柏夫路真高 重新出發

相信大家有不少都認識這位前熱刺前鋒-俄羅斯黃金一代既鋒霸 柏夫路真高
雖然今次唔係講佢整段既生涯,但想講下佢回流俄羅斯後既生涯。
係熱刺鬱鬱不得志既佢最終離開,回歸俄羅斯,加盟一直想簽佢既莫斯科火車頭。
原料佢會作為神鋒再次降臨俄超,但呢一位鋒霸,卻沒有達到佢預期既所想。

國內名氣極高既佢,憑頭幾場初為火車頭上陣已經得到球迷既歡心。
而其中一場對陣俄超一哥莫斯科中央陸軍,真高係該場對比賽更攻入佢火車頭第一個入球,
以及貢獻一助攻為球隊以2:0勝出比賽。面對如此表現,球迷自然更愛佢,佢既信心亦番番黎。


就好像重獲新生既英雄一樣,I am Roman Pavlyuchenko !
但可惜呢位鋒霸,半季良好表現後,火車頭換帥,而新既主帥就係依家韋斯咸既比歷。
相比於柏夫路真高,比歷嫌佢同自己戰術有出入,所以更喜愛用依家係新特蘭既尼杜耶。
當季初正選了幾場後,真高就變為後備,直至季尾都係後備。

季後比歷帶領既火車頭拎左有史以黎最差既成績,然而佢當然被炒。
原以為機會再臨,但坐左成季既真高,新既教練無將佢放係正選到。
但表演機會也是多了,正選機會也多左,雖然經常是後備換入以及後備換出。
這樣持續左幾年,雖然都拎過俄羅斯盃,但柏夫路真高呢個名,好似漸漸被世人忘記。
原本名氣同艾沙雲,沙哥夫等並列既柏夫路真高,現在已經被其他人拋離。
( 佢係火車頭既表現 )

2015年,柏夫路真高同艾沙雲一齊加盟古班,呢對08年令世界震驚既組合自2012年再次合作,
今次仲要係球會。消息一出,開心,興奮,持續咁黎。
但一切都係假的,古班簽下艾沙雲同柏夫路真高,只係佢地既公關政策。
只係為左選市長既人,為增加自己人氣,而令球隊簽下艾沙雲同柏夫路真高,
最後當佢選完市長,就唔理球會,所以艾沙雲同柏夫路真高係古班出場率極少,
柏夫路真高上半季更長居後備,而艾沙雲半季後亦嬲到要同球會解約。
柏夫路真高無走到,但上陣次數亦唔見得多,然而呢位傳奇鋒霸,係季尾幾場重獲正選。
更係最後2場攻入2球,為自己咁不幸既災難一年,向大家証明自己仲係高水準既前鋒。


新一季,古班降班,柏夫路真高加盟另一支俄超球隊烏拉爾,經歷左上年災難一年後,
係烏拉爾簽佢個陣,好多球迷都話簽佢做乜,佢唔夠勁,但係佢第一場對陣UFA,
佢為球會攻入一球!!係第一場為烏拉爾出場,佢為球會攻入一球!!
呢球為佢打下強心針,一洗頹氣,以及為唔信任佢既球迷挽回聲譽。
係第二場,對陣上季第二既俄超李斯特城羅斯托夫,雖然真高既表現唔係好突出,
更有一球良好機會被人檔到,但久違地踢足了90分鐘,証明烏拉爾既教練都幾信任佢。
希望今季真高可以証明比大家睇,自己依然係當年個位俄羅斯神鋒-Roman Pavlyuchenko

如果喜歡我們的文章,請即分享到︰

標籤: Roman Pavlyuchenko  Russia  Lokomotiv  Spurs  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→