【譯】U21教練：根少回歸好生猛 精選

萬金油後衛費拿根最近回歸，參與了星期二利物浦U21預備隊的比賽，比賽三十分鐘。U21教練比爾指他「狀態唔錯。」

譯：元朗謝四


費拿根於過去一年半多受膝部傷患影響，倦勤，最近在高普治下復操。

該場比賽，利物浦U21以0-0閉門賽和費捷活城。比爾接受官網訪問，對「根少」回歸感到鼓舞。

他表示：「佢返黎實在係太好了。

「佢落到場好生猛。我覺得佢可以踢耐啲添，但一步一步黎啦。」

根少在康復期間依然鬥志十足。比爾則覺得根少朝氣勃勃。根少已訂下長遠目標，希望於明年奪得正選位置。

比爾續說：「佢成日喺米活訓練場蒲頭，冇幾可見到佢。但係佢過黎(U21)時好積極，好想踢返波。

「佢受傷期間經歷唔少。你記唔記得，佢未傷之後表現幾好呀，入咗英超蘭國家隊，喺利記踢上一隊，甚至係該季表現最好嘅前三。
「慢慢黎，希望黎緊喺一隊見到佢。」

根少能踢左右二閘，假若回復受傷前的水平，必能為利記陣容帶來補強，使防守選將更為充裕。
他防守時鬥志堅韌，跑動十足，屬高普喜愛的類型。

高普亦表示對根少回歸，感到十分興奮。惟比爾亦坦言，他受傷長久，重拾佳態仍有長路要走。


原文：This Is Anfield