難以肯定）
安察洛堤執教後有所改善，佢本身口碑好，風格溫和，善於同球員溝通，但仲有一關未過：C朗依舊要踢足全場，確保射手榜帶頭。
施丹球員時代已經魅力非凡，無論喺祖記、皇馬定國家隊，隊內嘅球星都好願意由佢發板進攻。而家帶住球王嘅光環走入皇馬更衣室，球員們好難唔肅然起敬：呢條友咩大場面都見過，冇咩獎未贏過，對佢嘅指示自然份外留神。馬些路比較過施丹同摩連奴：兩個都好，但係施丹畀到球inspiration。大帝們不得不服。
戰術philosophy：球員自由發揮
好多人話皇馬粒粒皆星，邊個教都係easy job，睇返第一代銀河艦隊就知情況唔係咁，但係施丹執教時呢句又啱喎：隊中個個都識踢波，幾時走位／傳送，點走位／傳送，施丹嘅工作只係微調陣容，協調球員，宏觀佈局，角色猶如一個船長，帶領球員向同一目標前進。
進攻上，施丹畀球員好大嘅自由度，佢唔阻止拉莫斯上前（摩連奴唔鍾意），唔限死巴利喺右邊，兩閘可以任意上前。底線係陣型唔穿窿：拉莫斯上前，卡斯米路就拉後；左閘上前，中堅就移左，C朗入中間，賓斯馬就靠左。呢啲走動同互補久而久之培養出球員之間嘅默契，有睇開皇馬嘅球迷應該會發現球隊嘅傳送越黎越流暢。
皇馬44腳傳球後嘅入球
任由球員自動波亦係信任嘅表現，解放左唔少球員嘅潛能：安察洛堤時嘅卻奧斯被諷為轉邊王（淨係識轉邊），施丹就等佢自己選擇傳去邊；施丹revive礸石陣，解放伊斯高；華斯基斯鍾意單對單突破，造就好多傳中助攻。
以上都要球員質素高先做到，丹尼路就係反例，佢走位走到去禁區中間都試過，令右邊成日穿窿。
防守上就睇餸食飯，每場部署都唔同，好難做概括。
閱讀球賽能力一絕，調兵遣將恰到好處
球員自動波總會遇到樽頸，施丹一流嘅閱場能力同準確嘅調動都能將之化解。我自己睇足施丹咁多場有以下發現：皇馬賽前部署有時不盡完美，好多時上半場係彊局嘅時候，下半場球隊嘅dynamics都有所變化，呢點好難用統計數字作證，亦冇可能要讀者睇晒咁多場波，不過我有以下罕有片段作為參考：
Zinedine Zidane Philosophy Half Time Champions League Final vs Juventus
結果下半場皇馬球員mark實祖記中場，摩迪亦上前獻出一個助攻，完全跟足劇本發展。
另外，施丹出邊個、留邊個、換邊個雖然有時令我費解，但最終結果往往皇馬有利。
近期例子：
仲有好多其他反勝／追和例子，有唔少係替補球員嘅功勞，例子之多冇可能純粹靠運，有興趣可以上維基翻查。
施丹非常努力，先顯得豪不費力
雖說施丹臨場調動得宜，但佢賽前部署亦不馬虎，等我highlight兩場畀讀者參考。
Del Piero on Zidane’s success: … I spoke with him and he was explaining how much he was studying and going around all the teams in France and Spain to look at what the other coaches were doing and how things were going on …
新魯營不敗男
提起魯營，當然要講下施丹國家打吡嘅表現啦：1W2D2L（西甲），2W（西超盃），成績中規中矩，不過第一場贏 2:1，摩連奴同安察洛堤都做唔到，而且作客魯營未嘗一敗。西超盃後比基表示：Still, in the nine years I've been here, it's the first time I feel inferior to Madrid.
