【歐聯外圍賽】首回合：利記求生篇 精選

歐聯首回合的賽事，高普爸爸執教的利物浦排出跟聯賽一樣的人腳及陣型。對手是一支由2016年5月開始主場從未輸過的德國球隊──賀芬咸。執掌是不易對付的德國新星教練祖利安。

文：蘇恩圖

開賽初段，紅軍先輸12碼，睇返慢鏡係老虎轉身慢，情急被通大細下踢跌對手。但米撈撲出(佢撲救數字20救7，成功率有35%)，當然劊子手射得差，但值得一提係撲出12碼後，高普先跟約翰擊掌，喂，約翰係邊個？利記個守門員教練呀。呢個唔邀功的教練，抵請抵讚。
圖：左邊果位，正係約翰。

賽至35分鐘，阿諾射靚罰球，其實佢進攻係有才華(先讚，稍後當然有彈)，上場已經見到所有罰球角球佢處理曬。半場1:0，賽至63分鐘，米拿後備入替軒臣，正副隊長交替，整隊波生曬，賽至74分鐘，紅軍前場一記快開罰球，將球傳至進攻左路的米拿，正當他傳中之際，皮球省到對方心口，變成弧線彎入龍門，2:0。至87分鐘，賀芬咸後場大腳踢向前，皮球落在阿諾前方，但小子一直舉手示意越位，腳部沒有跟上，結果被烏夫控前射入。(呢球波輸經驗，正常跑左追左先，但竟然企定定舉手)，1:2。這亦是最終賽果。
圖：阿諾防守雖有過失，但射入靚罰球，總算為佢嘅歐洲賽處子戰留下好回憶

先總結好的，前場有配合有默契，米拿回歸中場，爽。彈既係兩閘及中堅經常一打一，兩閘少收中路，3名中場導致兩邊閘有弱點及空間被攻，亦令經常被對方放高波去兩閘身後，重點係阿諾，摩蘭奴單對單防守能力不強，危險。補時防守罰球，對方1至2個企越位點(之後走出走入)，但無人防守同跟貼, 然後當然被對方後攝搶點頂中，但可惜高出，睇見都要食救心丸。當然，前線亦要加強把握力。高普完場先同職員握手，再同賀芬咸少帥祖利安握手，足見佢重視職球員關係。
圖：高爸

24號凌晨，利物浦主場對賀芬咸次回合賽事，估計會小心翼翼，可勝不穩，和波合理，看看是否馬後炮，相信晉級仍屬利物浦。在公在私，球迷應該今場見不到古天奴出場。

順帶一提，9月7日20支球隊公投，將轉會窗市場提前開季前定維持8月31日，現有14支球隊贊成變動，最快18/19球季生效。