歐聯分組賽經歷三個月的比賽，終於來到分組賽尾場，利物浦暫以2勝3和得以保住榜首之位，今晚深夜將會在晏菲路面對莫斯科斯巴達的到訪。圖片來源：網絡
作為利迷，何解用“得以保住榜首”的字眼？不難理解，勝出的2場係對名不經傳的馬里博爾，而面對近年宿敵西維爾，無論主場作客都係大好形勢下被對手迫和，連同前年歐霸杯決賽，都係無甜頭。難得同組混亂非常，莫斯科斯巴達竟兩和馬里博爾，而西維爾亦輸比莫斯科斯巴達，真係亂到呢。
綜觀11月賽程，利物浦聯賽算順，三勝一和。高普候選11月最佳領隊；沙拿候選11月最佳球員，對修咸頓入球更同時候選金球，算係火熱。好多人話攞呢個豬肉獎會黑三個月，不過個人意見，有努力又有成績，得獎係一份肯定，有獎金又有獎章，攞左先講。分分鐘係續約加薪條件。
講返歐聯，其實尾場主場對斯巴達係好事，12月先黎作客莫斯科，凍架。加上球隊狀態有架，所以打好自己，出線應該掂。其他組都7788確認出線，首名次名同樣惡搞，拜仁次名，祖記次名，皇馬次名，巴黎首名，巴塞首名。今晚預測利記半場2:0，全場3:0或4:0。首名出線對祖記，睇下中唔中。
陣容尚算完整，龍就卡利奧斯，後面應該卡拉雲，老虎暈，兩邊摩18同高美斯，中場神軒，韋拿杜姆，古天奴，前面費明奴，沙拿，文尼，應該係咁。簡23，摩18如果今場有牌，16強要停賽，過到關就淘汰賽洗牌，不過無得諗，去盡。加油。圖片來源：網絡
You'll never walk alone!
蘇恩圖@利物浦球迷會文學部
作為利迷，何解用“得以保住榜首”的字眼？不難理解，勝出的2場係對名不經傳的馬里博爾，而面對近年宿敵西維爾，無論主場作客都係大好形勢下被對手迫和，連同前年歐霸杯決賽，都係無甜頭。難得同組混亂非常，莫斯科斯巴達竟兩和馬里博爾，而西維爾亦輸比莫斯科斯巴達，真係亂到呢。
綜觀11月賽程，利物浦聯賽算順，三勝一和。高普候選11月最佳領隊；沙拿候選11月最佳球員，對修咸頓入球更同時候選金球，算係火熱。好多人話攞呢個豬肉獎會黑三個月，不過個人意見，有努力又有成績，得獎係一份肯定，有獎金又有獎章，攞左先講。分分鐘係續約加薪條件。
講返歐聯，其實尾場主場對斯巴達係好事，12月先黎作客莫斯科，凍架。加上球隊狀態有架，所以打好自己，出線應該掂。其他組都7788確認出線，首名次名同樣惡搞，拜仁次名，祖記次名，皇馬次名，巴黎首名，巴塞首名。今晚預測利記半場2:0，全場3:0或4:0。首名出線對祖記，睇下中唔中。
陣容尚算完整，龍就卡利奧斯，後面應該卡拉雲，老虎暈，兩邊摩18同高美斯，中場神軒，韋拿杜姆，古天奴，前面費明奴，沙拿，文尼，應該係咁。簡23，摩18如果今場有牌，16強要停賽，過到關就淘汰賽洗牌，不過無得諗，去盡。加油。圖片來源：網絡
You'll never walk alone!
蘇恩圖@利物浦球迷會文學部
請按此登錄後留言。未成為會員? 立即註冊