冷靜外表難掩爭勝雄心
講開國家打吡，不得不提最近嗰場，賽事依舊有唔少爭議：巴塞右閘上半場紅牌出場，當時賽果1:1，施丹大可利用人多嘅優勢控制賽事，睇準時機先落手，不過下半場唔係咁發展：皇馬全隊壓前逼搶，目標係贏波，結果巴塞反擊機會多左，仲入左一球。
仲有好多片段顯示施丹對賽事嘅肉緊，包括佢爆褲，見到巴利倒掛後失態等等。
https://youtu.be/b2dr802nNP8
大膽改變球隊陣式
好多領隊都用死一個陣形，畢竟變化或會帶來風險，施丹則無懼風險，敢於改陣：2016/17西甲作客西維爾起用532，球隊未能適應，結果告負，被對手終止40場不敗成績；2016/17歐聯對馬體會起用礸石陣，伊斯高大放光望；2017/18歐聯主場對PSG，下半場改踢442，阿辛斯奧交出兩助攻，皇馬贏3:1；仲有上面提及嘅2016/17國家打吡，先42（摩迪，高華錫）1（伊斯高）3, 後43（摩迪，高華錫，卡斯米路）3。
變陣原因各異：用532我估係想大亂對方陣腳同顧及球員體力，因為賽前兩場國王盃都係對西維爾；用礸石陣則因為巴利受傷，無法排出BBC；442（C朗打中鋒）則顧及C朗打左邊唔回防，而且皇馬中場中（摩迪，卻奧斯，卡斯米路，高華錫）皆攻守兼備，足以控制賽事。
改陣要熟悉陣形，了解球員能力／狀態，知道對手弱點，施丹都做得到。
起用雙面刃輪換制，C朗成最大得益者
施丹嘅一項重要政策就係輪換制，確保球隊夠力多線作賽。
佢連C朗都可以說服，令佢乖乖地做後備，甚至唔帶佢。我有個C朗迷嘅朋友話：C朗年年都踢足咁多場，結果球季後期受傷，狀態大跌。由於好多重要賽事都係季尾先踢，結果C朗被指控大賽隱形、對弱隊刷數據。施丹安排佢喺重要賽事先出場，雖然西甲唔再係神射手，但歐聯入球數字驚人，對拜仁，祖記，馬體會等強隊都有入波，2016年暑假仲贏得歐洲國家盃。
輪換制亦為其他球員帶黎機會，畢竟安排球員出場等同投下信任一票，仲要係球王嘅信任：華斯基斯喺賓尼迪斯麾下完全唔入流，但施丹執教後交出好多助攻，仲贏得國家隊一席位；阿申斯奧成日後備入替入波；高華錫喺一場國家打吡mark死美斯。
有啲球員則少左機會，包括占士同莫拉達，結果二人都不滿缺乏出場時間而離開。
少左兩名高質球員，換黎一班年青球員，輪換只好換佢地，結果係佢地未夠班擔大旗，皇馬因而無力衛冕西甲。
球員買賣冇話語權
施丹多番強調滿意自己隊伍，亦希望占士同莫拉達留低，但皇馬買賣球員唔輪到主帥話事，結果球會連比比都放走埋（導致今季後防不穩），換黎一班乳臭未乾嘅黃毛小子：3000萬由馬體會度買左個垃圾左閘；為防巴塞捷足先登（我估）買左U21 MVP Ceballos；回購表現出色但成日傷嘅Vallejo；賣左丹尼路，結果冇右閘後備，要起用未夠班嘅青訓Hakimi。
輪換制繼續，施丹無奈要用佢地，搞到聯賽成績好差，最後施丹只有歐聯呢個出路，出路亦變成末路...
後記
老土啲講句：一入豪門深似海。施丹選擇急流勇退未嘗唔係一件好事，總好過畀人炒。坦白講，我前幾日奇想：施丹會唔會against the odds，成為皇馬嘅費格遜？
我唔會對下任領隊有太大期望，因為施丹執教期間嘅景象，唔係簡單一個好教練就能做到，下任領隊最多咪係一個新嘅安察洛堤，新嘅摩連奴，新嘅卡比路，都係一9樣，冇分別：拎盃，衛冕失敗，被炒，下一個。
球王掌舵，大帝們馬首是瞻
自從佩雷斯實施每年一星嘅政策後，皇馬嘅更衣室充斥住各方嘅大帝，領導各自嘅派系：朗拿度嘅巴西幫，魯爾嘅西班幫（有報導指，魯爾同合作多年嘅卡路士決裂，後者話佢地唔係朋友，只係工作上嘅伙伴）；亦有自成一角嘅大帝：例如碧咸（有傳佢最後嗰年不滿肖像權嘅瓜分，卡比路接上頭order要凍結佢），親佩雷斯嘅賓斯馬（有傳佢叫佩雷斯賣走希古恩），當然唔少得必然正選嘅C朗。呢班大帝各自為政，皇馬嘅領隊都淪為橡皮圖章，就連一向鐵腕嘅摩連奴都搞唔惦（走嗰陣冇乜人企喺佢嗰邊）。
（以上都係我留意皇馬得黎嘅傳聞，真確難以肯定）
安察洛堤執教後有所改善，佢本身口碑好，風格溫和，善於同球員溝通，但仲有一關未過：C朗依舊要踢足全場，確保射手榜帶頭。
施丹球員時代已經魅力非凡，無論喺祖記、皇馬定國家隊，隊內嘅球星都好願意由佢發板進攻。而家帶住球王嘅光環走入皇馬更衣室，球員們好難唔肅然起敬：呢條友咩大場面都見過，冇咩獎未贏過，對佢嘅指示自然份外留神。馬些路比較過施丹同摩連奴：兩個都好，但係施丹畀到球inspiration。大帝們不得不服。
戰術philosophy：球員自由發揮
好多人話皇馬粒粒皆星，邊個教都係easy job，睇返第一代銀河艦隊就知情況唔係咁，但係施丹執教時呢句又啱喎：隊中個個都識踢波，幾時走位／傳送，點走位／傳送，施丹嘅工作只係微調陣容，協調球員，宏觀佈局，角色猶如一個船長，帶領球員向同一目標前進。
進攻上，施丹畀球員好大嘅自由度，佢唔阻止拉莫斯上前（摩連奴唔鍾意），唔限死巴利喺右邊，兩閘可以任意上前。底線係陣型唔穿窿：拉莫斯上前，卡斯米路就拉後；左閘上前，中堅就移左，C朗入中間，賓斯馬就靠左。呢啲走動同互補久而久之培養出球員之間嘅默契，有睇開皇馬嘅球迷應該會發現球隊嘅傳送越黎越流暢。
皇馬44腳傳球後嘅入球
任由球員自動波亦係信任嘅表現，解放左唔少球員嘅潛能：安察洛堤時嘅卻奧斯被諷為轉邊王（淨係識轉邊），施丹就等佢自己選擇傳去邊；施丹revive礸石陣，解放伊斯高；華斯基斯鍾意單對單突破，造就好多傳中助攻。
以上都要球員質素高先做到，丹尼路就係反例，佢走位走到去禁區中間都試過，令右邊成日穿窿。
防守上就睇餸食飯，每場部署都唔同，好難做概括。
閱讀球賽能力一絕，調兵遣將恰到好處
球員自動波總會遇到樽頸，施丹一流嘅閱場能力同準確嘅調動都能將之化解。我自己睇足施丹咁多場有以下發現：皇馬賽前部署有時不盡完美，好多時上半場係彊局嘅時候，下半場球隊嘅dynamics都有所變化，呢點好難用統計數字作證，亦冇可能要讀者睇晒咁多場波，不過我有以下罕有片段作為參考：
Zinedine Zidane Philosophy Half Time Champions League Final vs Juventus
結果下半場皇馬球員mark實祖記中場，摩迪亦上前獻出一個助攻，完全跟足劇本發展。
另外，施丹出邊個、留邊個、換邊個雖然有時令我費解，但最終結果往往皇馬有利。
近期例子：
- 賓斯馬對拜仁入兩球，對利物浦入一球，賓斯馬全年表現都好差，施丹喺咁關鍵嘅時刻都出佢，雖然入球均有幸運成份，但偏偏出現喺佢身上。
- 作客PSG 1:1 之後換入巴利、阿辛斯奧，改踢442，後者助攻兩球。
仲有好多其他反勝／追和例子，有唔少係替補球員嘅功勞，例子之多冇可能純粹靠運，有興趣可以上維基翻查。
施丹非常努力，先顯得豪不費力
雖說施丹臨場調動得宜，但佢賽前部署亦不馬虎，等我highlight兩場畀讀者參考。
- 2016/17歐聯四強主場對馬體會：馬體會善於兩翼進攻，施丹安排中場同閘double team馬體會兩翼，當晚對手完全無法進攻。
- 2016/17西甲作客魯營，賽前恩尼斯達因傷上陣成疑，施丹大膽放棄防中，同巴塞鬥搶控球，直至恩尼斯達上場，先換入卡斯米路平衡中場。
Del Piero on Zidane’s success: … I spoke with him and he was explaining how much he was studying and going around all the teams in France and Spain to look at what the other coaches were doing and how things were going on …
新魯營不敗男
提起魯營，當然要講下施丹國家打吡嘅表現啦：1W2D2L（西甲），2W（西超盃），成績中規中矩，不過第一場贏 2:1，摩連奴同安察洛堤都做唔到，而且作客魯營未嘗一敗。西超盃後比基表示：Still, in the nine years I've been here, it's the first time I feel inferior to Madrid.
冷靜外表難掩爭勝雄心
講開國家打吡，不得不提最近嗰場，賽事依舊有唔少爭議：巴塞右閘上半場紅牌出場，當時賽果1:1，施丹大可利用人多嘅優勢控制賽事，睇準時機先落手，不過下半場唔係咁發展：皇馬全隊壓前逼搶，目標係贏波，結果巴塞反擊機會多左，仲入左一球。
仲有好多片段顯示施丹對賽事嘅肉緊，包括佢爆褲，見到巴利倒掛後失態等等。
https://youtu.be/b2dr802nNP8
大膽改變球隊陣式
好多領隊都用死一個陣形，畢竟變化或會帶來風險，施丹則無懼風險，敢於改陣：2016/17西甲作客西維爾起用532，球隊未能適應，結果告負，被對手終止40場不敗成績；2016/17歐聯對馬體會起用礸石陣，伊斯高大放光望；2017/18歐聯主場對PSG，下半場改踢442，阿辛斯奧交出兩助攻，皇馬贏3:1；仲有上面提及嘅2016/17國家打吡，先42（摩迪，高華錫）1（伊斯高）3, 後43（摩迪，高華錫，卡斯米路）3。
變陣原因各異：用532我估係想大亂對方陣腳同顧及球員體力，因為賽前兩場國王盃都係對西維爾；用礸石陣則因為巴利受傷，無法排出BBC；442（C朗打中鋒）則顧及C朗打左邊唔回防，而且皇馬中場中（摩迪，卻奧斯，卡斯米路，高華錫）皆攻守兼備，足以控制賽事。
改陣要熟悉陣形，了解球員能力／狀態，知道對手弱點，施丹都做得到。
起用雙面刃輪換制，C朗成最大得益者
施丹嘅一項重要政策就係輪換制，確保球隊夠力多線作賽。
佢連C朗都可以說服，令佢乖乖地做後備，甚至唔帶佢。我有個C朗迷嘅朋友話：C朗年年都踢足咁多場，結果球季後期受傷，狀態大跌。由於好多重要賽事都係季尾先踢，結果C朗被指控大賽隱形、對弱隊刷數據。施丹安排佢喺重要賽事先出場，雖然西甲唔再係神射手，但歐聯入球數字驚人，對拜仁，祖記，馬體會等強隊都有入波，2016年暑假仲贏得歐洲國家盃。
輪換制亦為其他球員帶黎機會，畢竟安排球員出場等同投下信任一票，仲要係球王嘅信任：華斯基斯喺賓尼迪斯麾下完全唔入流，但施丹執教後交出好多助攻，仲贏得國家隊一席位；阿申斯奧成日後備入替入波；高華錫喺一場國家打吡mark死美斯。
有啲球員則少左機會，包括占士同莫拉達，結果二人都不滿缺乏出場時間而離開。
少左兩名高質球員，換黎一班年青球員，輪換只好換佢地，結果係佢地未夠班擔大旗，皇馬因而無力衛冕西甲。
球員買賣冇話語權
施丹多番強調滿意自己隊伍，亦希望占士同莫拉達留低，但皇馬買賣球員唔輪到主帥話事，結果球會連比比都放走埋（導致今季後防不穩），換黎一班乳臭未乾嘅黃毛小子：3000萬由馬體會度買左個垃圾左閘；為防巴塞捷足先登（我估）買左U21 MVP Ceballos；回購表現出色但成日傷嘅Vallejo；賣左丹尼路，結果冇右閘後備，要起用未夠班嘅青訓Hakimi。
輪換制繼續，施丹無奈要用佢地，搞到聯賽成績好差，最後施丹只有歐聯呢個出路，出路亦變成末路...
後記
老土啲講句：一入豪門深似海。施丹選擇急流勇退未嘗唔係一件好事，總好過畀人炒。坦白講，我前幾日奇想：施丹會唔會against the odds，成為皇馬嘅費格遜？
我唔會對下任領隊有太大期望，因為施丹執教期間嘅景象，唔係簡單一個好教練就能做到，下任領隊最多咪係一個新嘅安察洛堤，新嘅摩連奴，新嘅卡比路，都係一9樣，冇分別：拎盃，衛冕失敗，被炒，下一個。
請按此登錄後留言。未成為會員? 立即註冊